Cataluña: un espeyu de lo que somos

La manera d’informar y de comunicar sopelexa d’un mou clariquino por demás la forma de pensar del emisor. Cuando hai unos vente años s’espublizara una encuesta sobro la monarquía británica, los periódicos españoles –tan arrastraos y cortesanos ellos pa col so rei- espublizaron, unánimemente, esti titular: “el 65 por ciento la ciudadanía británica sofita la monarquía”. Yera esa noticia una “noticia espeyu” que pretendía allabar les grandes virtúes del sistema (o réxime) monárquicu. Pero un titular bien apañáu podría ser esti: “inclusive na Gran Bretaña un 35 por ciento la ciudadanía camienta que la república ye un modelu meyor”. ¿Verdá que suena d’otra forma?. La traducción ye clara: si hasta los británicos ponen en custión la monarquía…

Vien esto al casu de les informaciones que los periódicos dixitales “asturianistes” dieron de les ellecciones catalanes. Pero enantes d’entrar no que camiento importante, una pildorina de llingüística. “Infoasturies” y “Aruelu” falen d’”elleiciones”, mentanto que “Les Noticies” fala d’”elecciones”, tal y como “L’Asturies Lliberal” qu’emplega el términu “electoral”. D’ota banda “Asturnews” fálamos del “tripartit” y “Asturies.com” del “tripartitu”. Al mesmu tiempu, “Asturnews” fálamos de la “hestoria” y “L’Asturies Lliberal” de lo “histórico”. Y, p’acabar, “Infoasturies” fala de la “Generalitat”. Y tóo esto namás que nos titulares.

Yo, que nun soi naide na ciencia filolóxica y que meto pataes más d’una vegada pero que teo l’asturiano (tamién equí emplego’l neutro porque pa min “un asturianu fala asturiano”) como llingua materno, escribo “ellecciones”, “historia” y “Xeneralidá”. Tal y como nun escribo “England”, nin “Eire”, nin “Deutschland”, sinon “Inglaterra”, “Irlanda” y “Alemaña”, escribo “Xeneralidá” y “Gobiernu Vascu”.

Hai unos años espublicé un artículu en “Les Noticies”. Conforme a que los topónimos siempres s’escriben na llingua na que s’escribe l’artículu, falé de “Castiella” y de “Coruña”. Pos resulta que los correutores del selmanariu metieron pluma y salió “Castiella” pero “A Coruña”. La correición política valía pa los gallegos, pero non pa los castellanos. Otra vuelta la dialéctica l’espeyu o, igual, dalgunos porgüeyos más inconfesables.

El casu ye, dexando al delláu estos asuntos llingüísticos, que paez chocante ver los titulares d’esa prensa virtual “asturianista” cuando fala de les ellecciones catalanes.

Hai tres llínies estremaes. La primera ye aséptica y quédase na noticia pura. “Infoasturies” diz que “CIU gana les elleiciones y la presidencia de la Generalitat”. “Asturies.com” diz que “CIU llogra una amplia victoria y retrocede’l tripartitu”. “Les Noticies” diz que “CIU gana les elecciones catalanes”.

La segunda llínia yá tien más asuntu políticu. Asina, “Asturnews” diz que “CIU recupera’l gobiernu de Cataluña ente’l descalabru del tripartit, colos peores resultaos na historia del PSC”. Pela so parte, “L’Asturies Lliberal”, llevando la xarda a un bon caricós, diz que “mayoría relativo de CIU; crecimientu históricu del PP, que se convierte na tercer fuerza; fundimientu socialista; catástrofe electoral d’ERC”.

Pero’l titular más enxebre y más significativu pal asturianismu políticu ye’l d’”Aruelu”: “La drecha gana por mayoría absoluta les elleiciones de Cataluña”. Voi céntrame nesti últimu titular porque sopelexa a les clares la dialéctica l’espeyu. Tamos falando d’un mediu comunicación que ta afitáu na esquierda nacionalista, más bien nun puntu que Carlos X. Blanco califica como de “nacionalismu adxetivu” que non de “nacionalismu sustantivu”.

Dengunu de los medios estos cayera na cuenta de, igual, lo más importante. Adicando pa los resultaos de les ellecciones de Cataluña rescampla dalgo: hai nel parllamentu una mayoría absoluta de soberanistes. Ye’l parllamentu con más nacionalistes dende 1932. Por eso falo del titular d’”Aruelu”: “mayoría drechista”. ¿Por qué nun entituló con “mayoría soberanista”?. Pos mui fácile, porque la güelga socialista o comunista ye mui pesada, porque la custión nacional ye secundaria. ¿Taría más contenta la redacción d’”Aruelu” con una mayoría PSC-IU en Cataluña?. Y, falando d’espeyu, ¿meyor una mayoría n’Asturies de PSOE-IU qu’otra de PAS-AA-UNA?. Cuando tóos nosotros arrepostiemos a estes entrugues con cancallu y xacíu, igual entamábamos a construyir una nación, sabiendo quién ta en cada sitiu.

Que nun incidan nesta circunstancia “L’Asturies Lliberal”, “Asturnews”, “Asturies.com” o “Les Noticies” pode tener desplicación. Un periódicu ye del PP y los otros tres d’información xeneral. Pero qu’esi analís nun seyan a abordalu “Infoasturies” y “Aruelu” y que, especialmente, “Aruelu” lo despache con un titular a lo “Mundo Obrero” (periódicu oficial del PCE) y con un analís desendolcáu en consonancia col titular, tien el so aquello.

Comentarios

  1. Buena observación. Con una mayoría más pequeña Companys declaró el estado catalán en el marco de lav república federal española. No creo que vaya a pasar mañana, pero la mayoría la tienen. Los catalanes giraron a la derecha, pero sobre todo giraron hacia lo identitario. Es muy significativo el artículo de El Mundo de hoy martes "Es la patria, ¡estúpido!".

    ResponderEliminar
  2. ¡¡ da gusto lleer estes coses !! ... viendo lo despistaos (o ¿¿camuflaos??) que tan dalgunos

    ResponderEliminar
  3. " Y, falando d’espeyu, ¿meyor una mayoría n’Asturies de PSOE-IU qu’otra de PAS-AA-UNA?. Cuando tóos nosotros arrepostiemos a estes entrugues con cancallu y xacíu, igual entamábamos a construyir una nación, sabiendo quién ta en cada sitiu." Pues yo yá te resmpuendo agora:PAS-AA-UNA. Interesante comentariu'l de "Autónoma". Xustu'l camín contrariu al que dellos planteguen equí de xirar alloñándose de lo identitario. P'acabar, una cosa ye'l "nacionalismu adxetivu" y otra el simple "antinacionalismu" pacia onde caminen dalgunos -mui llexítimamente, que conste- que ye lo qu'espeya'l titular que te llamó especialmente l'atención (y a min tamién).

    ResponderEliminar
  4. Un artículu mui acertáu, y por desgracia lo d'esa xente nun ye nada nuevo. Poco tardarán (si nun lo faen yá, que me parez que sí) en entamar a llamate esencialista, facha asturianu...etc.
    Esta xente nun ye nacionalista, venlo too separtao ente drecha y izquierda, la Patria y la identidá ye pa ellos un entretenimientu de burgueses. Xuntanza SÍ, pero ente PATRIOTES.
    Estos son tamién (güeyu, qu'a Infoasturies, y por ello a della xente d'Andecha tamién) los que nagüen pola xuntanza d'eso que llamen ellos la "izquierda alternativa". Nada nuevo baxo'l sol.

