Pallabres al congresu d’UNA

Amigues y amigo d’UNA:
Norabona por esti segundu congresu y gracies pol convide.
Prestaríame remembar l’espíritu d’un 25 de mayu. Entóncenes los asturianos, escontra una brutal agresión esterior, dexaron pa prau les sos zuñes y les sos caxigalines pa forxar una unidá nacional. Xuntos defendiéronse de l’agresión de la nación más potente’l mundiu y presentaron batalla al exércitu más poderosu de la historia dende la dómina d’Augusto. Y vencieron.
Güei volvemos a ser agredíos y la rempuesta tién de ser con otru 25 de mayu. Ya ehí vosotros tenéis muncho que dicir. Podéis ser una organización enzimática, pequeña pero catalizadora, fundamental pa un momentu nel que tamos xugándomos el ser o nun ser como pueblu.
Hai que dexar atrás el victimismu ya’l pesimismu. Nun somos víctimes de naide, somos víctimes de nós mesmos y de les nueses tontaes. Y nun cabe yá más pesimismu complaciente.
Esti país puede construyise, nun ye verdá que teamos fundíos. Cabe la esperanza, cabe l’optimismu. Les naciones constrúinse cola historia, ensin la historia o contra la historia.
Que tengáis suerte y munches gracies. Toi seguru que vamos alcontramos nel camín.
¡Puxa Asturies soberana!.

Comentarios

  1. Bon testu y nun momentu daveres oportunu y necesariu.

    ResponderEliminar
  2. Bones. Rivas, lléote tolos artículos y cuasi nunca comento un res, pero esta vegada nun lu voi poder evitar: ¿Pues desplicanos qué quies dicir esautamente con eso de "cola hestoria, ensin la hestoria o escontra la hestoria"? Entenderás que suena "heavy"... Polo demás estupenda intervención. Gracies.

    ResponderEliminar
  3. Nun hai manera que tornes a la política? En verdá necesitamos xente como tú.

    Gracies!!

    ResponderEliminar
  4. Non, home. Déxalu tranquilu.

    ResponderEliminar
  5. Mino: ye verdá que la fras ye, como dices, "un tanto heavy". Trataré de desplicalo nun post. Lo que pasa ye que llevo tantos prometíos que voi quedar mal cola metada de los amigos d'esti blogue. Pero prometío queda.

    ResponderEliminar

Publicar un comentario