22.10.10

¿Una posible alternativa?

Nun sé cómo van les negociaciones, si ye que les hai, pente les organizaciones nacionalistes asturianes. Namás conozo les opiniones de les persones más cercanes personalmente y que –descartada yá la concurrencia en sestaferia del PAS y la URAS- llimítense a Andecha Astur y a Unidá Nacionalista Asturiana porque, por circunstancies históriques que tol mundiu sabe o comprende, nun teo muncha rellación colos miembros del Bloque por Asturies. De toles formes eses opiniones y les mios propies esperiencies faenme suponer dellos estremos, suposiciones que, asigún me llevante d’un humor o d’otru, llévenme lo mesmo a ser optimista que pesimista.

El discutiniu al rodiu d’una alcordada debe centrase nun programa común nel que queden claro tres o cuatro coses, tan cencielles como la oficialidá de la llingua asturiana, la reforma l’estatutu con plenes competencies, la categorización d’Asturies como nacionalidá, la posibilidá de reintegración d’aquellos conceyos y tarrentorios que democráticamente lo decidan ya’l bientar social y la equidá como programa basal de política económica. Dempués, embaxo esta declaración de principios, vendría’l programa concretu pa facer política nel día a día.

Pero tamién ye necesario entamar falar de lo que, paeciendo más simplayo, acaba por ser el gran pilancu d’esta triba negociación: la forma que se-y da a la opción ellectoral y los candidatos que la pueden encabezar. Cuando dende les organizaciones, les columnes de prensa, los blogues na rede o los alderiques na radio y na televisión dicen o dicimos qu’esto ye secundario, tamos mintiendo a otros o engañándomos a nós mesmos. Ta entamando payares y les ellecciones queden a tiru piedra, a poco má de cinco menses. Sé por esperiencia –viví en primera persona les negociaciones del 1999, del 2003 y del 2007- qu’eso ye mui poco tiempu y que, si nun se trabaya con regularidá dende agora mesmo, llegarán les prieses y, con elles, garrarán ventaxa los que nagüen por torgar cualisquier unidá –seya por un honráu masimalismu, seya por profesión de caballu troyán- y los que –seya por un honráu pragmatismu, seya porque siempres arrenegaron del nacionalismu- buscarán caminos fáciles y perandaos na gueta l’abellugu d’Izquierda Unida o d’una opción asemeyada que pué tar fraguando nesti momentu.

Nun se pué dir más alló de primeros de xineru ensin saber que va pasar. Les persones qu’encabecen una llista única –si ye que se da la posibilidá- nun puen esperar a abril pa dase a conocer. Tampoco se pué preparar un presupuestu financieru a vente díes d’unes ellecciones. Ye mester tener nomes y plan económicu pa primeros d’añu, ultimalo pa febreru ya entamar campaña en marzu. El “marzu nialarzu” sedría un bon momentu pa entamar a facer el ñeru.

Dende’l mio puntu d’agüeye, que, magar que discutible, atalanto que basáu nun fonderu conocimientu la realidá, les coses nun son fáciles. Y nun lo son, non namás –como cuasi siempres se diz- por custiones personales o, a lo menos non namás que personales. Hai tamién problemes de difícile solución. Por exemplu, si la xuntanza se produz pente AA, UNA y BPA, la cosa más lóxica una vegada que les otres organizaciones (PAS ya URAS) dixeron que nones, ¿cómo salvar el pilancu de los pleitos internos d’Andecha, la llamada “custión de les dos andeches”?. Porque equí nun tamos escontra la voluntá de los dirixentes de les dos llínies, a los que veo abiertos a la negociación. El problema ye que puede abastar un recursu d’una persona pa que los xueces intervengan y too acabe pior de lo que yá ta.

Tamién esiste otru problema, que namás tien solución si hai voluntá naquellos que tienen la ventaxa: el financieru. Nuna hipotética coalición de la esquierda nacionalista, una de les organizaciones, el Bloque, va cuntar con financiación pública pol fechu de ser partíu parlamentariu. Andecha Astur ya UNA tendrán, polo contrario, que tirar namás que d’unos recursos propios que son, como toos sabemos, escosos. Esto pon al BPA nuna posición de poder escontra cualisquier negociación. Y, por mui estupendos que mos pongamos no ideolóxico y se mos llene la boca de “patriotismu”, esta ye una realidá incuestionable. Y quien tien ventaxa va ponela enriba la mesa. Hai unos años, cuando toos yeran estraparlamentarios, namás que los que nun queríen ver la realidá custionaben la ventaxa qu’Andecha Astur tinía, pol so tamañu físicu y financieru, ya, en consecuencia, la so mayor capacidá pa poner condiciones. Agora ye’l Bloque quien ta nesa posición. D’ehí les mios reticencies, tal y como les sopelexé hai unos menses, porque camiento que’l Bloque nun va querer perder la so posición de supremacía, anque l’argumentación s’empobine más a la so esperiencia na política cuotidiana ya’l perfil del so candidatu más posible. Como a la esquierda siempres-y cafia falar de perres, siempres acaba argumentando otres coses que-y paecen políticamente más “presentables”.

Mentanto, la gran mayoría de los nacionalistes adiquen pa la situación pente esperanzaos y perplexos. Pero ye qu’inclusive hai una parte de la ciudadanía, non necesariamente nacionalista anque sí xenéricamente “asturianista” –mui bien reflexada nel artículu “Sí hai base social” de Xanu’l Caborniu- qu’entama mirar les coses d’otra manera. Les ellecciones vinientes van ser dafechamente bipartidistes y los que nun quieran participar nesa ceremonia nun-yos queda otra que l’abstención o, retacando los nefros, votar a Izquierda Unida. Pero hai una enchentona en bona parte de los ciudadanos, escontra un PSOE que pasa a la historia como’l primer gobiernu democráticu que rebaxa los salarios y les pensiones nominales ya un PP que durmi la sosiega mentres espera’l maná de votos y retrolica güei polo blanco y mañana polo negro. Nun ye casualidá que’l diariu “El Comercio” retirare la encuesta sobro’l debate d’orientación política porque, d’una miente amoriante, sofitaba les crítiques de Roberto Colunga. Igual munchos nun taben d’alcuerdo con elli, pero sí se daben cuenta de que yera la única crítica verdadera al simplayu y autocomplaciente discursu d’Álvarez Areces.

Por toes estes coses camiento qu’una posible alternativa ye encadarmar una agrupación d’ellectores. Nun toi diciendo que seya la solución ya sé que tien bien de problemes. Namás quiero plantegar una posibilidá cola qu’atayar dalgunes custiones tan enartaes como les reseñaes. Una agrupación d’ellectores resalva’l pilancu de les siegles ya unifica la financiación, cosa que nun va poder facer –lo más posible- una coalición.

Facer una agrupación d’ellectores requier recoyer firmes de ciudadanos, concretamente les de un unu por ciento de los inscritos nel censu ellectoral. Eso quier dicir que, si se quier presentar una opción política en tol tarrentoriu, hai de tener les firmes de les tres circunscripciones. Eso significa llograr unes 1.300 firmes nel occidente, unes 6.900 nel centru ya unes 700 nel oriente. Ye dalgo difícile pero puede algamase una organización potente pente los partíos qu’apuesten por una unidá y los ciudadanos y redes sociales que lo sofiten.

