Dalgo más que’l Niemeyer

El debate al rodiu’l Niemeyer nun tendría mayor importancia de la que tendría cualisquier discusión propia del cambiu tan fuerte que supunxeron les elecciones del 20 de mayu pasáu. Cuando un partíu lleva tantos años con un poder tan completu como’l PSOE llevaba nun país d’escosa tradición democrática y con práctiques corruptes como ye l’Asturies surdía de la transición, les redes clientelares y los mesmos aparatos orgánicos oponen una descomanada resistencia a los cambios. Diba ser de tou puntu esperable que la difícile oposición política d’un partíu avezáu a gobernar ensin falar con naide, ensín cultura parllamentaria, diba treslladase a otres trincheres nes que taría resistiendo una segunda llínia compuesta poles redes sociales y culturales. Esto ye, que’l nuevu gobiernu, sofitáu pa más complexidá por un partíu de reciente creación como ye FAC, diba vese alfrentáu con xente que, aparentando independencia política y namás que pruyiciu sociocultural, representaría precisamente los porgüeyos confesables ya inconfesables del partíu saliente. Amás, tres esi 20 de mayu, nun yera raro sentir ente la ciudadanía, dende les charrres de chigre a los debates nos medios que diben venir tiempos confusos porque, testualmente, “Avilés nun daba pa colocar a tantu cesante”. Ametiendo too esto, que la griesca diba llegar al Niemeyer nun yera más qu’una ilación perfácile de pescanciar.

Pero’l problema nun taba namás qu’equí. El problema real, el fonderu, ye la mesma política cultural de los gobiernos d’Álvarez Areces o, por meyor dicir, l’ausencia d’una verdadera política cultural. Los gobiernos del PSOE –acompangaos de los sos socios “ad hoc”- plantegaron p’Asturies una cultura impostada y “cosmopaleta” que namás naguaba por satisfacer los gustos y los rixos d’una minoría elitista –o eso creyíen- que pretendía dos coses paralelamente. Per un lláu cebar el so ego amosando ante una ciudadanía a la que desprecien qu’ellos sí que conocíen tolo importante de la vida cultural internacional. Y, per otru lláu, amosar delantre d’esos rellumantes convidaos qu’ellos yeran los que taben llevando a esta probe Asturies a la modernidá, sacándola de l’aldega que fiede a cucho.

Por eso tamién alcuñaron el fatu “lo dice todo el mundo”, esa campaña turística basada en que diez personalidaes d’esa “vanguardia cultural” pagada polos nuesos gobiernos y con estupendos viaxes entamaos polos nuesos “cosmopaletos”, cuntaben les maravíes d’esta tierra. Pero resulta qu’eses grandes personalidaes namás sabíen d’Asturies lo que-ys ufríen los sos nuevos amigos, a los que de xuru escaecerán cuantisque sepan que acabó’l carbón. Y decidieron vender una Asturies con espacios naturales y centros culturales elitistes: una tierra verde a la que venir a una representación teatral en compañía d’ocho amigos.

Pero como otra de les calterístiques de la política clientelar ye la de tener que contentar a varies families polítiques y andar con procuru pa nun cafiar al alcalde d’ellí y a l’alcaldesa d’equí, fora necesario dotar de centros culturales “elitistes” a Uviéu, Xixón y Avilés, y tampoco dar de lláu a Mieres y a la “nueva China” d’Asturies, l’emerxente conceyu de Siero. Total: al Xovellanos, el Campoamor, el Palacio Valdés ya’l Teodoro Cuesta, vinieron a sumase l’Auditoriu Príncipe Felipe, el Calatrava, la Llaboral, el Niemeyer y l’Auditoriu de La Pola. Esa infraestructura pa una población d’unes setecientes mil persones que, poniendo l’aguya’l compás en Posada de Llanera, viven nun radiu de veinte kilómetros.