    Ah, y norabona a Converxencia y a Artur Más, yera yá tiempu d'echar a toa esa mangantería.

    ResponderEliminar
  5. Nun creo que-y preocupen muncho a DMR lo que lu llamen los que ponen etiquetes a tóo. Amás, el bloque soberanista catalán nun ta na drecha esautamente.

    UDC: demócrata cristianu (de dreches si mos paez)
    CDC: mezcolanza lliberal y conservadora (de centrudrecha si mos paez)
    ERC: republicanu, socialdemócrata y esquierdista (d'esquierda si mos paez)
    SI: los de Laporta, que nun se sabe mui bien porque l'únicu puntu programáticu conocíu ye la independencia.

    Rsumen: más bien al centru-esquierda.

    Y dende fuera hai un montón de grups (les CUP fundamentalmente) d'esquierda más o menos "alternativa" que sofita al soberanismu.

    Mentanto n'Euskadi: pautu PSOE-PP pa echar a la esquierda y al nacionalismu. Y en Navarra: PNV-EA-Aralar-IU.

    Como siempre termino igual: ¿a qué coño xugamos n'Asturies?

    ResponderEliminar
  6. Esto que dices que nun sal en nengún llau ta n'aruelu "Con estos datos, cabe solliñar igualmente’l reforciamientu del polu soberanista nel Parllamentu, non solu pola entrada d’un partíu col únicu enfotu de declarar la independencia de la nación catalana, sinón pola contundente victoria d’un partíu -CiU- que tanto a nivel internu como públicamente vieno sofitando los caberos meses les consultes independentistes cellebraes nel país catalán asina como reforciando les sos tesis soberanistes." y anque vos prestara otru titular en Catalunya gano la drecha y ye indiscutible.

    ResponderEliminar
  7. Podrán dicir dalgunos qu'hai nestos planteamientos "esencialismu" ya inclusive "etnicismu". Pero ye qu'ensin "esentia" y "etnos" nun hai pueblu, nun hai nación. Si nun se sabe eso nun ye que nun seya unu nacionalista, ye que ye unu simplemente ignorante. La posición de DMR (va tener ésitu esto, como, yo qué sé, CR9 o JFK) ye tan cenciellina que nun creyo que seya discutible. Por cierto, "Aruelu" nun punxo tovía esti enllaz, cosa que siempres facía. Espero que lo faiga porque diría abondo de los sos usos democráticos como mediu de comunicación. Qu'esi ye precisamente'l comportamientu de DMR dende l'entamu d'esti blogue. DMR siempres tuvo'l güeyu puestu na política d'Esquerra Republicana, dende van bien d'años, cuando, siendo mui mozu, yera amigu d'Heribert Barrera. Siguiera mui de cerca la política catalana y acabó nuna llista ellectoral con ellos. ¿Dalguién va sosprendese d'esti artículu identitariu no xeneral y defensor del catalanismu soberanista? Cuando la xente votaba (anque nun fora muncho) a DMR nunes ellecciones, ¿qué creyía tar votando?, ¿a un trosquista?, ¿a un castrista? Votaba a un nacionalista asturianu d'esquierdes, dialogante como pocos pero firme como más pocos tovía. DMR ye una "rara avis" nesti mundín. Diz el mio amigu Holmes que ye asina porque combina métodu científicu y rigor éticu. Y si lo diz Holmes ye que ye verdá.

    ResponderEliminar
  8. Nun viera el comentariu anterior al míu. Paezme bien pero eso de "y aunque vos prestara otru titular" diz bastante. Quien diz eso ye DMR, non un grupu persones. ¡Qué razón tien DMR! ¡La noticia espeyu! Un vos, un plural... Con esi "vos" queda claro que dalgunos tan nel "nos". Eso tamién lo diz el mio amigu Holmes. Agora ta tocando'l vigulín y nun puedo nin averame a la puerte la sala. Y, secretu pente amigos, toca de puta pena. Pero yo apondérolu. Lo mesmo qu'otros aponderen a "Aruelu" nel so titular impresentable pa quien diz ser órganu informativu asturianista.

    ResponderEliminar
  9. Por ciertu n'aruelu:
    -Antetitulu-->EL SOBERANISMU TAMIÉN REFUÉRCIASE NA CÁMARA CATALANA
    -Títulu-->La drecha gana por mayoría absoluta les elleiciones en Cataluña

    Rivas paezme que tas equivocau nesti casu. Un saludu.

    ResponderEliminar
  10. Watson "vos" porque referíame non solo a Rivas sinon a los foreros anteriores a mí que teneís la mesma opinión que DMR ente los que tas tú.

    ResponderEliminar
  11. Val. Igual me pasé un pocoñín y lo mesmo DMR s'enquivocó en parte. Pero nun podemos negar qu'un titular d'un mediu que se diz "asturianista" seya el que fora. El PP tuvo menos votos que los d'hai doce años y CIU los mesmos que los de Pujol. ERC cayó brutalmente, pero parte de los votos fora pa los de Laporta, que son independentistes y punto (a parte de que quieren llibrar a Laporta de los xuicios por corrupción que va tener, que de too hai, que nun soi bobu). Qu'un mediu que se diz "asturianista" o "nacionalista d'esquierdes" divida'l votu catalán pente esquierda y drecha sopelexa lo que ye: un mediu esquierdista convencional (ya español). Tien tol drechu, caún ta onde quiera tar, pero nun ta nel nacionalismu. Cuando una noticia se da como la daría'l PCPE o la Junta Antifascista de Carabanchel... Diz el mio amigu Holmes, que, por suerte, dexó de tocar el vigulín, que porqué los asturianos, pudiendo analizar la realidá como ingleses, empérrense n'analizala como españoles. Y Holmes, ya lo saben, cuasi siempres tien razón.

    ResponderEliminar
  12. Mire, profesor Rivas. Lo suyo nun tien nome. Reconozcoi una talla intelectual. Ye usté un aristócrata que siempre tuvo perres. So padre tinía una empresa del metal y la so madre yera xerente d’una empresa química. Y teníen cien vaques en Villaviciosa. Puede qu’engañe a los Churchill o Vampirella, pero a mi non. Eses historietes identitaries, nada, de verdá. Ye too tontería. Asturies salvase lluchando, cola llucha de la clase obrera. Soi comunista, ye verdá, y pienso que Rafael Palacios o los de la UNA valen mas que usté. Usté nun ye de izquierda, ye un lliberal a lo yanqui. Anduvo usté por universidaes de per ende, onde daprendió bien la estratexa de la derecha. Tanta Inglaterra nun da nada bono, con tanta masonería y bobada. Pero a mi nun m’engaña. Asturies nun necesita pa nada a xente asina. Usté representa l’Asturies vieya, tradicional. Ye usté un etnicista que bordea el racismu. Pero na UNA y nel Bloque, tamién na mayoría d’Andecha, ta una Asturies distinta. Namás cabe la revolución, la de verdá, la de Marx y Lenin, anque vaya pa llargu. Lamento romper esti blog tan guapu y tan complaciente. Rivas: si un día llegara la revolución usté taría en frente. Ye lo q’hai.