Una vuelta algamaes les firmes ya estructurada l’agrupación consiste n’alfrentase a los dos problemes de los que falaba: los candidatos y la financiación. El primer puntu pue resolvese con una convención onde se presente pal puestu quien quiera facelo o aú se-y proponga a otra persona la opción, persona que contestará lo que-y pete. Pue paicer mui complicao pero nun lo ye tanto: malapenes hai dos o tres candidatos “motu proprio” ya otros dos o tres posibles y que tan fuera de les organizaciones.

Polo que respecta a la financiación, la solución ye cenciella, si ye que tamos de verdá interesaos nuna alternativa asturiana y p’Asturies. Ye custión de facer un fondu coles aportaciones publiques del BPA, les perres d’Andecha Astur, UNA ya’l mesmu BPA, y les aportaciones de los ciudadanos de l’agrupación. El cálculu ye fácile nesti últimu casu: una amplia forqueta pente cien persones qu’apoquinen mil euros y mil persones qu’apoquinen cien euros. Nun modelu como el nuesu, nel que too cuesta perres, los discursos acaben midiéndose munches vegaes pol sacrificiu monetariu que se fae por elles. Si l’esitu d’una fuelga llarga mídese pola capacidá de perder salariu dementres esi tiempu pola parte los trabayadores, ¿por qué eso nun val pa los nacionalistes o pa los asturianistes?. La rimpuesta ye clara, sacantes que los nacionalistes asturianos –como podríen afirmar dalgunos esquierdistes internacionalistes- tean la llengua nos blogues ya’l corazón nel bolsu.

Por cierto, pa finar. Nun pierdan el tiempu faciendo llectures sobro la mio persona, porque nun ye’l casu. Yo teo mui claro dende hai un tiempu qué ye lo que votaría nuna especie “primaries”, una opción que, pal que me conoza un pocoñín, nun va resultá-y nada estraña. Abasta con pensar que teo unos añinos, soi nacionalista y soi d’esquierda.

Imprimir

52 comentarios:

  1. Nel meyor de los casos paez que van presentase dos candidatures y pue ser lletal. Pero quexándolo nun s'igua nada, asina qu'habrá que lo aceptar. L'ártículu paezme percompletu y con megollu a esgaya pa saca-y:
    -Toi d'alcuerdu no de marzu nialarzu. La candidatura ye pa ufrila a la sociedá y non pa la tribu. Poro, ye vital y pernecesario disponer d'un tiempu mínimu pa sopelexala dayures y buscar apoyos de toa mena. A última hora y corriendo nun val.
    -El candidatu tien qu'algamar el mayor consensu posible, teniendo en cuenta que la unanimidá ye una utopía. Yo buscaríalu nos corriellos nacionalistes o xente independiente con prestixu pente'l nacionalismu pa evitar rocees innecesaries qu'esisten yá y nun podemos negar.
    -No del programa de mínimos como finxu partida vien plantegándose abenayá. Desarrollalu yá sedría xera de les formaciones polítiques. Si hai visión nacional avanzaráse de xuro, sinón...
    -Estructuralo como agrupación d'ellectores o si ye posible d'una vegada pesllar el contenciosu poles sigles AA ye un tema onde nun soi a entrar. Yo, la meyor solución sedría arreglar davechu esi contenciosu, pero desconozo del too si sedría posible.
    -La capacidá de compromisu na financiación pue dir mui arreyada a tolo demás que describes. Cuanto más ceo, consistente y acabada se presente esa opción más fácil va ser algamar dalgún sofitu económicu. Si se fai a lo trafulla y corriendo véolo difícil. El pesonal anda yá más quemáu qu'un borrón. Pa poder arrascar el bolsu tamién se necesita tiempu y autoconvencimientu.
    -Hai intereses claros por valtar una alternativa d'esti tipu porque pue fadiar otres opciones polítiques que tan na mente de toos y van trabayar a la escontra poniendo tola carne nel asador. El tiempu xuega a favor d'estos intereses.
    En fin, dalgunes cosuques que pudi esmesar sobre la marcha... Saludos.

    ResponderEliminar
  2. Equí hai que tener en cuntia dos perspectives, la estatal y l'asturiana. L'axuste de Zapatero piensa siguir p'alantre con él, pesia la fuelga light (compárese col Exágonu). Nun paez que vaiga facer denguna concesión pa llavar la cara a los sindicatos mayoritarios nin a IU. La xugada ye aguantar el tipu dica les eleiciones del 2012, caya quien caya, y pa entós el bombazu, que mui posiblemente va ser la despaición d'ETA (Rubalcaba faciendo de poli malu y Jáuregui como puente col mundu nacionalista, PNV y la izquierda abertzale, con un más que posible pautu colos primeros, amás de la pasta, a cambiu del apoyu a los presupuestos y la estabilidá de la llexislatura). IU va intentar rentabilizar la oposición al axuste del gobiernu. Nin ésta nin CCOO o UGT desendolcaron una oposición fuerte, la que pide la situación, a los planes de Zapatero, pero quien nun quedó tan n'evidencia (pal común de la población) nun son los sindicatos, sinon IU. Eso ye lo que van intentar rentabilizar pa les prósimes eleiciones, entamando peles del añu viniente. Dao que n'Asturies foi onde la fuelga tuvo'l siguimientu más altu, ye precisamente onde IU tien más visos de podela rentabilizar, pesie al desgaste de la xestión compartida col PSOE. Pero eso nun quita que nun seya un procesu fácil, tolo contrario. Non solo pol desgaste deriváu de compartir gobiernu o ayuntamientos en subordinación al PSOE, sinon tamién pol desgarru continuáu de cachos y cachos no interno, productu de les sos contradiciones, tanto por plantegamientos diferentes nes sos corrientes como pola llucha de clanes por algamar cuotes de poder.

    Nesi sen, l'últimu desgarrón ye pela drecha, cola marcha d'ICV (Cataluña) y sendos cachos d'IU en Baleares y País Valencianu. Toos estos yá tán trabayando (a emprendimientu d'ICV) na formación d'una alternativa a nivel estatal a IU, que tendría como exes l'ecoloxismu y los "problemes territoriales". A esi palu taría arimándose tamién Uralde, el de Greenpeace, que tá formando'l so propiu partíu ecoloxista. Otru de los posibles socios sedría la Chunta Aragonesista, y quién sabe, puede qu'hasta la UNA, gracies al puente de los aragoneses. De la banda d'IU van intentar coaligase colos otros verdes, los de Cabal, que, lo que son les coses, yá tien declarao que tienen "munches coses del programa en común con IU" y, sospresa, que "nun queremos nada con partíos nacionalistes" (víanse ediciones recientes del diariu Público). Otru balón d'osíxenu pa IU. Veremos qué faen los verdes n'Asturies, tanto los que tán en cualición con IU, como la militante que dio cobertura a Unidá (inda nun yera la UNA) como plataforma eleutoral de 3 partíos. Un de los problemes que va tener IU ye que la oposición al retayu del gobiernu, por más que seya solo de boca, ye más posible n'otros llugares del estáu, onde nun comparten tantes responsabilidaes colos socialistes, pero otra cosa bien diferente ye n'Asturies, onde la subordinación y la complicidá cola FSA ye total.

