Lo de la Campa Torres namái que ye una cosina

Lo de la Campa Torres ye de vergoña, pero, por munchu noxu que mos dé, nin va ser la última xabazada que vamos ver, como tampoco ye la primera. L’estáu del padremoñu arqueolóxicu asturianu ye de penoriu y dolor, como lo ye, en xeneral, tol padremoñu de la cultura material d’esti país. Yo teo’l vezu, cuando me lo permite la ocasión, d’entrugar a la xente por cuálu piensen que ye’l monumentu principal d’Asturies. La rempuesta más común ye que la catedral d’Uviéu o los edificios prerrománicos. Escontra esa rempuesta, mui atinada, la verdá seya dicho, yo dígo-ys que non. El monumentu principal d’Asturies ye l’horru, l’horru y la panera.

Ye verdá que’l prerrománico –“arte asturiano” en pallabres de Xovellanos, un ignorante a lo que paez viendo lo que güei se ve- ye daqué único nel mundiu, pero caltién asemeyances con otros estilos y, amái, pertenez a lo que podríamos llamar “cultura culto”. Si los nuesos reis nun lu impulsaren, la historia nacional diba ser, más o menos, la mesma. Pel so lláu, una catedral gótica nun ye denguna singularidá asturiana, anque poques torres flamíxeres hai n’Europa como la de la “sancta ovetensis”. Pero l’horru non namái ye cultura material, sinón un bien mueble únicu.

Ensín l’horru y la so hermana más grande, la panera, la historia d’Asturies nun diba ser como fore. Pos bien, los horros tan valtaos o en ruina nuna bona parte d’ellos. Ye verdá qu’otros siguen en pie pa garaxes (tirando parés pente los pegoyos), viviendes (poniéndo-ys escaleres metáliques y chimenea) o piteros (adosándo-ys un tendeyón d’uralita). Inclusive hai unu nel conceyu de Villaviciosa reconvertíu a casa putes, col bar embaxo y les habitaciones enriba. Si les autoridaes competentes (porque tienen “competencies” pero non por ser “competentes” en términos corrientes y molientes) tovieran tantu procuru nestes coses como n’abellugar el centru les ciudaes de los fedores y charcos prevocaos pola sidre al escanciase (persecución a la cultura inmaterial), igual tábamos meyor.

Pero ye que’l padremoñu arqueolóxicu ta na mesma situación. N’Asturies hai un centru importante museísticu, el Tabularium, porque un paisanu, a títulu individual s’ocupó de xuntalo. Evidentemente nun ye un modelu a siguir pero nun hebo otra forma. Cerca d’au yo vivo hai unes cuantes coses que van perdese si naide nun lo remedia y camiento dir col monu obreru, un par d’amigos ya una furgoneta qu’aparente ser oficial de cualisquier alministración y marchar con elles. Nun ye’l modelu a siguir, como dicía, pero ye que va pa vente años que se comunicó l’asuntu ya entá tóo sigue igual. Nun voi dar pistes, pero comunico que voi cometer un dellitu.

Los castros tan, cuando menos, ensín escavar, posiblemente porque los “romanos” que gobiernen la nuesa universidá tienen terror a qu’apaeza lo que nun quieren qu’apaeza. Yá se-yos escapó lo de La Carisa, que amosó qu’aquello fora una invasión armada en toa régula y que la resistencia militar organizada fora d’órdago a la grande. Nun van permitir nada más. Una siya romana, dos alpargates y la choza de Veranius, un campesín con tres díes de gües…, eso si ye importante. Por nun falar de la perromanizada Uviéu, onde, como se sabe, había un coliséu, un circu ya un templu de Diana.

Pero faltaba l’ingrediente de novela negro: el furacu onde s’enterraran cientos o miles de pieces procedentes del pomposamente llamáu “campo arqueológico” de la Campa Torres. Ellí taben enterraos los trabayos d’años de dellos investigadores, perdiéndose con ello una aprosimación más a los anicios de Xixón, d’Asturies y de tola cultura atlántico. Pa recuperar esi conocimientu paez ser qu’habría que volver a realizar tola catalogación fecha polos científicos. Y menos mal, que la cosa pudo ser pior. Nun podemos escaecer que la opción más afayadiza del enantu d’El Musel pal gobiernu d’Álvarez Areces yera la qu’estozolaba tola campa. La razón nun yera otra que la de ser más cara y con mayores posibilidaes de “comederos”. Si lleguen a facer esa llaceria –entá mayor que la que tan faciendo- alón a los cilúrnigos ya hola a un sobrocoste mui superior al del cuarenta por ciento actual.