    ResponderEliminar
  13. Rivas: de mano partes d'un analís sesgau, yá que pa nomar (a aruelu) "non nacionalistes" te bases namá nuna noticia/artículu. Puedo escoyer 10 al azar nel mesmu mediu de les que diries lo contrario. Amás creo que n'aruelu nun hai un solu articulista asina que sera achacable al escribán en cuestión y non al mediu.
    Y camudando de tema: Rivas (ensin acritud) mira pa casa y comenta l'artículu de Mario Arbesú, porque daqué tendras que dicir d'eso¿non?. Antes me parecias menos partidista. saludos

    ResponderEliminar
  14. Faime muncha gracia como dende una determinada llínia ideolóxica se pretenda teorizar unilateralmente lo que ye la patria o lo que ye la nación. O les coses son radicalmente oxetives y entós habría que metese en llabor y ciencia, y estudiar, esperimentar y discutir muncho o tan sometíes a la interpretación y falamos de partes o d'arimase a la verdá dende planteamientos distintos, pero cola torga de que nunca llegamos del toó. ¿Quién decide onde ta la razón pa entamar ciertos xuicios? ¿Acaso ye usté el Demiurgo?
    Si esto ye asina usté Mr. Rivas fala dende l'enchipamientu de quien paez tener el monopoliu de la verdá, bien eso ye mui humano pero cuando s'atreve a xulgar a los demás entóncenes ye cuando desapaez toó esa ética que-y pretenden asociar.
    Si señor, ganó la derecha. Porque ye asina. Porque CIU analiza la rialidá dende la so güeyada de derechas y dentro de la rialidá tamién la custión nacional. Porque ye lo qu'asocede en tolos llugares del Mundo, dende Escocia hasta Nueva Zelanda. Otros calistren e interpreten la rialidá dende otra visión, o dende ninguna y pretenden esmucise de la xusticia. A usté y sos cortesanos empapirolaos paez-yos que CIU son más esmolíos pola custión nacional simplemente porque s'afayen más al so pensamientu derechista: lliberal, conservador, tradicionalista, demócratacristiano, facista,... caún el qu'escueya o-y peteza qu'hai munchos.
    Pero si repasamos la Historia política recién podríemos atopar como ERC y organizaciones tan a la izquierda como les CUP pasen de llargo a CIU nel compromisu nacional.
    CIU tien concencia nacional pero tamién tien una visión de la organización económica a la que nun renuncia nin siquiera axusta nada colos demás nacionalistas. Voten xuntos en ciertes custiones d'identidá pero no que cinca a la política a la organización de la polis tienen visiones bien distintes. Caro que nos espeyamos porque los seres humanos enfrentamos problemes mui apaicíos en tolos llugares.
    Les condiciones d'esistencia determinen la identidá: la pertenencia a un pueblu, pero tamién la pertenencia a la clase, la relación cola producción,...
    En fin la derecha y la izquierda o les estremaes formes de calletrar o interpretar la rialidá esisten. Y negándolo y viendo ciertes opiniones afítase esti planteamientu.
    Munches gracies por dexame opinar equí.

    ResponderEliminar
  15. "Ye usté un etnicista que bordea el racismu". "Rivas: si un día llegara la revolución usté taría en frente"
    "... usté Mr. Rivas fala dende l'enchipamientu de quien paez tener el monopoliu de la verdá..."
    " A usté y sos cortesanos empapirolaos paez-yos que CIU son más esmolíos pola custión nacional simplemente porque s'afayen más al so pensamientu derechista: lliberal, conservador, tradicionalista, demócratacristiano, facista,..."
    Lo de siempre, David.

    ResponderEliminar
  16. Estos comunistes son como los islamistes. Nosotros permitímos-yos dar la so opinión llibremente y organizase mientres qu'onde gobierna'l comunismu nun pues nin respirar, nin opinar llibremente nin munchísimo menos organizate. Ta bien ser xenerosos, pero tontos non, y que vengan a insultanos a casa ye nun tener sangre nes venes.
    Amás que ye'l mesmu, el comunista esti del pcpe, de la cuenca'l caudal. Como si-y importare al nacionalismu lo qu'opina xente como él o los d'él. Pa tarrecer el nacionalismu ta tol día mangáu pelos foros falando d'él. Oxalá sigáis los pasos de los vuestros compañeros checos.

    ResponderEliminar
  17. Cuántu dañu fizo la ideoloxía socialista nesti País y sigue faciendo.

    ResponderEliminar
  18. La pergraciosu ye que toa la xente que ta n´Aruelu forma parte de la Xuntanza.

    David Rivas de pena pero tristemente nun ye sospresa.

    ResponderEliminar
  19. Buenes;
    Si non fora porque nun vien d`agora, chocaríanme unes cuantes coses del mensaxe d`Anonimu. Cito dos frases pa esclariar de cual falo, y pa centrar de mano lo que m`esmolez delli. Non pa afealo.
    Fala Anónimu de "l'enchipamientu de quien paez tener el monopoliu de la verdá, bien eso ye mui humano pero cuando s'atreve a xulgar a los demás entóncenes ye cuando desapaez toó esa ética que-y pretenden".
    Non siempre que dalguien opina, o fai una critica, ta xulgando. Xulgar ye otra cosa. Otramanera, y por dir al granu, nun me parez que David xulgue a nadie. Opina. Que pa eso ta`l blogue. Otra cosa ye que, decontino, a munchos les opiniones yos abulten xuicios que lleven arriendes dellos dalguna consecuencia. Bien, nenguna consecuencia, mas que les propies de que lleia la opinión pueda haber daquíen que piense o pase a pensar lo mesmo.
    Tampoco me parez que David fale dende`l "enchipamientu de quien parez tener el monopoliu de la verdá"; fala con el convencimientu y les razones ( les suyes ) de lo que cree. Si vas dar una opinión, o decir daqué no que crees, que menos que facelo con argumentos y fé.... Llueu puedes cambiar d`opinión por mor d`otros comentarios, pero esi ye otru tema. Ye pa lo que se debate.
    Entos, magar que seya un recursu dialeuticu peraceptable, nun ta del too bien falar de "usté y los sos cortesanos empapirolaos".
    Cada un puede afitar les sos posiciones como-y pete, dende la negación de lo demás, la repetición de lo suyo, pegando voces, o tapandose les oreyes. Viva la lliberta.
    Pero hai argumentos que, de xuru, a munchos ya nin mos van nin mos vienen. Por exemplu, la fina ( o gorda ) y flebe llinia pa separtar izquierda y derecha que della xente manexa. Yo por exemplu, que nun me tengo pa nada por persona de dereches, tengo que ver una vez detrás d`otra como determinada xente, o partios, o movimientos, m`asitien na derecha. Y a lo que se ve tengo que h.odeme porque claro, el que ta en determinada izquierda creese el encargau del control de calidá de la "izquierda". Demientres yo soy de dereches, tengo que ver como´l Psoe cunta como escañu de izquierdes. Ye ablucante, pero acabes faciendote a ello. Y mas si ves que fain lo mesmo con otres persones que SON ( y vaya si son ) d`izquierdes. ¿Qu`Aruelu tien un componente nacionalista? Claro. Claro que lo tien naide lo niega. ¿ Qu`Aruelu tien l`otru componente que señala Rivas ? Claro que si. Agora faigo una entruga ¿Que ye lo que hai mas ? Pa mi componente d`una determinada izquierda ( cuidao col matiz ).
    Y pa detras faigo otra ¿Que componente ye`l que-y apurre mas visites? El nacionalista. Claramente ye el rasgu nacionalista el que-y apurre mas lleutores. Magar que nun haya la mesma correspondencia. Nun se si m`explico. Y eso ye lo que pasa ( en muncha mas media ) condeterminaes opciones polítiques, qu`el nacionalismu que tachen de racista, queyos da mieu y demas hestories, ye lo que lo aguanta de pies con mas o menos esitu. Nun se si m`expliqué bien. Entre de sópitu en plenu trabayu. Un saludu pa toos, y mas pa ti anónimu, al qu`invito a una pequeña reflexión. Si ye qu`el mio comentariu te parez dalgo granible.
    Berto.