    Nel panorama asturianu la cosa ta bien clara: caún pel so lláu, sacantes la cualición UNA-Bloque, con o ensin Valledor. Ésti tarda en decidise por varies custiones. Lo primero, el so capital únicu ye la coherencia y la oposición interna dientro d'IU al escesivu combayamientu colos socialistes, lo que-y da cierta credibilidá o pesu énte los güeyos de los críticos con IU. Marchar de la mesma y apostar decididamente por esa cualición ye “quemar les naves”. Si la xugada-yos sal bien al Bloque y la UNA, Valledor tien techu nuevu onde abellugase. Pero si-yos sal mal, Valledor queda al albentestate y definitivamente amortizáu pa la política, por eso tien que pensar bien los pasos que vaiga dar. Pero tamién, y en rellación colo anterior, tien de pesar que sigue a la espectativa de qué vaiga pasar con IU a nivel estatal, el nuevu proyeutu d'ICV (que sintoniza abondo bien coles propuestes de Valledor) y los movimientos de UNA-Bloque cincantes a ello.

    (como nun me cabe entero, sigo)

    ResponderEliminar
  3. Xanu: yo tampoco toi seguru de qu'una agrupación seya la fórmula idónea. Lo más normal sedría una coalición convencional, que ye menos complicao. Pero pienso qu'hai que'entamar a facer una especie de "tormenta d'idegues" dende tolos llugares d'esti ampliu movimientu, más ampliu de lo que munches vegaes pensamos. Yo polo menos veo una gran paralización y veo la situación mui asemeyada a lo que yá viera otres vegaes. Por embargo tamién veo meyor voluntá nos responsables políticos. Por eso m'arriesgo a decir coses como estes, qu'igual son ocurrencies d'una persona un tanto fartuca (ye'l problema de dir pa vieyu, que yá pasate por munches). Por exemplu, pa que veas a lo que me refiero: un de los momentos piores de les negociaciones nes que yo participé fue cuando s'allanzó la pegunta ¿cuántes perres pon caún pa la campaña? Por eso punxe l'exemplu d'una fuelga. Ye fácil pontificar sobro la necesidá d'una fuelga llarga y mil persones (por poner un númberu) defiéndenlo públicamente. Pero llueu resulta que son trescientes les que nun van llevar renta a la familia o les que pueden perder el trabayu. Eso nun invalida la opinión de los otros pero amete un ellementu importante. Si nun hai unidá (como seya formalmente da igual) vamos a nenyuri. Pero si nun hai perres pa presentala lo mesmo de lo mesmo. Yá sé qu'esti debate ye muncho más feu que'l de l'interclasismu, la llingua más occidental o la unidá tarrentorial. Por embargo ye una custión que podemos resolver pente toos. A cinco menses de les ellecciones tienen qu'apaicer tres coses: la forma de la xuntanza, los nomes de los posibles candidatos y un modelu de financiación. El PP puede permitise'l culiebrón de Cascos, el nacionalismu asturianu non.

    ResponderEliminar
  4. Perdón, pero nun entiendo. ¿Dixe daqué ofensivo? ¿El mio analís acaso nun argumentaba lo que dicía? ¿Por qué esborriasti la segunda parti?

    ResponderEliminar
  5. Nun esborrié nada. Nunca lo faigo. Sosprendiérame que nun hubiera la segunda parte. Supongo que t'enquivocaste al mandalo. Un saludu.

    ResponderEliminar
  6. Tampoco nun quiero autoengañame nin enguedeyar a naide colo qu'opino. Electoralmente, namái que me cuadren los númberos cola yá perasoleyada propuesta de xuntanza dafechu (izquierda-interclasismu). Yo toi convencíu dafechu de qu'esi ye l'únicu camín con bolera d'entrada na Xunta Xeneral. Pero, como dixi enantes, si nun fuere posible, ¿qué facer?. ¿Quexalo amargamente?. ¿Resignase a una nueva frustración?. Tamién ye cierto qu'hai munches maneres de quedar fuera d'una institución, puestos nel plan más pesimista. Nun ye lo mesmo qu'una coalición del nacionalismu d'izquierda saque 10.000 votos presentándose pela primer vegada a qu'algame 4.000. En dambos casos quedaría fuera, pero nel primeru podría remanar el discursu, llexítimamente, de que s'empobina pel bon camín y, poro, pue siguise nesa llinia de trabayu pa volver a intentalo na siguiente ocasión, y nel segundu sonaría cásique a mofla y al discursu tronáu de siempre. Y ehí va la entruga del millón: ¿cuánta xente pue animase a sofitar (falando electoralmente), de la manera que seya, dende'l trabayu personal al apoyu económicu, o al simple votu, una opción ou opciones nes que nun ta nada claro que vayan llograr resultaos?. El tema de los plazos ye vital. Si surde al final daqué ha tener tiez y climen convincente col plazu suficiente pa difundise y atropar sofitos de toa castra. Pa la financiación hay qu'estruyar el cerebru pa ver la manera en que tol mundu pudiere apurrir lo que pueda. Nun ye lo mesmo un sueldu de 2.000€ que de 1.000, o tar nel paru, tener hipoteca o vivir en casa los padres y milenta casos estremaos dafechu. Abonda xente ta que nun llega a fin de mes... Pero, como dicia'l cantar "ensin dineru nun hai rock&roll"... En resultancia, la cosa ye revesosa hasta velo y dexalo. Yo mesmu reconozo que me contradigo a embute y qu'ando con un xaréu mental en too esto tremendu. Asina que voi quedame con una sola reflexón de too esto: tratar d'apurrir idegues como faes, por exemplu, nesti artículu paezme mui importante. Yá sabemos de sobra y por esperiencies anteriores cómo ta la corrada y que milagros nun hai. Pero ensin l'encontu políticu, pretender reconstruir nacionalmente esti país ye semar en sucu baxeru, por desgracia.

    ResponderEliminar
  7. Al anónimu y pa toos: daqué debe tar pasando nel blogue porque yo mesmu metí un post y nun salió espublizáu. Como nun soi mui duchu nestes xeres consulterelo'l llunes. Si vos pasa daqué asemeyao yá sabéis lo qu'hai.

    ResponderEliminar
  8. Xanu, tal paez qu'esti alderique va ser un mano a mano. Esto ye lo bono de ser sábadu, tar en pueblu y cola mazana pañao. Persabes que tamién defendí la xuntanza más amplia. De fechu siempres pensé asina pero hai cuatro o seis años les condiciones yeran otres. Pero esa posibilidá doila por perdía, salvo milagru divín. Como bien dices, como meyor noticia habrá dos candidatures (PAS-URAS y AA-UNA-BPA). Evidentemente yo votaré a la esquierda. Por cierto, que les dos coaliciones son "interclasistes", pero eso ye obxetu d'otru analís y pa otru día. Pero nun sedría d'estrañar que apaicieran más candidatures (AA sola, AA-UNA, UNA-BPA-Valledor, Valledor con una formación nueva, un llocu d'última hora qu'arrampuña los cuarenta votos que dan un conceyal, etc.). Escontra esto, ¿qué facer?. ¿Pesará más la coherencia ideolóxica o la utilidá política'l votu?. Si somos sinceros con nós mesmos, confesaríamos que díbamos pensalo muncho. Y sobro lo de les perres tienes razón. Nun ye lo mesmo tar paráu que ganar 900 euros, o que ganar 4.000. Eso quier dicir que les persones (les implicaes nesta causa) nun tienen toes les mesmes posibilidaes. Pero tienen les mesmes obligaciones. Unu pondrá 1.000 euros ya otru 10, ya'l de más allá pondrá namás que'l so bon trabayu. Pero d'esto hai que falar anque tea menos "glamour" qu'otres coses. Porque si esto nun se trata a tiempu, los "ricos" (seyan persones concretes d'un partíu, seya'l partíu con más perres) condicionarán los programes y l'acción política.

