Pa Galicia va un barcu cargáu de melicamentos


Hai situaciones que namái que se pueden pescanciar dende la clave de la miseria moral, dende la clave de la corrupción, sinón xeneralizada sí polo menos omnipresente, o dende un amiestu de les dos coses. Hai un mes, día más día menos, el gobiernu gallegu decretó que determinaos melicamentos nun siguieren siendo financiaos pol sector públicu. El gobiernu de Núñez Feijóo ordenaba a los mélicos de la sanidá pública, d’un mou indirectu, que recetaren melicamentos xenéricos envede otros muncho más caros y cola mesma eficacia curativa. Ye esta una política dexixía por toles asociaciones de defensa de la sanidá pública y polos partíos y sindicatos contrarios a la política privatizaora de los últimos tiempos.

La midía tomada pol gobiernu de Galicia enmarcábase na política xeneral contra la cris y, de fechu, en dos selmanes de vixencia, les estadístiques amosaron un aforru en gastu farmacéticu pal erariu de cuatro miyones d’euros. Esto significaba que la norma taba xustificada y que la so eficacia yera más que notable. La salú de los gallegos siguía tando igual de curiada y la facienda pública equilibraba les sos cuentes.

Escontra esti ésitu de política económica y sanitaria, lo lóxico sedría qu’otres comunidaes autónomes siguieren l’exemplu gallegu y que, mui especialmente, el gobiernu central impulsare la midía y apautare colos estremaos gobiernos la meyor forma de ponela en marcha cola mayor coordinación posible. Pero’l gobiernu de Rodríguez Zapatero nun fixo eso sinon que presentó un recurso al Tribunal Constitucional contra’l decretu de Galicia. La ministra Pajín pidió abellugu al altu tribunal argumentando que’l gobiernu de Núñez Feijóo, testualmente, “rompía la igualdá pente los españoles”. Vaya, que’l fechu de qu’una marca concreta d’analxésicu se pueda comprar en Mérida y non en Viveiro supón un atentáu contra ún de los valores de la tríada de la revolución francesa. Ye más, igual entamaba un movimientu nocturnu pela ría pa contrabandear con aspirines pente Ribadeo y Castropol.

El casu ye que’l Tribunal Constitucional aceutó’l recursu’l gobiernu central y la normativa gallega ta agora suspendía. Gracies a esto los gallegos van pagar nes prósimes dos selmanes cuatro miyones d’euros pa gociar de la mesma salú que diben tener ensin gastalos. Agora, eso sí, van tener la satisfaición de ser “iguales” que los asturianos, los catalanes o los canarios.

Nun soi yo precisamente un partidariu de les polítiques económiques y sociales del PP –concretamente tremo como una cibiella cada vuelta qu’abren la boca Aznar y los sos economistes de FAES- pero, como ciudadanu y como profesor, paezme qu’esta midía concreta de Galicia ye social y técnicamente mui defendible. Ya’l fechu de qu’una política anticíclica acertada seya, envede copiada, llevada a los tribunales, tien de tener una desplicación estremada de la idiocia profunda de los mesmos gobernantes que reducieron los sueldos, cambiaron les lleis de tráfico, baxaron les pensiones ya un llargu etcétra de midíes… eso sí, mui “igualitaries”. Ya equí vien o la miseria política o la corrupción. La primera nun reside notra cosa que na negativa a aplicar una política eficaz ya ensin coste social dengún namás que porque se-y ocurrió al Partido Popular. La segunda ye la fuercia’l “lobby” farmacéuticu y los porgüeyos que determinaes persones tienen nesi mercáu.

Como teo tendencia a facer analises de basa materialista suelo camentar siempres que los intereses económicos despliquen meyor les coses que la estupideza o la mala intención. Y asina veo como’l mesmu gobiernu que allanzó la cruzada antitabaco, que pretende controlar el pesu de les hamburgueses, que quier prohibir les tiendes de “chuches” a menos de nun sé cuantos metros d’un colexu…, permite total llibertá na publicidá de melicamentos. D’un tiempu a esta parte tóo paez enfermedá. El fechu cenciellu d’avieyar ye consideráu como un síntoma d’una enfermedá pa la qu’hai de tomar melicamentos. Como les persones mayores duermen menos, pues son enfermes y a tomar “dormilanem”; como les muyeres de cierta edá tienen engurries, pues son enfermes y a ponese “botoxil”; como la vida ye como ye, meyor con “vitalfarm”. Les grandes multinacionales farmacéutiques –el tercer grupu de presión más importante’l mundiu- tan convirtiendo, col preste’l gobiernu, los medios de comunicación n’escaparates melicamentosos, provocando na población unes adicciones de consecuencies imprevistes, anque dalgunes yá son bien visibles en más d’una familia.