    ResponderEliminar
  20. Si que me paez granible. En fin yo nun pretendía ofender nin a Rivas nin a naide. Son llicencies discursives, yo tampoco tengo la retórica nin la formación d'otra xente, por eso me presta lleer esti blog, porque puea que nun tea munches veces d'alcuerdu pero si qu'apriendo muncho.
    Tampoco pretendo criticar personalmente a Rivas que nun dubio que será buena persona, yo al contrario qu'otra xente estremo lo personal de la crítica política o la diverxencia ideolóxica. Y en verdá paezme muncho más valoratible la calidá humana que lo que piense ún.
    Per otru lláu enantes de lo d'enchipamientu, apaez un "si" que como bien saben condiciona tola frase posterior. Davezu lleo esti blog y nun suelo opinar pero ye que me paeció mui chocante que l'artículu paiciere duldar del compromisu nacional d'Aruelu, d'UNA o del BPA. Paicíame que yera distinto de los análisis rigurosos (compartíos o non) que suel facer el señor David, y que vien más d'una suxetividá ideolóxica. Quiciás tea chifláu o nun sepie tanto como otros pero repito que tol mundo analiza, calletra y critica la realidá dende una perspeutiva.
    Un saludu pa toós.

    ResponderEliminar
  21. ¿Cómo podemos opinar ensin tener opinión formada? Cuando pienso una cosa, anque pudiere tar enquivocáu, ¿cómo la espongo sinon ye opinando? Y si ye la mio opinión, ¿cómo nun va tener subxetividá? ¿O ye que ver un parllamentu como la suma de CIU+PP (mayoría absoluta) y non como la de CIU+ERC+SI (mayoría absoluta más grande) ye cosa perobxetiva? ¿O ye que poner etiquetes d'esquierda y drecha ye siempres obxetivo? Ehí va una opinión subxetiva: pa mi los valores de la esquierda son varios y pente ellos tan, amás de nun esplotar a la xente, la tolerancia ya'l respetu a les persones, pero non a les opiniones. Yo nun tengo porqué respetar les opiniones de Hitler (nun pongo otru exemplu pa que nun me sigan saliendo kamikazes) pero nun puedo torturalu nin facelu pasar fame. Ente otros coses porque nun soi como elli. Agora, en viendo delles intervenciones, igual los mios valores son los de la esquierda revolucionaria, la de les revoluciones de verdá, la francesa y la norteamericana.

    Los periódicos tienen una llinia que marquen los sos responsables, pero esa llínia ye compartía polos llectores. Si mañana l'ABC caga pal Papa, los sos llectores nun lo entenderíen y les cartes al director diben ser mui bien maxinables. Y si Público pon a cuatro columnes ¡viva'l rei! los sos llectores pensarán que ta falando del rei de Togo. Qu'Asturies Lliberal fale del gran trunfu de la drecha y del PP en concreto paezme normal. Creyo que me desplico suficientemente.

    A delles crítiques nin entro, anque mio madre tamién fora profesora na Escuela Comercio (cosa que nun deben tener nel KGB asturianu). Dígolo pa situar bien a una muyer que yera como yera nos años cincuenta, cuando les muyeres valíen namás que pa fregar y parir, cosa que igual-y paez bien a dalgún camarada qu'otru.

    Igual saqué muncha punta a un simple titular, eso puede ser. Pero nun creyo tar ofendiendo a naide en particular d'Aruelu nin al periódicu nel so conxuntu, onde teo amigos que, supongo, siguiré teniendo.

    ResponderEliminar
  22. Dicialu daquien n'otru filu ....

    Xuan Xosé y David nun coinciden ideoloxicamente, posiblemente nunca ten xuntos nel mesmo proyectu, pue ser que nin siquiera se conozan muncho ....

    Pero si se llee con atencion a los dos, poniendo coses tan estrames un d'otru ... na esencia de lo escrito vese la patria.

    y "esa" ye la esplicación del noxu que despierten.

    ResponderEliminar
  23. Buenes;
    Nun dixe qu`ofendieres; nin me lo pareció, nin sería quien pa meteme nesi tema. Ya apuntaba que contaba yera un recursu dialeuticu. Fixe`l mio ixertu porque me pareció que`l to comentariu me daba pie a una reflexión a la que ya llevaba tiempu dando vueltes. Non mas qu`eso. Otramiente, lo de saber o non saber y demás, ye mui relativo, en munchos casos nun pasen de suponsiciones. A mi personalmente lo que m`importa son les idees, y entre a la tuya por distinta, porque entiendí lo que dices, por distinta a la mia y por avanzar. Que ye de lo que se trata. Un abrazu.
    Berto.

    ResponderEliminar
  24. Berto: nun yera la to entrada la que motivó el mio comentariu. Suelo aguantar les crítiques bastante bien porque soi consciente de que les míes tamién lleven muncha carga delles vegaes. ¡Taría bono que yo pudiere criticar y non arrecibir crítiques! Por eso teo un espaciu abiertu a la opinión. Y por eso me cafien enforma opiniones del tipu de "cortesanos nun sé qué..." y coses asina. Criticar que "se fala dende la verdá absoluta" o que "hai un grupín de cortesanos faciendo la pelota" nun ye d'arrecibu. Y nun lo ye, precisamente, porque eses opiniones contraries a la mio persona (que non a la mio opinión) nun s'esborrien, ya eso que dalguna bordia'l códigu penal. Y, por supuestu, un abrazu.

    ResponderEliminar
  25. Ye inconcebible que la cuna de la reconquista, la esencia d'España, Asturies tenga sentimientos nacionalistes.

    El so papel ye de faru d'occidente p'allumar los valores patrios (revolucionarios o conservadores).

    Cola revolución, o cola reconquista hai que marcar el ritmo d'España.

    Ye lo qu'hai. Somos 4 y estinguiendonos.

    ResponderEliminar
  26. ¡Como anda'l patiu, compañeru! Toi alcordándome de la película "L'informe pelícanu". Julia Roberts yera una estudiante que fizo un trabayu onde plantegó la hipótesis de que grandes multinacionales taben conspirando pa poner n'esplotación una reserva ecolóxica ya indíxena. Nun m'alcuerdo como pero'l casu ye que se filtró fuera de la universidá. El casu ye que la hipótesis yera cierta y, a partir d'ehí, la CIA, policía, sicarios de les multinacionales, etc, etc. Pues resulta que DMR escribe un artículu bastante inocuo, donde se llimita a dos pincelaes de terminoloxía y a criticar el titular d'un periódicu dixital. Y, de sópetu, seguramente pal so plasmu, apaez un montón de xente ofendío hasta l'alma. Como Julia Roberts, paezme que DMR tocó una tecla cuasi ensin dase cuenta. Puede que desatapara la verdadera cara de la hipotética xuntanza que se ta produciendo: una xuntanza d'estrema esquierda (que ye dalgo lícito y que si nun hai otra cosa yo votaríala) qu'arrincona dafechamente lo identitario.