    ResponderEliminar
  9. Cuestión técnica: nes mios dos anteriores intervenciones salióme un avisu encamentándome qu'había un erru y escesu de llargor, pero dempués entráronme perfectamente. A lo meyor ta intentando entrar más xente y tien problemes polo que comentes. A ver qué pasa nes prósimes hores. Un saludu candial, David, y voi aselar un poco porque tampoco nun se m'ocurre más nuevo que comentar per agora...

    ResponderEliminar
  10. Algo tamos faciendo permal. La encuesta qu'espubliza güei la nueva españa ye demoledora pa les espeutatives del nacionalismu asturianu. Un 3,8% pa tolos partíos menos pp, psoe y ix. Sinificaría tener el pior resultáu de la hestoria nes eleiciones autonómiques.Fai falta un puñetazu enriba la mesa y imponer una direición nacional que ponga orde.

    ResponderEliminar
  11. Nun sé muncho d'estes coses y nun sé si lo de l'agrupación d'ellectores ye cosa bona o non. De fechu, el mesmu David que lo propón reconoz que tampoco ta mui seguru. Pero lo que sí me paez ye que David enquivócase nesa zuna de nun cuntar pa una posible candidatura. Tamién nesto sé poco pero nun me paez razonable que se retire de la palestra una persona como él, col perfil que toos sabemos y que tien la edá de los que güei tan gobernando en tolos sitios y muncho más mozu que munchos conseyeros d'Asturies y que los ministros fuertes de Zapatero. Nun digo que seya'l meyor (que vais atribuilo a que lu aprecio muncho) pero nun podemos permitir que se retire ensin más.

    ResponderEliminar
  12. Préstame meter esti comentariu que taba n'Infoasturies y firmau por Xose M.:

    "Cuando tienes décades de vida a la espalda ves les coses con muncha más claridá. Por eso creyo que David ye de los pocos nacionaliegos que conoz la realidá d'Asturies. David ta nel mundu real, non nel mundu virtual onde se mueve munchu del nacionalismu asturianu anguañu. La verdá ye la que ye. El nacionalismu asturianu nun pinta nada porque él mesmu nun quier. Tamos na dixebra permanente. David ye de los pocos que supo sumase a proyeutos cívicos que coneuten cola sociedá y que ta no que se cuez n'Asturies y nel restu del Reinu. Acaba plantegar la más seria de les propuestes en munchos años. Despreciala con argumentos dichos a lo xole ye indicativo de que lo nueso nun tien igua."

    Y sigo con otru asuntu. ¿De verdá pensamos que tenemos munchos candidatos bonos? Hai mui pocos. Yo pongo nel tapete a David M. Rivas (en primer llugar) y a Rafael Palacios. Los demás (Llope, Ambás, Zapico, Arbesú, Xune Elipe, etc.) invalidáronse a sigo mismos. Nin saben nin quieren. Igual Arbesú val más, por aquello de ser más mozu y que ta daprendiendo y, paezme, dapendiendo bien (que s'apegue bien a Rivas, porque dalgo sacará). Pero los otros... que se dediquen a lo que-yos presta, la música, Sudáfrica, Lorient, poesíes varies... Too ello mui importante pero ye que la política ye otra cosa.

    Dígote una cosa, Vampirella. Lo que pienses d'esi paisanu al que tanto quiés desde neña, pensámoslo munchos que lu conocimos muncho más tarde.

    ResponderEliminar
  13. D'alcuerdu col artículu pa la agrupación d'elleutores fairía falta 9.000 firmes.
    Algamar 9.000 votos va ser perdifícil, 9.000 firmes ye imposble.
    Pa mi esta opción de l'agrupación d'elleutores ye imposible, nun la veo.

    Depués tan otros temes tamién difíciles, como la financiación, que nun se mui bien como suel furrular nes coaliciones por nun militar políticamente.

    No que cinca a la marca y al candidatu na mio opinión el meyor candidatu sedría Valledor, ye un políticu mui conocíu na sociedá y bien valorao. Tengo pa mi que si hai xuntanza sedrá ente UNA y Bloque, nun me paez que'l PAS o Andecha vaigan participar. La meyor marca sedría la del Bloque por Asturies, que ye bastante conocíu, con una presencia curiosa na prensa mayoritaria, pero imaxino que la UNA quiera dir con una marca representativa de les 2 formaciones, pa mi lo meyor sedría Unidá por Asturies. Otra alternativa sedría Bloque Nacionalista Asturianu, pero nun me paez una bona solución, na mayoría de la sociedá asturiana la pallabra "nacionalista" xenera miéu.

    ResponderEliminar
  14. Lin de Foz lo que mete mieu ye la inorancia que tienes . Lo meyor va ser que Bloque y IU vaigan xuntinos de la mano , pero paezme que IU pasa del Bloque olímpicamente porque nun-y va quitar ni un votu . Lo que ta faciendo el Bloque ye enredar y amas ¿quien ye'l Bloque? dígotelo yo una cofradía d'estómagos agradecíos al PSOE al que-y tuvieron sotripando la minga 7 años mientres mexaba por ellos . Nin Valledor trago tanto como traguen estos del bloque venga ya que nun engañen namás qu'al que se quier engañar .
    Rivas la mayoría de la xente del bloque o son social/comunistes o mas bien socialcristianos y la mayoría piensa :
    El nacionalismu, como’l feminismu, el socialismu… nun deben ser más qu’un mediu p’algamar una situación social que consideramos xusta; y non un fin en sí mesmos.
    Yo como nacionalista con esta xente nun voi nin a pañar duros pa que quede claro . Prefiero antes un acuerdu col PAS que polo menos tienen un proyeutu de país .
    Lin de Lon

    ResponderEliminar
  15. PAS y Andecha les dos úniques organizaciones nacionalistes nel País. Nun hai más. Los demás votos son contra Asturies, d'una forma o otra.

    ResponderEliminar
  16. Tamién yo toi d'alcuerdu en que PAS y Andecha son los únicos partíos nacionalistes. Amás, y dìgolo con conocimientu de causa, David Rivas piensa lo mesmo. Pero'l PAS nun ta pel llabor. ¿Qué facemos? ¿Por qué Sánchez Vicente y Rivas nun faen un xeitu a comuña? Yo creo que Rivas taría dispuestu a ello. Lo de Xuan Xosé nun lo teo tan claro.