En términos proporcionales esa rede cultural vanguardista nun la tién nin Madrid nin Barcelona y, entá asina, l’asistencia a los espectáculos ye bastante minoritaria. Evidentemente que nun voi criticar una actividá pol fechu de que nun tea asistencies masives, ¡faltaría más!. Yo mesmu soi habitual de dalgunes coses mui poco conocíes. Ye necesario programar esta triba d’actividaes pero, pa que seya una política cultural que represente a una ciudá o a un país y pa que, consecuentemente, traiga bayura económica, ye necesario qu’esa cultura tea lligazón cola población, sinón nel ámbitu la creación, sí nel ámbitu’l reconocimientu. Esi fora l’ésitu’l Guggenheim de Bilbao: la producción cultural será vasca en mui poques ocasiones, pero la ciudá y tol área d’influenza –demográficamente más potente que l’Asturies central- viose representada pol muséu y, amás, naide se vio agredíu na so propia cultura pol despotismu de cuatro “cosmopaletos” encantaos de colleccionar semeyes con actores de Hollywood. Los xestores del Guggenheim, por exemplu, nunca tuvieron que recurrir a despreciar el chistu y la chapela pa que los reconocieren como una “élite cultural”.

Agora paez que finó la fiesta. Ente la cris económica y les nueves directrices gubernamentales, paez que pinten bastos p’asigún que coses. La comparanza que’l conseyeru de cultura fixo ente los 95 miyones del Niemeyer y los 5 del arte que Xovellanos llamó con estricta precisión “asturianu”, únicu nel mundiu y declaráu patrimonio de la humanidá pola UNESCO, diz bastantina. Hora yera que la conseyería de cultura toviere nes manes de dalguién que siempres trabayó nesi ámbitu y trabayó muncho. Hora yera que, ensin arrenunciar a les más avanzaes tendencies estilístiques, aportara la xusta atención al arte de la nuesa monarquía, a los horros y a les paneres. Y a los museos etnográficos. ¡Si, ho!... esos de les gaites, les madreñes ya eses pites abeyando pela antoxana que tanto molestaben en Grandas de Salime. Esperemos, amái, que la llingua asturiana entre nesti paquete col honor ya’l reconocimientu que merez, porque tamién ye hora.

L’otru día nuna carta abierta a Oscar Niemeyer, firmada por un xestor cultural asturianu “esiliáu” al que nun conozo pero que lleí con muncha atención, se-y pidía a Emilio Marcos Vallaure que nun diera marcha patrás. Modestamente, dende esti espaciu de non mui amplia difusión, yo aconséyo-y lo mesmo. Nun podemos siguir cola política cultural secuestrada, como mos lleva pasando dende hai décades. Dicía Churchill –nun nun voi ser orixinal con una cita tan conocía- que la diferencia ente un políticu ya un estadista taba en que’l primeru pensaba nes ellecciones vinientes ya’l segundu nes xeneraciones vinientes. Seya vusté, don Emilio, un poco menos políticu ya un poco más estadista.

Supongo que dalgunos siguirán col so discursu clásicu, esi que yá ensayaron, magar que con poco ésitu, cola Semana Negra: el recursu a que los que pensamos asina somos una banda de reaccionarios cuando non, estrictamente, faxistes. Entamaron apellidando d’estrema drecha al actual presidente, más sero yá lo yeren tolos de FAC, dempués tamién los independientes que trabayen col gobiernu y agora yá debemos ser fíos de Franco dos tercios de los asturianos.

Pos miren, señores “progresistes” de la cultura: voi dá-ys un conseyu. Amás va ser de baldre, cosa a la que de xuru que nun tan avezaos. Propongan pal Niemeyer una solución como la que se diera en Madrid al antigu edificiu de Tabacalera de la plaza d’Embaxadores. La titularidá ye pública pero la programación llévenla de forma autoxestionaria grupos d’artistes, actores, vecinos, xubilaos, músicos, escritores ya un llargu etcétera. Y nun s’esmolezan por si nun van les “élites” porque, la verdá, ye que nun falten. Woody Allen igual nun ta convidáu, pero pa payares, que yo sepa, va tar Chomsky. Si-yos falta esa foto tienen agora la ocasión. Y si se da’l casu de qu’ando per Madrid, nun se preocupen, que a los gintonic convídolos yo.