    Pa terminar Aruelu, en vede reorientar desde la so páxina al blogue de DMR, como vien faciendo siempre, publicó l'artículu como propiu. Asina conseguía un debate na so propia páxina, un debate onde, evidentemente, DMR ye fusiláu al amanecer. Agora alcuérdome d'aquel programa del Gran Wyoming nel que había una seición d'ética periodística.

    De dalgunos comntarios, ¿pa qué falar? Y DMR mantién la so política de nun esborriar y contestar. Claro que ye que yo veolo asina porque soi un "cortesanu lliberal etnicista".

    Por cierto que Ansón, periodista de llarga carrera y ideólogu de la drecha más cavernícola, escribía n'El Mundo que los periodistes avezaos y que saben lleer la realidá nun podíen cantar la canción del PP porque "la verdad pura y dura es que el secesionismo ha ganado las elecciones en Cataluña". Y ye que, en contra de lo que dicen dalgunos, ye conveniente lleer dalgo más que la nuesa páxina web de cabecera.

    ResponderEliminar
  27. (Copio lo que opiné pela mañana en "Pola Xuntanza)
    Viendo la botella medio llena, yo saco dos coses positives. D’un llau la visibilización al traviés d’esta web, blogues y diarios dixitales d’una corriente d’opinión que llevaba cuantayá na cai a favor d’una xuntanza amplia, pero que nun salía de los corriellos privaos. D’otru llau, la visualización d’un sector qu’utilizando la llingua asturiana trata de desprestixar y combatir al nacionalismu asturianu dende dientro asumiendo los planteamientos anti-identitarios del Réximen. Son dos de los aspectos que más destacaría a lo llargo del últimu añu.
    (PD: a partir d'esti momentu nun pienso perder nin un minutu más del mio tiempu con esa xente d'izquierda non nacionalista).

    ResponderEliminar
  28. D'alcuerdu dafechu. Val más nun enttrar nello. Yo acabo d'esborriar a Aruelu de favoritos. Lo que me cuenten nun m'interesa. Y hai que dar les gracies a DMR, igual nin se duio cuenta, por sacar esti debate que taba tapecíu. Lo que ye necesario agora ye qu'Andecha, el PAS y los nacionalistes d'UNA quieran enterase. O Asturies o réxime falangisocialista pa los restos.

    ResponderEliminar
  29. Ministry of Truth I.N.S.O.C.

    Shangry- La Tower
    235Charing Cross Road ,London

    El Gran Hermano y en su nombre el partido interior tiene a bien comunicarle que usted ha sido declarado Enemigo del Pueblo con veleidades aristocratizantes.

    Deberá usted personarse mañana en nuestra delegación del comité para asuntos doctrinales para allí someterse al programa de desintoxicación ideológica donde convenientemente y de manera eficaz le será extirpada esa ideología pequeño burguesas que padece y que de manera irresponsable propaga en su blog.

    Una vez sometido a tratamiento y tras comprobar que estos actos delictivos no se vuelven a repetir será destinado a una nueva función
    mas acorde con su actitud y nuestro programa de reacondicionamiento.

    Reciba un cordial saludo

    Mustafa Mond

    Delegado Jefe del directorio de disciplina ideologica
    Zon Asturasia
    Partido Interior I.N.S.O.C.

    ResponderEliminar
  30. Plas, plas, plas. Namás falta "rebelión na casería"

    ResponderEliminar
  31. Escaecí una cosa, Xanu. ¿Quién defendió ensin resquiebra esa xuntanza amplia pente los nacionalistes más elevantes? DMR

    ResponderEliminar
  32. Relevantes, claro, qu'esto va paicer erótico.

    ResponderEliminar
  33. Al marxe del debate...

    Pondría la mano nel fueu p'afirmar que la persona que firma como "Comunista" y que suelta eses descalificaciones ye un infiltráu de la policía que tanto interés tienen en xenerar rocea ente'l nacionalismu asturianu.

    "Divide y vencerás"

    ResponderEliminar
  34. Podría ser. Yo tamién lo pensé. Pero paezme que non. L'estalinismu ta espoxigando (como'l fascismu) al calor de la crisis. Nun creo que los servicios d'interior tean tanta preocupación por nosotros. O igual sí. La característica d'ellos ye la paranoia.

    ResponderEliminar
  35. Hablo asturiano habitualmente pero escribiendo me encuentro más cómodo en castellano.

    Entro porque me indignó ese comunista del Bloque, del PCPE o de la UNA, o de lo que sea. No sé si los que entran en este blog conocen a David Rivas de verdad. Yo soy primo suyo, me crié con él y a su sombra (soy doce años más joven). Mi abuelo y su abuela eran hermanos, pero siempre lo ví mucho más cercano. Era “el mio primu”, el mejor. Cuando yo era crío y él venía de la universidad, de Madrid o de Londres, era fiesta en casa.

    David siempre fue el izquierdista oficial de la familia. La verdad es que todos nosotros somos más bien de izquierda pero él es el que mejor se maneja porque es muy riguroso cuando analiza. Es muy difícil cogerlo en renuncios ideológicos porque, entre otras cosas, no es nada dogmático. Recuerdo que siempre me decía “ni dios ni amo, primu, ni dios ni amo”. Sin embargo también es muy tradicionalista, valorando muchísimo todo lo antiguo, lo mismo que los espacios naturales. Por eso vive en una aldea, como yo, las dos en el concejo de Villaviciosa. Y también en esto es jodido engancharlo. Además es un tipo con un sentido del humor “asturianón” a tope. Además es sorprendente: lo ví hablando en latín con el arzobispo Díaz Merchán hace veinte años o más, cuando se celebró algo en la iglesia de Quintueles. No es que fuera una conferencia pero sí un buen diálogo.

    Cuando encabezó Andecha le dije que no lo hiciera. Pero él tiró adelante. Siempre arriesgó, siempre se la jugó. Por eso es un alto profesional que cobra mucho menos que los economistas de su generación. Sólo trabaja en consultoría para entidades públicas porque nunca quiso pringarse con la gran empresa. ¡Y mira que lo llaman! En cambio lo podemos ver en debates de gente marginal, peleona o sobreviviente. Pasa meses y meses en América con los oprimidos, con los excluidos, intentando hacer lo que se pueda. Y es un economista de referencia en su área de trabajo.