    ResponderEliminar
  17. Hai una cosa que me tien intrigáu: ¿por qué na páxina de Pola Xuntanza nunca espublicen dengún artículu de David Rivas nin remiten a esti blogue? Como nun sé a quién entrugar póngolo equí, porque lo que sí sé ye que los de Pola Xuntanza entren nel blogue esti. ¿Qué ye, qué namás dan cancha a determinaes opciones?, ¿nun-yos gusten les opiniones pola xuntanza cuando discrepen de una especie d'oficialidá?

    ResponderEliminar
  18. Quedo ablucáu.
    Asina que ye meyor una xuntanza ente'l PAS y Andecha qu'ente UNA y Bloque con Valledor de cabezaleru.
    D'una mano veo díficil qu'Andecha y el PAS vaigan xuntos, más que nada porque veo al PAS mui a gustu cola URAS. Y d'otra parte Andecha nun tien naide conocíu y del PAS el más conocíu ye Sánchez Vicente y yá debió retirase en 1999.
    El Bloque, la UNA, Valledor, ..., sedrán socialcomunistes, democristianos o lo que quieras, pero tanto Valledor como'l Bloque son los asturianistes con mayor proyeición mediática, y sí, de presentase Valledor diba arrampuñar unos cuantos votos a IX. Sé de dellos votantes y militantes d'IX que camudaríen el so votu pa sofitar a Valledor. Conozo xente que votaba'l PSOE y pasó a votar IX por Valledor. Nun se si sedrán munchos o pocos pero Valledor aportaría dalgunos votos perimportantes.
    Igual cuentes que con Sánchez Vicente, Inaciu Llope, Mario Arbesú, Faustino Zapico, ..., de cabezaleros diba dir muncho meyor.

    ResponderEliminar
  19. Si el casu ye poner a xente conocíu al frente'l nacionalismu ensin que seya nacionalista o non, fichái a ovidio sánchez, que creo que marcha agora del pp.

    ResponderEliminar
  20. Igual cuentes que Sánchez Vicente ye más nacionaliegu que Valledor.
    ¿Y nun vos alcordáis la que montó con Coalición Asturiana?
    Paezme mui bien una xuntanza ente la izquierda nacionaliega y el PAS, pero ensin Sánchez Vicente.

    ResponderEliminar
  21. Mire "Lin de Foz", voi gastar 1 minutu namás con usté, namás pa dicí-y que lleí dellos artículos nel so blogue y agora lleo que valledor ye nacionalista (asturianu) y llego a la conclusión qu'usté, perdona que-y diga, pero nun tien ni idea de per onda anda revueltu compañeru, ni idea. Comparar la trayectoria d'un PATRIOTA (guste o non, ehí tan los llogros del PAS y tol llabor que fizo, fai y seguirá faciendo Sánchez Vicente) como Sánchez Vicente con un comunista que nun tien más Patria qu'España y identidá que la greco-llatina y qu'hasta va 4 díes yera MIEMBRU del gobiernu d'ARECES...RONCA LA PANOYA COMPAÑERU, RONCA LA PANOYA.

    ResponderEliminar
  22. Pero vamos ver home, vamos ver.
    ¿Quién ye Valledor?¿Qué fizo pol País? Comparalu con un nacionalista (dicho por él mesmu) como Sánchez Vicente ye nun saber a lo que se ta.
    Con un Colunga de momento tengo bastante, pa que me fale de toros, los mapuches y el feminismu. Encima va a la Xunta Xeneral, el Parlamentu Nacional con unes traces que parez que va a trabayar a la construción. Un poco de respetu a les instituciones por favor, que llueu van a Cuba a ver a Fidel de traxe y corbata. MANDA GÜEVOS. Lo que fai falta na Xunta Xeneral ye nacionalismu asturianu y eso hasta'l día de güei namás que lo vi 8 años, allá pelos 90. Y non estos que nun se sabe lo que son, que si feministes, que si altermundistes, que si ecoloxistes, que si republicanos...pa casa.

    ResponderEliminar
  23. L'únicu problema que veo yo con Sanchez Vicente nun ye lo que ye o lo que fizo, ye qu'anguaño nun tien la menor intención de dir a les elleciones xunto col restu de partíos nacionaliegos.
    Del restu de partíos nun falo porque entá nun se pronunciaren alrodiu d'una posible xuntanza. Colos que ya sabemos que nun se pue cuntar ye col PAS y el so cabezaleru. Esto ye un fechu obxetivu.
    Por esto, paezme que la xente del PAS y simpatizantes ya nun pinten nada en debates p'apurrir soluciones a xuntances nes que pel momentu sabese que nun quieren tar.
    So si la agrupación d'ellectores ye una bona o mala iniciativa, nun pueo aportar nada por mor del fonderu desconocimientu que tengo de la materia.

    ResponderEliminar
  24. Creyo qu'esta última entrada de Nacho dizlo too. El PAS, por boca'l so presidente, yá dixo que nanái de xuntances, mentres qu'URAS faló estrictamente de "nun contaminase col nacionalismu". Ye lo qu´hai. Los qu'apostamos por una amplia coalición yá perdimos la batalla. Namás queda lo que queda. Y lo que queda ye Andecha, UNA y Bloque. A partir d'esto hai de trabayar. Yo tamién teo les mios reticencies ya inclusive los mios prexuicios, pero camiento que por arriesgase nun vamos perder nada. Del ceru nel que tamos al ceru absolutu nun hai tanta diferencia. Si sacásemos un diputáu -perdifícile, bien que lo sé- y llueu la cagare o mos traicionare sedría terrible, pero políticamente quedaríamos igual que tamos. Ye tiempu de dexar les zunes pa prau y caminar xuntos, de facer país. Agora, tamién hai que saber quién ye quién. A min Valledor puede valeme pero ye, como dicíen nel esiliu, "conocíu de la guerra" pero non un "compañeru". Lo mesmo pienso d'otros, más "conocíos" por siguir col exemplu. Pero ye'l momentu de facer sestaferia. Si mos enquivocamos nun va pasar nada porque pasaremos, como dicía, del ceru al ceru absolutu ya eso nun ye mui doloroso. Ye hora de facer país, d'aparcar zunes. Yo teoles, y munches, y faigo por quitámeles. El país ta en coma y dalgo hai que facer. Dicía Ovidio (non Sánchez sinon el poeta romanu) que nun hai de fialo too a les hores vinientes porque quien nun ta dimpuestu güei menos lo va tar mañana. Ya yo camiento qu'Ovidio tinía razón.