Comentarios

  1. "Cosmopaletos" ¡ Que gran hallazgo lingüístico para describir a esa tropa de indocumentados caza subvenciones. Hay que ser muy palurdo-con pretensiones- para llamar oficialmente a un centro cultural, un aeropuerto o un hospital por el nombre,debido a su relativa fama, del arquitecto que lo proyectó.
    Estos paleto cosmonautas del pillla pilla debieron pensar que si el nuevo y flamante museo de Bilbao tenia nombre de un alemán ellos no iban a ser menos. y le plantaron el tercer apellido del afamado arquitecto. Oscar Ribeiro de Almeida de Niemeyer Soares
    ¡No iban a ser menos que los primos-patxis!
    TODO POR LA PASTA

    ResponderEliminar
  2. Pruyíame un pronunciamientu, y nun decepciona, tolo contrario.
    Avilés ye la mio ciudá, y tocame siempres (como en casi too) llevar la contraria a too'l mundiu, porque ye verdá que la ciudá ta col Niemeyer, nun sé si toos cola xestión o la fundación privada, pero sí col edificiu.
    Y entiéndolo, porque vivimos una reconversión industrial xabaz, colos mozos en paru dempués de les prexubilaciones n'Ensidesa, cola Zona Muerta, col espoxigue d'otres ciudaes mentres la nuestra asoleyaba'l cartelu de "ciudá más contaminada d'Europa" ... Daveres qu'ameyoró munchu dende va unos años, el gobiernu socialista invirtió nesa política que tan bien-yos fue a otros políticos d'Asturies d'enguapecer la ciudá pa que la población tea contenta ensín da-y nenguna salida más qu'el turismu y al coste de privatizar tolos servicios. Y'l Nieyemer ye'l colofón a toda esa política: Avilés va ser el nueu Bilbao, anque nengún de nosotros tengamos puta idega de que Bilbao ye capital d'un país con impuestos propios y cultura propia.
    Equi ficimos lo de siempres, gastamos una pila perres (vendiendonos que yera perbaratu pa tolo que yera), entamamos un chiringuito con una fundación privada d'amigos "culturetes ya gafapastes", favorecimos l'espoxigue de "vinateríes de nueva espresión" pa qu'Avilés se "modernizara" (cuesta tomar sidra n'Avilés -y otru día falamos de la zuna de trayer vinos de Murcia y ponete cara babayu cuando entrugues por un vinu de Cangas) y a vender conciertos "culturales". (eso sí, contratando a Victor Manuel pa que vean los asturianos que tamién apostamos pola cultura de so). El siguiente pasu, en viendo que perdíamos les elecciones n'Asturies foi blindalo a la fundación pa que Cascos nun metiera mano, nomar Presidente d'Honor, al altor del arquiteutu que fizo'l proyeutu, a Areces demientres decidía si diba a retirase al Congresu o'l Senáu d'España ya intentaron ceder de baldre'l edificiu 50 años (50 AÑOS!!!) pa que quedare too bien atao.
    Y muncha xente critica "l'ataque de la derecha al Niemeyer", si total, vino Brad Pitt, Woody Allen ... a Avilés!!! Tando acostumbraos que Jeronimo Granda presentare'l desfile d'antroxu, quiciabes pa otru añu fadralo Bardem polo menos.

    Esti país tien un grave problema: tamos tan mal, o ficieron creyenos que tamos tan mal (porque si güeyes pa otros llaos tampoco ye que la cosa ...) que xubimos al carru que sia. Y'l carru pasa por vendenos que tenemos que tener polo menos lo mesmo que los demás: l'AVE, el Niemeyer, xintes de nueva expresión col gintonics modernizáu de postre ... y la sidra col chisqueru.
    ¿Qué tien Avilés d'asturianu? Nada, pasa por cualesquier otra ciudá de cualesquier otru llau. En verdá que ye l'amestu de munches cultures de munchos llaos, pero envede integralos dientro la cultura asturiana respatando y asoleyando tamién sos cultures, ficimos tolo contrario. Y agora pa encima, "modernizao".

    Pa finar, l'otru día pa intentar rematame nun alderique sobre'l tema, ún dixo n'alto: "tú lo que quies ye qu'el Niemeyer tenga los carteles en bable y qu'espongan la cerámica negra de Miranda d'Avilés" colos vítores de tola mesa ... Pues eso. Esi ye'l pensamientu. Asina tamos.

    ResponderEliminar
  3. Namás saber el resultáu de les autonómiques una de les coses primeres que me vinieron a la cabeza yera'l trabayu descomanáu y titánicu que tien que suponer desmantelar una rede clientelar y chiringuera como la qu'hai afitada n'Asturies en décades. Política, medios de comunicación, xermandíes culturales... toa una trama viviendo de los presupuestos y de los impuestos. Nun sé si sedrá posible valtar tou esi tingláu, pero los pasos parciales que se vayan dando nesi sen habría que los apoyar dafechu. Como nota cabera solliñar l'apoyu a les posiciones del antiguu réximen clientelar que vienen dando dende dalgunos sectores políticos y culturales supuestamente asturianistes. ¡Hai, qué bien se vivía al calorín del peselbe...!.