Y pa rematar l’asuntu resulta que la conceyala que llevaba estes coses nel Xixón de les escavaciones yera Mercedes Álvarez ya’l director del equipu investigador Francisco Cuesta. Tamién d’aquella la conseyera’l ramu yera Ana Rosa Migoya. Ya ye que hai un par de menses, d’una mena caciquil, el gobiernu del mesmu Álvarez Areces saca poco menos qu’a hosties a Pepe’l Ferreiro del “so” muséu de Grandas de Salime pa poner al frente a un puntu que nun sabe d’etnografía nin d’etnoloxía, pero que ye segovianu y fala mui bien el catalán, condiciones perafayadices pa vivir nel suroccidente asturianu. Y, casualidaes de la vida, esi home nun ye otru que Francisco Cuesta, la conseyera ye Mercedes Álvarez y la portavoz del gobiernu ye Ana Rosa Migoya: el tríu la bencina.

Ún yá nun sabe si apuntase al terciu o facese carlista, de tanto coincidir con “males compañes” pa criticar a esti gobiernu qu’afuega d’un mou premeditáu tolo que seya cultura asturiano, identidá y dignificación d’un pueblu milenariu. Pero ye que la soberbia, la prepotencia ya’l totalitarismu que caltienen lleva yá munchos años siendo insoportable. El problema, como vien pasando dende la llamada “transición” ye que sigue ensin apaecer una alternativa. Mientres esfarrapen el país, los que lu amen anden –o andamos- a lo qu’anden. Si ver como arramplen colo más sacrao que tenemos, la nuesa historia, nun val pa que, d’una vegada, mos demos cuenta de la urxencia na que tamos, ye que merecemos que los vientos d’esa mesma historia mos lleven al infiernu de Caronte, lloñe de los pumares d’Avalón.
Imprimir

Comentarios

  1. La opinión y dianosticu ye xeneralizáu:

    http://xuanxose.blogspot.com/2010/04/vergonoso-y-escandaloso_26.html

    trendrá consecuencies ??

    ResponderEliminar
  2. Sí,la opinión y diagnósticu ye xeneralizáu ente los qu'amamos el país pero nel asuntu la Campa namái trabayen los del pp, y nosotros facemos lo de siempre, falar.

    ResponderEliminar
  3. Namás que falar. Perbona reflexón.

    ResponderEliminar
  4. Falar nun ye malo y si se fai acordies hasta bono. Cuando nun se tienen otros medios ye cásique lo único que podemos -y tenemos que facer-.Denunciar falando y escribiendo y tamién, por supuesto, actuando na midida de les nuestres-ruines-posibilidaes. El problema ye callar énte los desmanes d'esta xentecaya. Y peor inda collaborar con ello. Y hailos que callen y que collaboren. De manera escandalosa callen y collaboren.
    Yo soi de los que piensa que ye mester plantegar una alternativa a lo que tenemos. Non una muleta pa sofitalos a cambiu de migayes. Non. Una alternativa de sustitución. Recalco y solliño: de sustitución por vía democrática. Eso tárdase años, xeneraciones. Pero o eso, o nin castros, nin prerrománicu, nin horros, nin llingua, nin trabayu (fuera del clientelismu, claro), nin país.
    Saludos.

    ResponderEliminar
  5. toi totalmente d'alcuerdu contigu Xanu, pero mientres falamos otros tán faciendo y pueden acabar comiéndonos el terrén
    http://www.lne.es/gijon/2010/04/28/acusa-ayuntamiento-ocultar-restos-campa-torres/907576.html

    ResponderEliminar
  6. Güei ando tresnochando y llevo un puntín, pero non brutal. Ye verdá que falamos muncho y facemos poco pero tamién ye verdá que desplicar los problemes, que la xente sepia lo q`hai ye imprescindible. Por eso me presta Rivas. Desplica les coses más complicaes con una cencielleza ablucante. Nun me refiero a esti post de la Campa Torres, facilín, sinon a otros. Coño, David, ¿vas siguir en casa? Ya se que te presten eses vaques roxes que tienes ya esa mastinona cola qu'andes les caleyes de la to aldea, o esi asturcón nel que cabalgues. Eso díceslo tu, que yo nun te conozo. ¿Nun te das cuenta que yes necesariu? Nun sé que piensen los d'Andecha (Cueli, Arbesú, Arboleya, etc) o los d'UNA (Llope, Zapico, Holgado, Artime, etc), pero pamidea que yes necesariu. Nun creas que yes pa min un dios, que soi mui críticu. Yes lo que yes, un paisanu como los demás pero que, una puta casualidá, yes lo meyor que tenemos. Cuánto daría por tener munchos, pero, cuando miro, namás te veo a ti.