    ResponderEliminar
  25. David otru bon articulo (mui ocurrente que non una ocurrencia como dicen peles llurigues de la ciber/basoria) .
    Con propuestes como esta un tien que retratase nun pue quedar indiferente . Yo nun se si lo de l’agrupación d'electores ye bona o mala solución .
    Yo comprométome a recoyer 500 firmes nun plazu de 2 meses . Ya lo fici cuando se recoyeron firmes pa lo del paque Hermanos Castro , en venti díes recoyi 250 firmes ¿cagonros como ye que nun se puede recoyer 9000 firmes? Hai que tener ganes de trabayar , lo dicho yo recueyo 500 solo queden 8500 . No que cinca al tema de la financiación tamién lo desconozo , pero yo comprométome a aportar esos 1000 Euros , si yo nun puedo ponelos toos ya buscare 5 06 persones que pongan 100 E. Querer ye poder y lo qu'hai ye que tener ganes de trabayar y una meta .
    Agora bien lo segundo , yo faigo too eso ensin rechistar , pero pa colocar en la Xunta a un diputáu o dos si pudiere ser , con un programa de mínimos pa refacer esti país llamáu Asturies . Pa llevar a la Xunta a unos diputaos que sientan Asturies como'l so país, pol que trabayar tolos díes y llegar a acuerdos políticos con quien sía pa qu'Asturies y la so cultura puedan siguir esistiendo otros cien años a lo menos .
    Pero pa llevar a la Xunta a un diputáu socialcristianu , internacionalista , feminista , altermundista, republicanu , federalista …… pa eso no pierdo ni un minutu de verda . Esos ya tan en representación de FSA-IU .
    Otra cosa ye qu'a mi Valledor paezme un bon paisanu (ya falamos d’ello) yo deféndolu siempre como persona porque me paez buena xente . Como socialcristianu con xeitos asturianistes , si el tuviera na Xunta , de xuru que podríemos llegar a acuerdos con elli . Pero comparar a XXSV con Valledor ye un insultu y nun saber de lo que se ta falando . El roxu pese a quien pese fizo país como escritor y como políticu y el so trabayu ta a la vista .
    Pa terminar dicir que nun toi nada d’acuerdu col que se mete con Colunga pola forma vistir paezme una bobada . Claro qu'hai que respetar les instituciones , pero'l respetu ganase col trabayu día a día y non por vistise con traxes de Armani .
    Churchill

    ResponderEliminar
  26. Gracies Churchill. Eso ye lo mesmo que yo pienso. Namás qu'a la familia, anque namás seya por nun aguantame, sacó-ys cien euros per cápita. Tamién pienso lo mesmo colo de Valledor. Yo apuesto por un candidatu claramente nacionalista y, hai unos menses, falé concretamente de dalgunos. Hai quien diz que nun son los meyores, pero pa emcomparar hai que tener modelos. ¿Y cuálu ye'l modelu que tenemos?, ¿quién ye'l que val o la que val?, ¿quién lo determina?. Teo "in mente" un artículu sobro'l perfile ideal d'esi candidatu pero, pel momentu, meyor ye dexar les coses marchar. Nes redes sociales, nes charres informales, en dellos artículos, salen nomes a fartafarta: García Arias, Xurde Blanco, Ambás, Carlos X. Blanco, Carlos Lastra, Valledor, Inaciu Llope, Arbesú, Xune, Palacios, Faustino Zapico, Sánchez Vicente (al que yo sí considero un patriota)... hasta Berto Peña, tal y como me lo contaba elli muertu risa l'otru día. Toos valdríen, unos más ya otros menos, pero toos tienen pasáu y, polo tanto, puntos negros na so biografía.

    Y quedo yo, que cola tarabica dignificaría muncho un parlamentu. Hasta teo una d'Hermés (seda natural china autentificao)pa col esmóquin, por si tengo que dir a los premios, a la comedia'l Campoamor. Y prometo dir ver a Fidel Castro col uniforme de 1808 (los de la "enxamás vencía").

    ResponderEliminar
  27. Si nestos momentos yá hubiere perfilada y asoleyada una candidatura unitaria del nacionalismu d'izquierda, col so candidatu, más el trabayu na Xunta de Colunga, podría ser posible la reconsideración de la so postura por parte del PAS. Pero la pelota ta nel teyáu de les tres formaciones d'izquierda que tendríen que s'entender, porque conversaciones habrá a embute, pero tresnao y fecho público nada de nada. Nin siquiera sabemos si va haber una candidatura unitaria per esti llau. Y tamos nes viéspores del mes de Payares.

    ResponderEliminar
  28. Mira David, equí nun hai más que cuatro candidatos posibles. Valledor, Xuan Xosé, Rafa Palacios y tu. Más nada. Tolos nomes que das y que ye verdá que tan peles redes y les discusiones nun valen un res. Non polo personal, que son bonos y yo votaríalos pero yo y cuatro mas. Con tiempu, un bon programa y unes poques perres cualkquier ye válidu. Pero ye necesario apostar por daquién con calidá política ya intelectual. Yo, personalmente, quédome contigo y con Xuan Xosé. Y si él nun quier una xuntanza ¿que voi dicite?

    ResponderEliminar
  29. Y escaecime d'un par de coses que revelen quiwen ye quien. Tovía m'alcuerdo de la coña contigo polo de "reinu d'España". Ya lo emplega hasta Izquierda Unida. Falaste de los greco-llatinos del "nacionalismu". Tamién de risa. Ya lo utilicen nos artículos unos cuantos. Abriste esti alderique. Ya la metá los blogues falen de lo mesmo. ¿Nun lo ves Rivas, nun lo ves?

    ResponderEliminar
  30. Una coalición de tolos partíos nacionaliegos ye imposible porque los negociadores son les sos direiciones, y éstes amosaron yá munches vegaes la so ineficacia.
    Un partíu nacionaliegu que sume munchos más votos que los otros nun existe. Hai abonda igualdá na miseria de representación que tien el nuesu nacionalismu.
    Una agrupación independiente sería una idega bona si nun fueramos asturianos. La realidá ye que munchu nacionaliegu de ciber o de chigre "cágase" namás con pensar en tener que pidir firmes a la xente pela cai.
    Pongamos como nos pongamos la situación ye desastrosa. Tamos falando d'una emerxencia nacional y tovía anden los "aparatucos" de PAS, BA, UNA y AA simulando que son algo importante. La verdá nun tien nada que ver. PAS+BA+UNA+AA nun sumen ni un cuartu de diputáu. Y porque nun quieren ser istitucionales. Tamos onde tamos porque nun se quier tar n'otru llugar. Y esto tien qu'acabar, poles bones o poles males.
    Asturies tien que salir d'esta situación d'emerxencia nacional. Cuatro años más nel furacu sinificaría la muerte del nacionalismu asturianu. Si pa igualo hai que soltar un puñu sobre la mesa, faise, y ensin contemplaciones.
    Asturies necesita lluchadores y non mangüanes.
    Urxe afitar un directoriu qu'entame un Frente de Salvación Nacional. Un directoriu formáu por un piñu patriotes que nun seyan cabezaleros de nenguna de les sigles nacionaliegues, de reconocíu prestixu, de sólida formación inteleutual y una trayeutoria de trabayu pola nación ensin discusión posible. Un directoriu con asturianos como David Rivas, xente como Roberto González-Quevedo que pue ser un bon cabeza de llista, con combatientes pol país coneutaos colos movimientos cívicos y culturales.
    Esti directoriu supliría a tolos partíos. Énte la previsible oposición de les direiciones actuales de los partíos, procederíase con puxu y determinación, invitando a los afiliaos y afiliaes a abandonar en masa a les sigles caduques y inútiles.
    Llueu afitaríase un programa basáu nel autogobiernu, na oficialidá de la llingua, na reivindicación social y económica, onde sobraríen los "ismos" d'importación y lo trascendental sería l'asturianidá, pura y dura.
    Agora ye'l momentu de dar un golpe de manu que reconduza una situación que nos fai andar al debalu. Ye hora del Frente de Salvación Nacional. ¡Por Asturies! ¡Nada antes qu'Asturies! ¡Naide perriba d'Asturies! Orden y combate.