    ResponderEliminar
  4. Perdón, onde escribí "hai" quixi dicir "Ai".

    ResponderEliminar
  5. Yo ya nun sé si entrar nestes coses pa que nun te insulten, DMR, pero la verdá ye que me gusta esti artículu. Yá falamos sobro'l blogue en privao... ya lo sé.

    ResponderEliminar
  6. Totalmente d'alcuerdu con David Castañon. Nun tenemos igua. Y digu más. Toi hasta l'escroto que me tomen por babayu, esta panda chorizos. encabroname sobre too, que me vendan qu'el Niemeyer ye'l motor de la economía avilesina, y encabroname más que haiga 5000 borregos que lo crean. Más de 6000 paraos na comarca y nun s'agueya que'l Niemeyer vaya paliar ese paru. Ye más ni dalgún voceru de primera fila, que-y va como dios el chiringu (Tataguyo, Lin...etc), son quien a crear un puestu trabayu. Nin pa esu sirve. Avilés ta muy guapu. Los paraos caleyen más gayoleros camín de la oficina emplegu.
    Santiago

    ResponderEliminar
  7. Perdón, quise decir: Nun son quien a crear un puestu trabayu.

    Santiago

    ResponderEliminar
  8. Rivas No disimules, que se te ve el plumero.
    Todos los nacionalistas sois iguales, pequeño burgueses que se venden a la extrema derecha con tal de pillar algo.
    ¿Que carguito te van a dar los de Cascos?

    ResponderEliminar
  9. Va nomalu Embaxaor d"Asturies pa con España.

    Qué ye eso que ellos tengan Delegau del Gobiernu d'España n'Asturies y nós nun tengamos nada allí.

    Creo que ya tan avanzaes les conversaciones: coche oficial, móvil, putes y gintonics de balde y puestin asegurau pa dempues les elleiciones?

    Anónimu, y a ti que puestín ofreciote Rafa Palacios en Palestina?

    ResponderEliminar
  10. David, pencima de delles discrepancies coxunturales, agora nun me toca otro que volver a date la razón equí.
    ¡Menuda reaición la de los cosmopaletos! Menudu ataque baxu lleí contra Carlos Rubiera a cargu d´ún d´ellos confrontando "madreñes" y "alta cultura". Agora hai un conseyeru de Cultura, Marcos Vallaure, non un cipayu como los d´antañu. Ye un cambeu de Réxime, y munchos gafapastes van quedar ensin techu, tán rabiaos. Yo nun teo pena por ellos. Que busquen trabayu o saquen una oposición. Como los demás.
    Un saludu. CXB.

    ResponderEliminar
  11. Tres coses bones d'esti artículu. Una: DMR sigui en forma dempués de la hostia peles escaleres y les tochaes que tuvo que lleer nesti blogue hai mes y picu. Dos: Carlos X. Blanco (CXB nesti mundín) apaez de vuelta y retoma'l discutiniu con DMR, cosa perbona. Tres: l'anónimu qu'entruga pol puestu que Cascos va da-y a Rivas, o ye tontu o ye un cachondu, ya yo inclínome polo segundo.

    ResponderEliminar
  12. ¡¡Ni Tonto ni Cachondo!!
    Soy un comunista asturiano que lucha por la actividad política del Partido Comunista al lado de la clase obrera en la lucha por el socialismo y el comunismo levanta el inmenso muro del internacionalismo proletario.Internacionalismo que desconoce fronteras y es parte inseparable de la lucha de una misma clase obrera mundial. Estos ataques no hacen más que incrementar la moral de lucha dy ante la que levanta el inmenso muro del internacionalismo, que desconoce fronteras y es parte inseparable de la lucha de una misma clase obrera mundial.