    ResponderEliminar
  36. David viviría casi de las rentas. Pero no lo hace. La hacienda que heredó (tierra y ganado) se la cedió a vecinos con pocos recursos, aunque sigue siendo el propietario y marca directrices. Puso condiciones ambientales muy curiosas y se acogió al derecho tradicional asturiano, creo que a la mampostería. Pero tampoco es precisamente pobre, que vive mui bien y ha conseguido ser rico en tiempo. Y en amigos.
    Yo siempre lo admiré. Pudo colocarse de puta madre pero nunca estuvo en venta. Si hubiera entrado en el PSOE hace treinta años hoy estaríamos hablando de otra persona. Pero no lo hizo y apostó por una cosa tan minoritaria como el nacionalismo asturiano de izquierda. Sigue igual. Estuve con él hace un mes, en su casa, y me dijo que las cosas iban muy mal (hablaba del asturianismo y de lo mal que andaba lo de la unidad) pero que seguía teniendo confianza en el país porque tenía mucha fe en la gente joven. Me habló de un montón de gente nueva, veinteañera y treintañera, y de Andecha, su grupo hasta hace unos años, y de IAS, por la que siente respeto a pesar de algunas diferencias.
    Ese comunista del partido que sea mejor pensaba lo que dice. Y cuando pontifica sobre mi familia más le valiera conocer y pensar un poco más. No nos conoce de nada, nada sabe de nosotros. Los míos sobrevivieron después de la guerra como pudieron, tras ser derrotados, a pesar de ser gente de buena posición. La biblioteca de casa fue quemada por falangistas. Al abuelo de David, un militar ilustrado y parece ser que masón, lo fusilaron en Tapia los franquistas. Su mujer, mi tía abuela, murió porque le negaron las medicinas para unas simples fiebres. Mi tío, el padre de David, fue un capitán de industria que creó cientos de puestos de trabajo (con salarios muy superiores a los del momento y donde la actividad sindical era tolerada) y mi tía (su madre) una mujer con carrera universitaria (gracias a su padre, el abuelo de David, un anarquista) capaz de dirigir una empresa cuando el franquismo. ¿Le parece mal a un comunista? ¿Le parece mal que una mujer tuviera poder en los cincuenta o sesenta, cuando las mujeres eran cosas?
    ¿Y eso del racismo o del neoliberalismo (fascismo llegan a escribir)? ¡por favor! Entro en este blogue desde el principio aunque jamás escribí nada y parece ser que su delito es tener un amigo escritor que es del PP con el que comparte una asociación cultural. ¡Como andamos! Estamos hablando de una persona que lleva trabajando con indígenas americanos desde hace ventitantos años y que incluso tuvo prohibida la entrada en Estados Unidos durante un tiempo.
    Un abrazu, Davicín. Tan pagues dos de sidre en Casa Koty. Dos caxes, claro.

    ResponderEliminar
  37. Las dos entradas anteriores son lo mismo.

    El primu.

    ResponderEliminar
  38. David.
    Ya que abres el melón del resultado de las elecciones catalanas. Aprovecho para subrayar y preguntar algunas cosas:
    ¿ Cual será?:

    _.El papel de CIU, ahora en la Generalitat, en la negociación de la continuidad dinástica de los Borbones.

    -.El resultado de las elecciones vascas en función de que HB y aledaños se puedan presentar o en caso
    contrario apoyen dar el voto estratégico a las mas que posible coalición EA PNV. y en función de esto
    como afectara esto a esa negociación dinástica

    -.Que papel van a jugar otros partidos nacionalistas en las naciones periféricas del Reino de España.

    -.Que harán o mas bien que hará ese partido que un día colgó la bicolor de su balcón y que ahora da la tabarra con la tercera república, da gusto ver como intentan apropiarse,ahora del mástil, cuando se abra el melón de la continuidad dinastica y la reordenación- reestructuración de modelo de Estado.

    Un fraternal saludo.
    JM

    ResponderEliminar
  39. P.D.
    A este escenario se une el mas que probable desplazamiento del anterior voto útil al PSOE hacia los partidos nacionalistas en las Elecciones Generales(también el repunte de IU PCE hasta los casi dos millones de votos)
    JM

    ResponderEliminar
  40. Bono, bono. Sáquense les coses del guizu d´una manera esaxerada. Los ataques a Rivas tán tan desproporcionaos como los ataques a Aruelu. Como equí l´autor del blogue yá ta bien defendíu, y munchos de los ataques a elli yá me tocaron a min, prescindo de faer defensa. Pero en favor d´Aruelu quiero dicir cuatro pallabres. Aruelu ta prestando un serviciu bárbaru a la causa del nacionalismu. Aruelu fo tamién altavoz de la Xuntanza y del Coleutivu de los que naguamos pola Xuntanza dende ceo. Non como otros. Aruelu ye plural y demuéstralo sacando inda artículos como esti de David onde-y da al mediu un pequeñu tirón d´oreyes. Aruelu nun azorronó y calló durante menses con esti tema de les Xuntances, y nun anduvo coles pih.aes eses de la "unidá d´aición" y demás eufemismos vergoñosos cola qu´anduvieron otros. Xuntanza ye xuntanza, lo demás ye dir cuatro desnortiaos detrás d´una pancarta.
    Habrá redautores esquierdistes n´Aruelu. Claro. Agora va ser que ser d´esquierda ye un pecáu. Pero seguramente hai tamién varies persones colgando artículos con delles sensibilidaes.
    El debate "identitarios versus derecha y esquierda" hai que lu llevar con procuru, teniendo munchu güeyu colos intosicadores, que los hai, pero que son mui escamones. Y yo sospecho d´au proceden. Nun ye un discutiniu cenciellu nestos momentos. Nun vos dexéis llevar poles pasiones nin poles provocaciones.
    Güeyu tamién con cargar les tintes con medios dixitales non sobvencionaos, que tán al serviciu arrogantemente de toos nós, si ye que somos patriotes. Podíemos llargar equí munches coses de los que sí reciben subvención, pero nun paga la pena. Encamiento l´artículu de Vity (Fueya en Blanco) sobre les sobvenciones, por ciertu.
    Podíemos llargar muncho sobro si´l blogue "Asturies Lliberal" ye un mediu informativu, como quixeran dalgunos,o tien de lliberal (como cuasi tolos qu´asina se autodenominen nel Estáu d´España) lo que tien un talibán. Y tamién tien muncho de diarreico
    Criticaré siempre, como David, la falta de vena identitaria nel nacionalismu asturianu, esi nacionalismu ensin nacionalistes. Pero esa criminalización que dellos escribientes n´asturianu faen del marxismu o del pensamientu socialista en xeneral ye de patayos. Alcuérdome qu´una vez (una na mio vida) dellos "lliberales" d´esi blogue sólo supieron retrucame a un mensaxe sobre nun se qué del marxismu, falándome de Corea del Norte. Marx debe tener culpa de qu´esista esi Réxime, polo visto.
    Y por ciertu, si David ye "burgués", Marx y Engels tamién foron esa cosa tan terrible, sobre manera Engels. Lo bono d´un intelectual ta en saber trespasar los llindes de so clase social y algamar un puntu de vista universal.
    David: el titular d´Aruelu ye ameyorable, pero ye un titular namái. La llínia d´esi mediu paezme perbona y ta fechu con gran arrogancia. CXB