    ResponderEliminar
  31. Toi d'alcuerdo con Xosé M. Ye mui burru plantegando les coses. Pero ye lo que ye. Paez un tanto militarista pero ye que ¿cabe mas q'una posición dura dende'l nacionalismu? Rivas y González-Quevedo ¡qué tandem tan estraordinariu! Munches gracies Rivas por abrir esti debate. Los mamones pa casa. Pasu a los patriotes. Y, David, tu yes un patriota.

    ResponderEliminar
  32. ¡Hostia, Xosé M.! púnxote como una moto lo de la tarabica y l'uniforme de 1808. ¡Vaya llenguaxe, compañeru! Pero tienes razón. Tamos n'emerxencia y cuando se ta n'emerxencia namás caben salides estraordinaries. Toi d'alcuerdo contigo (con llinguaxe menos castrense, eso sí) pero ¿cómo ponemos a furrular una operación d'esi tipu?

    ResponderEliminar
  33. Con decisión y organización. Proponer yá la composición del directoriu. Tirar de teléfonu pa informar a los escoyíos del so deber cola patria. Entamáu esi directoriu, qu'escomience a trabayar. Llamada xeneral a tolos nacionaliegos del país pa que se pongan a la plena disposición del directoriu dispuestos a trabayar pol Frente de Salvación Nacional d'Asturies (FSNA). Desarticular contundentemente cualaquier oposición de los "aparatos". Facer el programa nun mes. Entrar nel añu col movimientu encadarmáu y ponese a captar fondos y patriotes. Llegar a febreru cola maquinaria engrasada y empezar la campaña, conceyu a conceyu, parroquia a parroquia, llugar y llugar, y si fai falta, casa a casa. Si nun somos capaces de facer esto entós pellar y pa casa. Namás quedará que certifiquemos la defunción del nacionalismu. Si llegamos a esto los responsables tendrán nomes y apellíos.

    ResponderEliminar
  34. Xuan K. II (Founder member of “The Paisans”)27 de octubre de 2010, 16:37

    Hai que tener visión de futuru: pa que la cosa espollete, primero tendrá que guañar, y ello depués de semar y cuchar. Pa ello tenemos que ser, anque idealistes o radicales si se quier nos oxetivos postreros, realistes pal trabayu a curtiu plazu; ser conscientes de cómo tamos anguaño, del puntu de partida, de los prexuicios perriba de los qu’hai qu’arreblagar, sabiendo lo que queremos y tenemos (y lo que non) y decatase de lo munchu que va costar algamar anque sea poca cosa… aprovechando les enseñances de los erros propios y ayenos y viendo oxetivamente cómo ta anguaño la sociedá a la que se quier, o meyor se tien que, llegar. A ésta, y non cuntando pasao mañana con miles y miles d’eleitores “nacionalistes puros por xeneración espontánea”.
    La sociedá ta (tíenenla) mui “trabayada” dende cuantayá, con mayores -y meyores- efeutos uniformistes nos últimos tiempos y con una sociedá rural –que ye onde se vieno calteniendo la esencia d’Asturies, nun nos engañemos equí tampoco- esbarrumbándose cada vegada más rápido.

    Agora o nunca. Ye una situación d’urxencia, y hai que movese intentando sumar y non restar pa echar esto a andar… o meyor echámonos a morrer, qu’a esti pasu (y más si se fae “lo de siempre como siempre”) ye’l nuestru destín como pueblu.

    Quiero ser optimista y pensar qu’esos puntos mínimos tan afitaos y yá se ta n’ello, yá que nun tienen por qué trescender a la conocencia público les conversaciones que se tean llevando, y que se ta concretando y buscando una bona solución operativa (como profanu escápenseme les alternatives a la hora de concurrir a les eleiciones) p’axustase a los plazos razonables que bien señaláis. Lo contrario, preocuparíame enforma.

    Saludos candiales.

    ResponderEliminar
  35. Primeres propuestes pal Directoriu Nacional:
    Roberto González-Quevedo, David Rivas, Javier Fernández Conde, Ezequiel Sánchez y Marco Antonio García el roxu

    ResponderEliminar
  36. Paecíame que Xosé M. diba un poco de coña pero yá nun lo se mui bien. Nun conozo a Fernández Conde pero sí a los otros. Yo esta llista votaríala anque se presentaran como La Banda del Mirlitón, que yera un grupu de cuando yo yera neñu.

    ResponderEliminar
  37. ¿Valledor entos nun se cuenta con el? , pues parez que ye l'unicu que ta dando pasos.

    ResponderEliminar
  38. Imaxinemonos nel meyor escenariu posible, magar sabemos que ye imposible que soceda, pero imaxinemoslo: l'asturianismu ya'l nacionalismu asturianu presentense xuntos baxo les mismes sigles. Vamos dir votar, y tolos nacionaliegos y tolos asturianistes (o como vos dea la gana llamanos) vamos tener una unica opción de votu, un partíu que, a base d'alcuerdos de mínimos, va xuntar toles realidaes del nacionalismu asturianu ensin faltar naide, toos vamos venos representaos n'esa opción porque tamos concienciaos de que ye hora de ser patriotes y dir xuntos a por unos mínimos oxetivos, que namai s'álgamen entrando na Xunta... Incluso'l cabeza llista va tar bien visto per toos..

    ¿Y A QUIEN MAS CONVENCEMOS PA QUE VOTEN POLA OPCIÓN NUESA? Colos nuesos votos de nacionaliegos ye probable que cueste muncho algamar un diputau...

    ¿A quien mas, dientro la sociedá asturiana, convencemos pa votar?

    Si pensamos en quita-y votos a IU, ye dificile teniendo'n cuenta que tienen una tradición d'isquierda ya internacionalista... son republicanos españoles, que non asturianos, munchos d'ellos. Ye dificile convencelos de querer ver una opción nacionalista na Xunta.
    ¿A indecisos? la pallabra nacionalista da llercia a muncha xente n'asturies. Eso ye asina y los que somos nacionaliegos sabemoslo. Y mas dende que a los medios españolones dio-yos por fundir l'estau de les autonomies pasin ente pasu... Munchos tirense a votar a UPyD enantes que a un partíu nacionaliegu. Eso ye triste, pero ye asina.

    ¿A renegaos del PSOE o del PP?... nin idea. Pero p'ami que n'estes eleiciones les bases d'estos partíos van dir concienciaos a votalos... los medios tan preparandolo como si fuere un Barca-Madrí...

    ¿que tien que vender un partíu nacionaliegu y xunitariu del nacionalismu asturianu a la xente que nun ye nacionaliega pa que lu voten? Porque, por muncho que mos de tristura, el nacionalismu tien que garrar votos d'otres opciones p'algamar daqué na Xunta. Y esto ye politica y la xente ye como ye: tenemos que vende-yos un producto realista y que-yos dea bones sensaciones. Eso nun quita que nun tea que ser etica, moral y sinceramente honestu.