    ResponderEliminar
  13. Vampi, cariño, tú por aquí.
    Y discutiendo con DMR, como siempre...
    XDDDDDDDDDDDDDDDDDDD

    ResponderEliminar
  14. Oh Virgen, menuda tirada soltonos el comunista españolin esti!
    Los comunistas cuales yeren, esos que votes por ellos ya lo cabero el to votu va pa la FSA? ¿A como ta el kilu de diputau comunista? Baratin, benseique!
    Bien falau, David, apunto lo de "cosmopaletos". Va espardise como lo de la "leyenda urbana"

    ResponderEliminar
  15. Cristobo, digotelo dend'el respetu. El Kilo de diputáu comunista nun ta a nengún preciu.Porque nun los hai. Lo que si hai, ye muncho facha, con camisa nueva, que nos noma dos veces la pallabra "país"y corremosnos pola patuca. Puro Cuadonguismo, pa engañar almes candides. Admitu pulpu como animal de compañia, Cascos nun ye estrema derecha, ye la derecha estrema.Cuando salgo a la caí a lluchar polos mios derechos, el 1ºMayu en Xixón, yo nun veo a Cascos ni a ls de FAC, alcuentrolos tomandu medies escontra la clas trabayadora. que yo y de la razón al Consexeru de Cultura nel aswuntu Niemeyer nun quier decir, que nun sepa en que barricada tamos ca'ún. Nun quería entrar al trapu pero coi facelu, ablallame y esmolezme dalgunes opiniones de DRM, sobre too pola admiración que-y tengu, pero yo n un coligu con ruedes de molín.el discurso de Cascos ye igual qu'el d'Esperanza Aguirre. ¿Facemos memoria?, y mira que tengu poca, a vegaes nun m'alcuerdu nin del mio nome, pero la memoria histórica nun me falla, peru nun voi tan allá. Cada vegada qu'abre la boca, ye pa llanzar piropos a los collacios, Espe, Rato, los delincuentes de Llevate, o pa dexar a los trabayadores de la TPA sin cobrar, pa Privatizar la TPA, pa desaniciar el salmón, o preparar un recorte más pa los funcionarios del Principáu.
    Decía Alí Primera, que "la patria y'el home", y a mí me la resbala que Cascos y el so gobiernu faigan guiños al Asturianu, faime la mesma ilusión ser esplotáu en Asturianu qu'en Castellanu. ¡Lo que nun quieru ye ser un explotáu! Ni que los que representen al Capital me sigan gobernandu.Ser Asturianu nun foi la mio escoyaza, la ideoloxía, esa si, elexila yo.
    Si fore Andaluz, Catalán, Galllegu, Vascu o Castellán, sedría nacionaliegu y d'esquierdes, lo mesmu q'agora. También ye ciertu que si me dais a escoyer ente la mio llibertad los mios derechos y la llingua, quedome colo primeru.
    Esmolezme q'un rapaz fale de sentimientos de solidaridá, y dalgún riase d'él, esmolezme munchu, quicias porqué nu sabéis lo que ye esu, quiciás nun lo sabéis, porqué too lo tenéis fácil, o ye la vuesa concencia burguesa, nun lo se. Yo se cuál ye la mia, se de les batalles perdides, de la marxinación y les inxusticies, ainda vense les cicatrices. Falemos con'un poquiñin de respetu por favor
    Santiago

    ResponderEliminar
  16. Santiago, el que nun quiera oyilas que nun las diga. Nun fui yo quien entamo.
    De mano, nun me parez a min que tean los comunistas pa da-y lleciones de NADA a NAIDE. La superiorida moral perdimosla toos cuentaya, parezme a min.
    Y non, Cascos nun me engaña pero tampoco nun me engañen el PSOE nin IU, que ye (o muncho me engaño yo) el partiu au entraron los comunistas va ya pa trenta años, y que dende aquella nun fexo otra que sofitar al PSOE, quitando los años d`Anguita.
    Inda nun paso un añu dende que el PSOE retrasó la xubilación, y lleven los socialistas sacando una reforma llaboral nueva cada selmana. Digo, pa que me cuentes tu que diferencia habra con Esperancita o con el nuesu Cascos.
    Los recortes, y la precarieda y los abusos ya cuento con ellos, da igual quien gane: pero ye muncho que penriba de ello, valgan los mios impuestos pa mantener a un babayu racista que entama a glayar "cuchu y madreñes" de la que siente falar d`Asturies. Non, ya valió de ello.

    ResponderEliminar
  17. Faltome dicir: quien me diera ser un burgues, vivir de rentes y tar n`Asturies cola mio familia. Igual asina tenia tiempu pa entrar nel partido, y a lo cabero podia colocame de revolucionariu profesional, en algun puestin del reximen, na Conseyeria de la Muyer o daque asina.
    Pero ya ves, la verda ye que toi esiliau en España, alcordandome de la tierrina y trabayando duru. Ye lo que hai.