    ResponderEliminar
  41. A min dame que'l comunista ye tamién un pasma o si nun lu ye flacu favor-y fai al comunismo, del cual me reivindico (lo que nun m'impide pa entender la custión nacional, aspeutu tan presente na rialidá como tantos otros), de toes toes ye un simple babayu, y recomendaria-y qu'aprendiera asturiano o polo menos que nun escribiera como un robó.
    Dafechamente d'alcuerdu con Carlos no inteleutual y no de "traidores a la so clase" n'ares del progresu, anque me da (sin mala prosapia) que David nun ta neses coordenaes, pero nun quiero arrampuñame'l derechu d'intérprete de naide, opino dende la mio ruina capacidá y de lleer opiniones.
    Nun quinxere ser cafiante, paez que la xente escaez el si condicional. Reitérome no dicho, yo vine equí a aldericar de política, de planteamientos, d'opiniones, tando mui allonxáu de les tesis de David, préstame'l so ciñu pola Academia.Nunca quinxe rebaxame a nivel personal más que nada porque nun ye'l mio estilo.
    Fice usu del "cortesanos" o " la verdá" por retórica, quiciabes porque me falta dialéutica, pero tamién hai que resaltar qu'una xente del altor intelectual de David tien que tar a les dures y a les maúres y nun vamos a negar la complacencia d'esti foru, si cuento, andamos a la cata de la verdá o polo menos d'alleganos a ella.
    Si ofendí pido disculpes, procuraré la siguiente ser más dialeúticu y menos retóricu.
    Pero l'autocomplacencia, ye la falla del intelectual, tando en munchos temes nes antípodes, nun quinxere que perdiere'l xeitu, más que nada por un interés tamién personal porque como toós, apriendo.
    Naide dubia del altor intelectual de David pero como los césares col lloréu y el xenoyu, que los sos "cortesanos" nun-y faigan olvidar que tamién ye humanu.
    En fin acabo y reitero disculpes, pueque m'esprese mal pero paezme que'l corpus s'entiende.
    ¡Salú!

    ResponderEliminar
  42. Criticar al PAS a ANDECHA a independientes (como DMR) ¿¿xustifica y borra los años de colaboración col rexime xenocida cultural??

    ResponderEliminar
  43. A mín personalmente paezme inmeyorable'l titular d'Aruelu, y nun soi comunista.

    David, vas permitime que te diga que confúndeste nuna cosa, na que con permisu voi correxite. Cuando dices "O ye que ver un parllamentu como la suma de CIU+PP (mayoría absoluta) y non como la de CIU+ERC+SI (mayoría absoluta más grande) ye cosa perobxetiva?", tendré de dicite que sí, que ye “cosa peroxetiva”, porque CiU+PPC sumen más escaños (80) y votos que CiU+ERC+SI (76), polo tanto ye falsu cuando dices que ye una mayoría "más grande" la segunda, la soberanista. Nun la ye.

    La drecha y el soberanismu salieron vencedores, dambos, claro que sí, y asina espéyase nel artículu d’Aruelu, pero muncho más la drecha (que como bien se diz nel artículu sigue la deriva medrante d'otros países europeos, eso ye una realidá inñegable y comprobable pola situación económica actual -y demos gracies a que nun entraron los ultres de PxC, qu’a nada quedaron-). La drecha ta faciéndose con un güecu mui importante n'Europa, esto nun se pue ñegar nin lu pue obviar, dende’l mió puntu de vista, un mediu informativu, y Cataluña nun ye una esceición, preste o non. Y bonu, que digo que me paez un gran titular porque espeya la realidá (completándose nel antetítulu asina como nel desendolcu de la noticia cola referencia al soberanismu que tú tanto eches en falta) política y social de Cataluña.

    Y dempués hai una cosa que nun me presta nada del to artículu en sí, y ye cuando dices que podría ser noticia de Mundo Obrero o un diariu asemeyáu. Personalmente, nun opino n’absolutu paecío. El titular llimítase a dicir una realidá palpable, nun diz nin que seya bona nin que seya mala, y nel desendolcu de la noticia llimítase a dar datos oxetivamente, nin tan siquiera entrando en valoraciones polítiques, polo que solu puedo valorar la oxetividá de la noticia. Lo que tú pides, Rivas, nun ye solu facer la noticia dende una óptica nacionalista, sinón suxetivizar una noticia oxetiva.

    Namái Rivas, solu dicite qu'esti ye de los pocos artículos que nun me prestaron nada de tolo que lleves escritu. Pero bonu, ye una esceición y amás tampoco pasa nada, pa eso ye una opinión, anque a dicir verdá yo soi de los qu’atalanta que ye conveniente nun ver siempres les coses o en blancu o en prietu, y ésti ye ún d’esos casos. Como bien dices creo que ficiste demasiada punta d’una cuestión completamente menor.

    Más nada, un saludu y a siguir p’alantre.

    ResponderEliminar
  44. A mín personalmente paezme inmeyorable'l titular d'Aruelu, y nun soi comunista.

    David, vas permitime que te diga que confúndeste nuna cosa, na que con permisu, voi correxite. Cuando dices "O ye que ver un parllamentu como la suma de CIU+PP (mayoría absoluta) y non como la de CIU+ERC+SI (mayoría absoluta más grande) ye cosa perobxetiva?", tendré de dicite que sí, que ye “cosa peroxetiva”, porque CiU+PPC sumen más escaños (80) y votos que CiU+ERC+SI (76), polo tanto ye falsu cuando dices que ye una mayoría "más grande" la segunda, la soberanista. Nun la ye.

    La drecha y el soberanismu salieron vencedores, dambos, claro que sí, y asina espéyase nel artículu d’Aruelu, pero muncho más la drecha (que como bien se diz nel artículu sigue la deriva medrante d'otros países europeos, eso ye una realidá inñegable y comprobable pola situación económica actual -y demos gracies a que nun entraron los ultres de PxC, qu’a nada quedaron-). La drecha ta faciéndose con un güecu mui importante n'Europa, esto nun se pue ñegar nin lu pue obviar, dende’l mió puntu de vista, un mediu informativu, y Cataluña nun ye una esceición, preste o non. Y bonu, que digo que me paez un gran titular porque espeya la realidá (completándose nel antetítulu asina como nel desendolcu de la noticia cola referencia al soberanismu que tú tanto eches en falta) política y social de Cataluña.

    Y dempués hai una cosa que nun me presta nada del to artículu en sí, y ye cuando dices que podría ser noticia de Mundo Obrero o un diariu asemeyáu. Personalmente, nun opino n’absolutu paecío. El titular llimítase a dicir una realidá palpable, nun diz nin que seya bona nin que seya mala, y nel desendolcu de la noticia llimítase a dar datos oxetivamente, nin tan siquiera entrando en valoraciones polítiques, polo que solu puedo valorar la oxetividá de la noticia. Lo que tú pides, Rivas, nun ye solu facer la noticia dende una óptica nacionalista, sinón suxetivizar una noticia oxetiva.

    Namái Rivas, solu dicite qu'esti ye de los pocos artículos que nun me prestaron nada de tolo que lleves escritu. Pero bonu, ye una esceición y amás tampoco pasa nada, pa eso ye una opinión, anque a dicir verdá yo soi de los qu’atalanta que ye conveniente nun ver siempres les coses o en blancu o en prietu, y ésti ye ún d’esos casos. Como bien dices creo que ficiste demasiada punta d’una cuestión completamente menor.

    Más nada, un saludu y a siguir p’alantre.

    ResponderEliminar
  45. Rivas, pues elliminar el comentariu repetíu. Perdona, pensé que nun apaeciera y púnxelu otra vegada.