    ResponderEliminar
  39. Pues yo pienso qu'eso del directoriu (la palabra ye un poco fuerte) nun ye tontería. Nun se si hai estructura detrás d'eso pero paezme interesante. Churchill diz que saca 500 firmes y será verdá. ¿Nun va haber vente persones que saquen 500 firmes? Eso da 10.000. ¿O ye que mos acoyona salir a la cai? ¿O ye que ni la nuestra madre mos va dar una firma? ¿Tan impresentables somos? ¿Tan babayos? ¿Somos unos nacionalistes que nun conocemos la nación? Dalgo d'eso hai. Les persones que'l kamikaze de Xosé M. propón sí que conocen el país. Son profesores, intelectuales, sindicalistes, trabayadores. Y habrá más. Yo animo a estes persones a que nun lo tomen como chiste. Rivas, esti ye'l to blogue y tienes una propuesta na mesa. Nun te pido que respondas pero que lo medites y lo fales con otra xente. Tamon n'emerxencia ye verdá. Asturies necesita un revulsivu y los nuesos partíos (yo pertenezo a unu) nin dan la talla nin la van dar. Ehí queda. Salú, bonos alimentos y un poco de racionalidá.

    ResponderEliminar
  40. Quedo ablucau, lleo a David dende siempres, nunca enxamás, salvo una vegada participe nestes xeres d'escribir o meteme a compartir opiniones, pero toi dafechamente seguru que la propuesta d'esi direutoriu, o como vos pete llamalu vaiga en serio, pero ¿entá daquién s'alcuerda de min y confia na mio persona pa encadarmar daqué tan serio? si ye asina veo que teneis muncha fe en qu'esti país cinista tenga igua, que toi seguru la tien, pero paezme que teniamos que valtialo tou y entamar de cero, sinon tamos perdios, hai fuerces y ganes o va quedar tou n'idegues apurries dende detrás d'un ordenador, esa ye la mio entruga y la mio dubia, si la "broma" va en serio y lo viere mui claro... en fin tou puede ser posible.

    ResponderEliminar
  41. Erros:
    Onde digo "pero toi dafechamente seguru que la propuesta d'esi direutoriu, o como vos pete llamalu vaiga en serio" quiero dicir... pero NUN toi dafechamente seguru...
    escaeciseme el non o simplemente saltelu, vete a saber.

    ResponderEliminar
  42. Zaquiel: yo nun sé quien ye Xosé M. nin m'importa. Pero la llista que da ye perbona. Tu nun te verás como daquién importante pero yeslo. Yes un nacionalista de primera hora, como Rivas, como Sánchez Vicente, como... quédenme pocos. Esto nun paez chiste. Esti Xosé M., un kamikaze a lo que paez, da nel clavu. Nun necesitamos partíos, necesitamos persones. Y tu yes una d'elles. Yes un sindicalista ferroviariu, un andechiegu de camisa vieya, un puntu que caltuvo Radio Sele. ¿Qué más hai, coño?. Y sé que diríes con David Rivas al fin del mundu. ¿Nun ye bastante, coyona?

    ResponderEliminar
  43. Esta tarde un grupu patriotes de Les Cuenques constituimos en Santuyanu al Frente de Salvación Nacional . La selmana que vien llevamos los papelos pa rexistralu como partíu políticu. Mañana entamamos a movilizar a los nacionaliegos del Nalón y del Caudal pa sofitar al directoriu nacional. El martes entamamos a facer conceyos con patriotes del occidente.

    ResponderEliminar
  44. Ya veo que tas en llinia. Toi contgo. Rivas y Queveedo al frente, ¿Pero quieren ellos? Xose m yo yo to d'alcuerdu contogo. ¿Pero ye podsible?

    ResponderEliminar
  45. Xuan K. II (Founder member of “The Paisans”)28 de octubre de 2010, 9:01

    Igual nun ye mala idega "resetear", pero montando una "marca" unillateralmente tampoco me paez la meyor de les maneres, anque ta claro que nun se va facer solo. Gustaríame que la xente involucrao nel “movimientu”actuare cola mayor responsabilidá y prudencia posibles. Ye lo que pide la situación d’emerxencia na que tamos, pues tamos dando les boquiaes.
    Quiciabes seya un poco idealista, o un poco munchu, pero pienso qu’una alternativa moderada nes formes puede funcionar. Muncha xente –tamién aquella que nun se considera a sí mesma nacionalista - puede llegar a votar esa opción (llamémosla nacionalista y asturiana) siempre que se la sepa vistir bien. Falo de llegar tantu a esa xente a la que se refier El Xanu’l Caborniu cuando diz “Sí hai base social”… ensin escaecer a “los demás etcéteres”.
    Si se quier sólo’l votu de quien piensa “yo soi nacionalista” paezme que nun se va algamar un res. Equí pido una mínima amplitú de mires amestada con realismu.

    ResponderEliminar
  46. A min préstame lo del directoriu. Suena a revolución francesa. Rivas y Quevedo al frente, evidente. Xosé M., ¡vaya la que armasti!

    ResponderEliminar
  47. ¿Y cómo funcionaria esi directoriu? ¿faría frente común colos partíos que ya tan constituyios? ¿que buscaría? ¿presentase como una nueva opción o como opción pa aglutinalos a toos: UNA, Bloque, Andecha.. etc etc? Porque si ye pa presentase como nueva opcion dixebrá de los partios que ya tan, pa mi que ye separtar y non axuntar, que ye lo que queremos la mayoria, camiento yo... y pa mi que los votos nacionaliegos perderiense distribuyios en tantes opciones.

    ResponderEliminar
  48. Valledor :

    Creo nun proyectu unitariu, d’una izquierda ecoloxista y un partíu asturianu. Y voi ayudar no que puea a qu’eso puea consolidase”.

    ResponderEliminar
  49. Chus Martínez, de Sieru28 de octubre de 2010, 16:07

    Los comunistas faciendo lo que faen siempre. Metese no que medra políticamente pa tomar el control. Agora un comunista que nun ye nacionalista será'l candidatu del bloque+una.
    Conmigo nun cuenten. La patria nun paga traidores. El mio sofitu ye pa la "operación directoriu". Tirai palantre con ella.

    ResponderEliminar
  50. A mín paezme qu'esto entamó casi como una broma pero sirvió pa desenmascarar delles coses. Y ye que hai un gran cansanciu con estos partíos nacionalistes tan inficaces, seutarios y patéticos. Esti directoriu (la palabra ye gorda, sí) lo más seguro ye que seya imposible pero toi seguru que presta más a una mayoría non militante pero nacionalista que lo de BPA+AA+UNA+Valledor+equis.

    ResponderEliminar
  51. A esti pasu con tanta sigla vamos tener más lletrines que votos. Y nós tan contentos. Y "ellos" más.
    Toi por entamar dalgo, lo único que nun se m'ocurrió nengún nome que mole y al que nun renunciaré enxamás. Tampoco tengo claro ónde poner la estrella, l'alfa y'l trisquel, que ye'l matiz que sigún los mios datos me fadrá sacar el segundu escañu.

    Interesaos: somoslarision@poladixebralnacionalismu.com

    ResponderEliminar

Nota: solo los miembros de este blog pueden publicar comentarios.