Y, por cierto, que tampoco los asturianos somos tan “iguales” nesti asuntu de la sanidá. El centimín d’Areces, esi “céntimu sanitariu” que son realmente dos céntimos, calculando asina a lo bruto, yá diera más que de sobra pa financiar l’HUCA, inclusive’l so sobrocoste, un erru cálculu enforma recurrente nes nueses obres publiques como pa nun ser cosa sospechosa. Ya ye que’l cuartu grupu presión pertrás les farmacéutiques ye, precisamente, el de les grandes constructores.

Comentarios

  1. O yo soy muy burro, (posibilidad que no descarto), o ud. se explica mal. ¿Acaso quiso decir en su artículo que el gobierno veta una norma de una Comunidad tendente en ahorrar en su gasto sanitario, sin merma de su eficiencia, alegando que esta medida rompía la igualdad entre los ciudadanos del Estado? Espero haber entendido mal la exposición pues en otro caso estaríamos ante un despropósito de tal magnitud que atentaría a la razón y a la dignidad que merecemos como ciudadanos y a la evidencia del mal uso que hace el Estado de nuestros impuestos. Podría creerlo del lobby farmacéutico, pero ¿de qué manera tienen cogido a un gobierno socialista para que obre tal despropósito?. ¿Se les debe algo? ¿No se les pagaron los millones de inútiles vacunas de la pasada campaña de gripe A? ¿A que juegan que no nos enteramos?. ¿Qué clase de igualdad quiere la sra. Pajín? Sobre el céntimo sanitario le puntualizo que son 2,4 céntimos por litro de gasolina y 2 céntimos por el gasoil desde el 2004. Con una calculadora podrá echar el cálculo aproximado. Para tener una aproximación la Xunta de Galicia en el 2008 cobró 96 millones de euros por este impuesto (teniendo en cuenta que era de cuantía menor que aquí). Bruselas considera ilegal el impuesto y ya hay asociaciones de transportistas que lo reclaman por vía judicial, pero no importa el Estado vetará a toda Europa por que rompen la igualdad.

    ResponderEliminar
  2. Yo nesti tema, como en tantos otros, nun tengo claro hasta ónde llega'l pesu de la miseria política y hasta ónde'l de la corrupción, sobre too conociendo'l sectarismu qu'añeren na actividá política y les decisiones antieconómiques (equí tenemos el casu del rechazu a les perres que nos aportaría la oficialidá, por poner un exemplu notro terrén).

    ResponderEliminar
  3. DMR: fales de los grupos de presión y dices que'l farmacéuticu ye'l terceru. Igual ye que soi un inorantón pero, dime cualos son los otros.

    ResponderEliminar
  4. Toi dafechu d'alcuerdu col primer comentariu y col Xanu. La llende ente lo uno y lo otro ye bien complicada de columbrar. Pero nesto, como en tanto otro, ta mui claro que'l dineru nun ye nengún problema. Cola mentalidá de nuevos ricos que s'instauró n'España (sobremanera dende la entrada na XE) paez ser que falar de perres máncanos porque ye amosar que siguimos siendo un de los veciones probes d'Europa.

    La xente nun ye realmente consciente de les cantidaes de perres marafundiaes en namás qu'enllenar cuentes bancaries de políticos. Mesmamente güei na TPA vi una noticia na que falaben d'unos correos qu'una funcionaria unvió a la policia y que rellacionaben al señor Don Gabino Corleone con una serie d'«irregularidaes" nel casu de Villamadalena; lo más sorprendente foi qu'un paisanu al que-y entrugaben qué pensaba dicía que probe alcalde, que de xuru que nun sabía nada del tema.

    Podríemos siguir asina dellos díes, pero voi dexar trés apuntes más. ¿Qué clase de gobiernu rebaxa y conxela sueldos pa quitar gastos pero caltién tolos encontos a la tauromaquia porque ser un espeutáculu non rentable? ¿Qué clase de gobiernu con dalguna triba de visión nel futuru rebaxa inversión n'Educación? ¿Qué clase de gobiernu decreta lleis pa baxar el gastu públicu con lleis qu'impliquen inversiones millonaries p'aplicales (publicidá de les midíes antisociales que llevaron a una nueva FX o les famoses llámines de la velocidá...)?

    Hai tiempu que pienso que'l destín sí ta escritu, pero polos hermanos Marx....