    ResponderEliminar
  18. No me cabe la menor duda, los asturianos sois la hostia.

    ResponderEliminar
  19. Perique des Palottes28 de octubre de 2011, 16:37

    Estimados amigos:
    La expresión "cosmopaletos", tan expresiva y que tanto les ha gustado, no es una acuñación de David M. Rivas, ni por supuesto él ha reclamado su paternidad. Es un término conocido desde hace ya algunos años.
    Se conoce que parte del público asistente a este interesante blog está dispuesta a aplaudir arrebatadamente todo lo que salga de la pluma del autor. Es lo que se llama "fenómeno fan". Pero no conviene pasarse: tengan en cuenta que tampoco le hacen ningún favor a DMR, que después ha de enfrentarse a las acusaciones de ser poco menos que el único "autor real" que interviene en este blog.
    Un cordial saludo.

    ResponderEliminar
  20. Estimados Señores
    No se de donde deducen que, en mi admirado comentario, el termino cosmopaletos se lo atribuya a David. Las palabras son del pueblo, las crea el pueblo y pertenecen al común.
    Nota para filologos y ghostbusters cazadores de ectopasmas.
    Aceptaría cual domestico pulpo el termino los hablantes en vez de pueblo si con ello quedan satisfechas sus pretensiones/precisiones terminológicas

    Saludos fraternos

    ResponderEliminar
  21. Estimado David
    Tiene gracia eso del termino "cosmopaletos"...
    Pero la verdad es que todo este asunto del "Oscar Mayer" no tiene nada de cósmico, aunque si un poco de viaje sideral, como de comerse un tripi, Todo ello resulta de una paletez asombrosa, eso si bastante a ras de tierra, muy pedestre.
    El proyecto del Centro Niemeyer fue un regalo que hizo el homónimo arquitecto por haberle concedido el Príncipe de Asturias. Don Oscar lo que regaló fue un proyecto en abstracto de esos que el hace para tirar en paracaídas en cualquier parte y como agradecimiento para edificar la sede de la Fundación Principe de Asturias. Este, supongo, debiera haberse construido en Oviedo pero se destino a Avilés debido a la evidente sobrecarga de edificios culturales ya existentes en la capital. Tampoco se podía mandar para Gijón , donde ya está ese monstruo devorador de fondos de la Laboral. Por lo que, al parecer, a alguien se se le debió de ocurrir reenviarlo a Avilés para ver si así se repetía la operación Gugenheim. La cosa parecía que iba viento en popa y toda vela y vuestros queridos gestores culturales se empezaron a montar un chiringuito cultureta del que vivir a costa de los fondos públicos. Pero todo esto es un bluff que para cualquier observador externo a la realidad asturiana, este montaje salta a la vista nada mas se visita el edificio. Mucho mas si se lo compara con Bilbao. El edificio de Avilés es de una mediocridad pasmosa, es un refrito de formas del catalogo de Niemeyer sin ningún interés. No tiene ni la fuerza ni la poesía de sus primeras obras ni la capacidad de riesgo que demuestra en el museo de Niteroi o en el de Porto Alegre. Avilés es como digo un proyecto de saldo de corta y pego y destinado a ser parachutado en cualquier parte, -siempre que esta sea explanada previamente- de hecho este mismo proyecto nos lo había regalado a los Porteños para emplazarlo en el Cerro Cárcel de Valparaiso. Aquí provocó un fuerte movimiento de rechazo ciudadano pues la antigua carcel de Valpo estaba ocupada por diversos movimientos sociales y los ciudadanos no estaban dispuestos a que esta se demoliese y se allanara un cerro para colocar encima un artefacto cultural y arquitectónico ajeno y poco sensible para con el paisaje y el paisanaje de nuestro Puerto.
    Dejemos de momento la critica urbana y para acortar veamos que se puede hacer con el, ¡ya que está ahí...!. Lo mejor seria dejarlo en manos de los movimientos sociales y culturales de los propios avilesinos. Dejen que sean estos quien lo gestionen y no una junta de galácticos culturetas apesebrados. La solución es la tu que propones David, el modelo Tabacalera, eso si adaptado a las necesidades e idiosincrasia de Aviles. Creo que esta seria la solución mas digna para ese desaguisado. Aunque no creo que el señor Cascos esté muy por la labor, siempre se puede ocupar en plan #Tomaelniemeyer para autogestionarlo y sentarse a negociar despues con las autoridades sobre su uso.
    Yo les invito a hacerlo, recomendandoles de paso que cuando lo hagan eviten que se les cuelen los seguidores de esas secta idolatra del poder por el poder, Los Pecerocomunistas de todo pelaje. No duden que en cuanto puedan les venderán por un carguito y una silla.
    Creo que al bueno de don Oscar esta solución también le gustaría.