    ResponderEliminar
  7. Joder Voltaire , paez que-y tas tirando un picáu a David . Nun me queda claro si tas proponiendo-y que voltie a la política activo , o faciendo-y una declaración d'amor :D .

    ResponderEliminar
  8. Joder, David, empiezo a pensar que los socialistas que tenéis por ahí no son los míos. Cuanto más sigo tu blog más "abluco" con el PSOE.

    ResponderEliminar
  9. Nunca me dejas de sorprender, David. ¿Hay alguna materia de la que no sepas, por lo menos, algo? Eres un lujo para nuestra facultad, aunque esto lo pensemos cuatro. Pero, y lo sabes, sí lo piensan la mayor parte de tus alumnos (yo fui uno de ellos).

    ResponderEliminar
  10. Los socialistes, y más entá los Fseanos y los somáticos-uxetistes, son unos indocumentaos que se quedaron con delles idegues decimonóniques de "Progresu" que pa ellos consisten, sobre tou, en sapozar el pasáu, especialmente el pasáu non oficialista. Porque hai un pasáu oficialista construyíu al gustu español: el Xixón romanu, los ástures viviendo "como gochos y comiendo castañes" (Gustavo Bueno dixit), los castros como obra de romanos tamién, sigún l´otru indocumentáu rioxán. El día qu´haya perres pa investigar La Carisa y los anicios celto-ástures y cántabros de la nación, esi modelu decimonónicu de la España "crisol de pueblos" va dir a tomar vientos. Mentes tantu, a estrozar toles pruebes que vaigan contra so oficialismu, metestanto a aniquilar les güelgues del pasáu. CXB

    ResponderEliminar
  11. Autónoma que razón tienes. Lo que me sorprende es que no haya más alumnos suyos siguiendo el blog.
    A lo mejor serían necesarios más post como el anterior para animarles a leer a Rivas. ( más que una sugerencia es una súplica profesor)

    ResponderEliminar
  12. Coño, Porkaz, que soi un putu heteroxual que foyo poco. A mí encántame Rivas, ideolóxicamente, pero gústame más la de Lucía y el sexo o la Juana la Loca. Coño, que soi un paisano. Eso sí, ensin desmerecer. Pero, en fin, Rivas, con esa tarabica, tien un puntín. H.e h.e o je je. Porkaz, disfruta de la minga y de la clica. Deseote lo meyor.

    ResponderEliminar
  13. Voy a escribir en la perfecta lengua del imperio. Veo, Rivas, que te quieren mucho en tu facultad, lo mismo compañeros que alumnos. Eso es cojonudo. Salgo de la lengua imperial. ¡Yes un gallu!

    ResponderEliminar
  14. Voltaire,

    Ya sabes lo que pasa siempre: que nadie es profeta en su tierra. Pero tú deberías saber mejor qque ninguno de nosotros que "tout est pour le mieux dans le meilleur des mondes". Uppss perdón por escribir en el idioma del Emperador que no del imperio :-)
    Là póg

    ResponderEliminar
  15. Muy bueno lo tuyo, irlandés (o irlandesa). ¿También fuiste alumno de David Rivas? Si me dices que sí voy a pensar que mi amigo David es un gran profesor. El siempre lo dice, pero como yo sé que es un presumido... Perdóname "Deivid"

    ResponderEliminar
  16. Si Compas, fui alumna suya y te garantizo que fue el mejor profesor que tuve en la UAM. Así que puedes creerle sólo por esta vez. Una pena ( para vosotros) que no le dieran la Cátedra en Asturias. Cuando leí el post sobre Garzón mi primer pensamiento fue "David en estado puro". Así eran sus clases, nada convencionales.
    Lá Póg.

    ResponderEliminar
  17. Confirmo todo lo dicho pero vamos a dejar de dar coba hasta dentro de unas semanas. David, como todos los profesores brillantes, ya tiene bastante ego él solito. Lo malo es que en la universidad también lo tienen muy alto otros que no saben nada, dan unas clases horribles y maltratan a los estudiantes. Colega Connaught, seguro que estas pensando en los mismos que yo.

    ResponderEliminar

Publicar un comentario