    ResponderEliminar
  5. Don Jacopo: no es usted un burro, que, por cierto, es un animal inteligentísimo, como el asturcón, mientras que los "nobles" caballos son más bien torpones y muy difíciles de entrenar para nada. Le agradezco el dato de las ganancias de Galicia con el "centimín" porque no lo conocía y me ilustra sobremanera en mi percepción de este asunto. Por lo que hace a su sospecha de si el gobierno de Zapatero no pagó todavía las dosis de la vacuna contra la gripe A, es cosa que no me paré a pensar. Pero sí le digo que conozco (a través de pasadas relaciones cálidas, ya me entiende usted) bastante bien el funcionamiento de las multinacionales del piramidón y le garantizo que no desmerecen de lo que en el cine conocemos como "género mafioso".
    Y, por supuesto, que para ellos lo importante no es que los "españoles" estén sanos, despilfarren menos y sean felices. Lo importante es que estén unidos bajo el yugo y las flechas, lo que ata y lo que mata.

    ResponderEliminar
  6. Agustín: les estimaciones sobro cuálu ye'l grupu presión más potente son estremaes polo que fae al orde, pero hai ampliu consensu nes cuatro o cinco primeres. L'orde ye esti:

    1. Agroalimentariu
    2. Enerxéticu
    3. Farmacéuticu
    4. Construcción/Infraestructures

    Igual te paez raro que nun figure'l sector armamentísticu. La razón ye porque ye un sector onde hai muncha presencia'l sector públicu. La mayor parte los países tienen nacionalizada totalmente o en parte la industria armamentística y por eso ye difícile colocala nun ranking de grupos de presión.

    ResponderEliminar
  7. Xanu y Pelayu: ye verdá que ye difícile estremar uno de l'otro, pero yo nel casu de lo farmacéutico veo más la llarga mano de los lobbies y los porgüeyos. Hai un hospital n'Asturies que da a los neños recién nacíos una marca del 1 al 15 ya otra del 16 al 31, porque asina lo apautaron les multinacionales y quien tomare la decisión sanitaria.

    Lo que dices, Pelayu, col exemplu los toros ya eso, ye verdá. Cuando un conceyu gasta perres nuna "feria d'abril" y nun paga una banda gaites ye claramente custión ideolóxica. Pero lo ideolóxico emplégase pa gastos menores. La feria de Piloña ya inclusive tolo que'l gobiernu'l reinu gasta en tauromaquia ye calderiya en comparanza col gastu farmacéuticu. Mira'l datu: dos selmanes con xenéricos y Galicia aforró cuatro miyones d'euros. Un toru, por exemplu, cuesta pente 6.000 y 9.000 euros.

    ResponderEliminar
  8. Tras el inicial pasmo incrédulo ante semejante barbaridad y el consiguiente empacho de certeza de que la corrupción fluye alegremente por el tuétano del estado, me ha asaltado un momento de reflexión. Puede ser, digo yo, que todo este atropello a la razón venga del imperativo legal, magnífica prueba del nueve de las administraciones públicas. Creo, y seguro que alguien habrá que sepa, que el trasunto de esta infamia debe venir de la Ley de Contrataciones del Estado (o algo así), que impide discriminar a las sufridas empresas privadas. De ahí el recurso basado en el incumplimiento de nuestro tan bonito 14 de la Constitución. Supongo que esto da base legal a todo el procedimiento y la Xunta se puede ir despidiendo del ahorro calculado. Y la Pajín se quedará tan ancha, o más, que ta poniéndose como un bocoy

    ResponderEliminar
  9. Sr. Richi, no haga calificativos sobre la anchura de la ministra que para eso está el alcalde de Valladolid. Leyendo noticias de agencia no encuentro declaraciones de usuarios de la sanidad gallega, sólo encuentro noticias muy favorables de la industria farmaceutica y del PSOE.
    ¿Blanco y en botella?
    MADRID, 4 Mar. (EUROPA PRESS) -

    El PSOE ha aplaudido la decisión del Tribunal Constitucional de paralizar la aplicación del catálogo de medicamentos, aprobado por la Xunta de Galicia, durante cinco meses porque, a juicio del grupo, este gesto "devuelve a los ciudadanos gallegos la igualdad de prestaciones de la que disfrutan al resto de los españoles".

    ResponderEliminar
  10. Bienveníu al blogue, Richi. Espero que sigamos en contautu.

    ResponderEliminar
  11. Esto del PSOE yá ye insufrible. Hasta mio padre ta fartucu y diz que nun va votar. Yo quiero convencelu pa que vote Conceyu Abiertu o BA-UNA pero ta fechu un anarquista. Él, tan socialistón dende chaval...

    ResponderEliminar

Publicar un comentario