    Un fraternal saludo desde Valparaiso

    ResponderEliminar
  22. Taríe bien que toles presones que tais falando tanto, y tan bien, d'esti tema, un díi d'estos pasárais per Avilés y nos entrugáreis lo que camentamos periquí. Ye bona cosa, de xemes en cuandu, zarrar un puquiñín la boquina y escuchar.

    ResponderEliminar
  23. Nun quiero entrar en partenidaes, ¡por Dios! Pero lo de "cosmopaletos", a lo menos n'asturianu, yo sentilo en Villaviciosa na Casa Cultura. Y díxolo esti DMR. Toi falando del añu 1999... 2001...

    ResponderEliminar
  24. Querido Anonimo "ut supra" no se lo tome a mal pero eso que dice es como dicen en su tierra una babayada de tomo y lomo.
    ¿Por que?, ¡muy facil!. Un blog es un medio de comunicación cuyo finalidad es debatir. Comprenderá que a miles de kilometros de su villa lo mas cómodo -para mi- es que ustedes participen en el. Ahora que si me quiere regalar un pasaje para escucharle a usted y a los suyos, yo de buen grado, se lo aceptaría, a cambio le llevaría un vino de reserva elaborado en la viña de mi familia. Así pues usted y sus paisanos lo tienen facilito intervengan aquí y expresen sus opiniones y puntos de vista. Yo les quedare muy agradecido y sin jet lag.

    ResponderEliminar
  25. Perique des Palottes30 de octubre de 2011, 2:31

    Por favor... Palmeros otra vez, no.
    La palabra "cosmopaleto" viene del español, que es la lengua en que se acuñó, y de ahí pasa al asturiano, al gallego, al catalán y a todo lo que se encuentra bajo el paraguas "protector" del español (ruego aprecien la ironía los más amantes de la literalidad).
    En español se viene usando la palabra desde finales de los años noventa, si la memoria no me falla. En una busca rápida por Google la he podido encontrar en el año 2000:
    http://www.cibercerdo.com/mundopor/mp2000/mp010400/mp010400.html
    Si alguien tiene más ganas y tiempo que yo, puede jugar a localizar algún testimonio anterior.
    Nada más. Que la admiración no le ciegue, señor Meana.

    ResponderEliminar
  26. ¡Home por Dios!.Daxálo en manes de los movimientos sociales. A saber que xente meteriase ehí. ¡A ver si se nos enllena perroflautes!Col pelotazu que tamos amañandu hai que curiar muy bien l'asuntu.
    Venir y entrugailu a los d'Avilés que ye lo que atalantamos.
    Queremos qu'el Niemeyer nun se cierre,que sigan los actuales xestores que lo tan faciendu muy bien, hasta nos trayeron a Woddy a tocar el clarinete, y qu'el gobiernín dexe de meter la pezuñona, que lo faí solu por envídia, que toos sabemos n'Avilés qu'estu partió de Xixón ¿D'undi ye Cascos?. Y amás tamos defendiendu lo público, que ye de toos los Avilesinos,que tamos muy contentos col Niemeyer, porque ye'l motor de la economía avilesina, que bona falta nos faín los puestos de trabayu, y ya non falamos de lo guapa que ta la Villa, y más que va tar cola Isla la innovación, too enllenu d'adosaos, dende la entrá l'autopista a San Balandrán.Too muy guapín y con munches vinoteques, de xuru. La envidia del mundu mundial. Asina que ya sabési lo que atalantamos por Avilés,si quereis saber más venir y entrugar.
    ¡Toos col Niemeyer y Natalio!
    ¿Que pasa? ¿que paga`l tabacu a cargu la fundación?. Fai bien, tamién lo trabaya. Aquí n'Avilés queremoslo toos munchu, hata les camareres comenlu a besos. Ye normal hai que day ciñu, ta muy necesitáu, que nos lo están crucificandu al probe rapaz, y too por nada, por unos gastucos que non xustificó.Pero bono, que vamos esperar d'un Conseyeru cultura, que quier tener representación nel centru sólu porque ye'l Principáu el que más perres pon, o porque pago'l centru, ni que fuesen d'él les perres,¡Hai que tener cara!Pa esu y pa criticar la programación del centru. Aquí too primeres figures,na de madreñeros,a esos que los lleve'l Conseyeru al Museu del Pueblu d'Asturies, por que si dalgún nun s'enteró entovía la fundación Niemeyer, ye Internacional.
    Envidiosones, que sois unos envidiosones.
    Santiago

    ResponderEliminar
  27. "tamos muy contentos col Niemeyer, porque ye'l motor de la economía avilesina, que bona falta nos faín los puestos de trabayu, y ya non falamos de lo guapa que ta la Villa, y más que va tar cola Isla la innovación, too enllenu d'adosaos, dende la entrá l'autopista a San Balandrán."
    Santiago
    Aqui está la clave

    Lean el pdf de la Isla de la innovación:
    http://www.isladelainnovacion.es/v_portal/apartados/apartado.asp

    Verán como toda la operación es un pelotazo urbanístico a costa de terrenos y dineros públicos para llevárselo crudo entre unos cuantos listillos. Nada original, es la enésima copia de los modelos Abandoibarra-Zorrozaure de Bilbao, Woolston Thornicroft Shipyard de Southampton o el Forum de las Culturas de Barcelona, etc*. La estratagema es recalificar zonas de antiguo uso portuario e industrial para zonas residenciales de lujo con marina de yates y terciario de alto standing Todo ello aderezado con alguna obra de arquitecto famoso con la que darle bombo y platillo al negocio y darle un barniz legitimador de cultura para poder acallar así las voces disidentes.
    Se ve (parece) que al pincharse el globo inmobiliario y perder el gobierno de Asturias el conglomerado PSOE-IU los mas "listos" decidieron para salvarse de la quema, apalancarse en el aparato cultural (Fundación) y encastillarse enel edificio espectáculo que se han creado.

    Señor Vallaure, no le conozco pero cuenta con todo mi apoyo y el de los míos si sigue adelante en el noble propósito de deshinchar este bluff.

    Saludos fraternos

    * Señor Erskine: Ustedes allá en Valparaiso tienen montado un numerito urbanistico parecido con el Mall y el muelle Barón

    ResponderEliminar
  28. Sobre la "operación Niemeyer


    Los gestores de este proyecto acordaron que la construcción del Niemeyer sería el primer paso del “master plan” del futuro desarrollo urbanístico, que tendría un importante reflejo en la construcción de todo un nuevo barrio dotado con miles de viviendas en un área de 575.000 metros. Entre los acuerdos que se adoptaron en el año 2008, se decidió que los impulsores de la iniciativa participarían en una sociedad que ejecutaría urbanísticamente el ámbito a desarrollar, mediante aportaciones económicas y en especie. Salta a la vista que si el Principado puso en esa operación su aportación para el Niemeyer, con el gran aparcamiento que oculta bajo su superficie, si esas instalaciones se ceden a una fundación privada, los derechos de la administración pública, habrían sido transferidos a una entidad privada.
    No se trata de privatizar una programación cultural, sino de privatizar una operación inmobiliaria financiada con fondos públicos, para dejarla en manos de quien fue apartado de su control en unas elecciones, que pretende mantenerlo después.
    Esta operación recuerda muchísimo el modelo seguido en Oviedo con el Calatrava, donde el Ayuntamiento de Oviedo puso los terrenos públicos -el antiguo estadio Carlos Tartiere-, el Principado el dinero público con la adquisición de oficinas a través de Sedes, y los privados se quedaron con la cesión del patrimonio público durante cincuenta años. Todo ello a dedo. El entonces gerente de Sedes, Santiago Caicoya, que compró las oficinas del Calatrava, fue nombrado después gerente de la Isla de la Innovación, mientras Sedes construyó el Niemeyer.
    ¡Sigan ustedes hablando de “kultura”, que los demás tendremos que echar mano a la cartera!

    ResponderEliminar

Publicar un comentario