    ResponderEliminar
  46. L'almuada ye mui bona conseyera y consultar con ella aclara duldes. Como'l mio blogue ye infinitamente menos lleíu que'l de David, col so permisu, espongo equí lo siguiente:
    1) Llevo en contactu col nacionalismu dende la época de Conceyu Bable. El bagaxe principal d'entós p'acá ye'l d'aguantar insultos, llevantos, zancaníes, engaños y hasta'l borrador d'un llibru desapaecíu ayuri frutu del cainismu.
    2)Fíxime blogueru por intentar participar per última vegada nel asturianismu/nacionalismu, dempués de llevar años en que me paecía una pérdida de tiempu.
    3)Nos tres últimos años vengo comprobando que too sigue igual. El cainismu, l'infantilismu, la zancanía, l'insultu y l'engañu siguen siendo'l triste ferial que'l nacionalismu asturianu tien pa presentar a la sociedá. Y asina-y pinta. Equí nun hai collacios nin hosties en vinagre: hai intereses personales y de grupinos, como hebo siempre. Asina que respeto a les persones, pero non a les opiniones, y marco distancies alto y claro.
    4)Desmárcome dafechu del "nacionalismu" asturianu actual incluyíu'l tema de la xuntanza. Namás que creyo nuna refundación basada nun fondu conocimientu del territoriu, historia, cultura y llingua del país. El día qu'un grupu de patriotes asturianos (d'izquierdes, centru o dereches) la entame con un proyectu col oxetivu cimeru de salvar la identidá nacional d'esta vieya nación, igual cambie de postura.
    5)Nun consiento que naide m'insulte. Colos qu'asina actúen nun-yos acepto disculpa dala y enxamás pienso dir con ellos nin col mediu dixital qu'usen de púlpitu nenyures. Y si los tengo que llevar ante un xuez nun lo voi duldar un segundu.
    6)Quede claro: la llinia ADSL, la lluz y l'ordenador págolos yo. Nun recibo un céntimu nin favor n'especie del asturianismu nin del nacionalismu, nin tengo intereses nél. Asina que los cainites ya interesosos de toa mena puen dir, lliteralmete, a tomar pol putu culu (llicencia discursiva, que yo tamién les tengo).
    Apéndiz: nunca me casé nin con dios y asina pienso siguir. Tampoco nun-y pienso contemplar la gaita a naide y asina pienso siguir tamién. Dempués de trenta años, afirmo por esperiencia personal qu'esto da noxu, ascu, voltura. Pero, per agora, nun voi abandonar porque nun me da pola santa y real gana. Y porque toi completamente seguru que los patriotes asturianos esisten, anque queden cuatro.
    Saludos.

    ResponderEliminar
  47. El firmante como CXB escribe, nun comentariu que podemos lleer dica arriba, "Podíemos llargar muncho sobro si´l blogue "Asturies Lliberal" ye un mediu informativu, como quixeran dalgunos,o tien de lliberal (como cuasi tolos qu´asina se autodenominen nel Estáu d´España) lo que tien un talibán. Y tamién tien muncho de diarreico".
    Nun vamos nós a entrar nel alderique qu'apruz del artículu del señor David M. Rivas pero, col envís d'allugar les coses ellí onde tendríen de tar, sí que nos parez venío a cuentu l'indica-y al mentáu comentarista delles coses:
    1º- "L'Asturies Lliberal" ye una bitácora del Círculu Lliberal d'Asturies. Nun ye un diariu dixital, masque haya xente que sía d'esi parecer. Asina y tou, vendía bien facer recordanza de la difusión de LAL, pues ye fácil d'adicar la so condición de blogue más lleíu n'asturianu (güei tien yá 316.592 páxines vistes).
    2º- La hermanancia de los términos 'lliberal' y 'talibán', talo como ta fecha, nun ye de recibu si se vierte por un demócrata. Agora, si se quier, podríemos "llargar muncho" sobre quién ye, o non, 'demócrata'.
    Permítannos tamién un indicación. Nun casa un 'lliberal', que ye singular, con un 'talibán', que ye plural.
    3º- La clasificación de la nuestra bitácora como 'lliberal', ou otro, nun cuadra no aparente si se fai dende un posicionamientu "marxista".
    4º- La referencia escatolóxica de la frase última yá-y dibuxa guapamente a cualaquier persona mínimamente formada los mecanismos, per otra parte bien simplones, qu'empleguen dende'l victimismu dalgunos criminalizadores del lliberalismu.

    Pa terminar, encamenta-y al firmante CXB un usu del asturianu más acordies colo que ye'l rexistru llingüísticu tradicional y propiu del nuestru país, refugando de toes toes calcos del castellanu como "Güeyu" que tanto-yos rinchen a los falantes patrimoniales.

    ResponderEliminar
  48. Yo cuando siento falar de "lliberales", nesti Reinu, póngome a resguardu de les bales, y protexo´l pescuezu. Llaceriosamente esti nun ye´l Reinu de la Gran Bretaña. Yo póngome del llau del carlismu siempre. Soi más carlista que lliberal. De les lleiciones llingüístiques tengo que dicir que yá soi mayorín pa facer esámenes. Gracies polos conseyos de toles maneres, daos con tanta "lliberalidá".
    Diarrea ye un síntoma qu´apruz cuando s´amesten bébores o sustancies (nesti casu ideolóxiques)incompatibles. Espero que garren Vds. la metáfora. Ye namái qu´eso, una metáfora.
    Carlos X. Blanco.(CXB)
    Saludos patrimoniales a toos.

    ResponderEliminar
  49. Como nacionalista asturianu antes voi con xente como la d'Asturies Lliberal que colos que roblen como comunistes.

    ResponderEliminar
  50. Esi que robla como comunista paezme ye de too menos un comunista. El so porgüeyu unico que yera semar duldes sobre BA y UNA, algamolo.
    Respecto a lo d'Aruelu coincido con CXB y Mino.
    Un saludu David y norabona polos dos años, pa mi si que yes un PROFESOR.

    ResponderEliminar
  51. Ye d'agradecer esi ciñu polo metafórico por más que la 'foria' nun sía, a lo normal, daqué llamao a ser recursu llíricu.
    En cuantes al exemplu col qu'emprima'l so comentariu últimu tenemos de señala-y lo bien poco afayaízo que ye. Un "marxista" falando de bales y de pescuezu da un migayín de llerza. Tando d'alcuerdu en que non tolo amestao al marxismu acaba en 'socialismu real', malamente torgarán munchos la imaxe d'una boca pistola y una nuca.
    Y asina, en viendo lo bien que recibe los nuestros encamientos ufiertaos cola 'lliberalidá' que ye vezu en nós, mandámos-y unos saludinos tamién 'patrimoniales'.

    ResponderEliminar
  52. Agora que paez qu'esto tranquiliza y que'l sangre paez que yá nun llega al rigu voi opinar de por qué esta entrada de DMR, tan poco importante en comparanza con otres que fae llegó a pasar de los cincuenta comentarios.
    DMR nun fixo más que criticar el titular d'un periódicu. Nada más. Podemos coincidir o non (yo coincido) pero nun tenemos (tienen) drechu a criticar y menos insultar por lo que nun dixo.
    Pero'l sectarismu ye tremendu. Unu que coincide con DMR felicita a Artur Mas: y yá DMR sofita a la drecha nacionalista catalana. Pero DMR nun dixo nada d'eso.
    Unu que coincide con DMR diz que argumenta apaecío a XX: y yá DMR y XX tan d'alcuerdu. Pero DMR nun dixo nada d'eso.
    Unu que nun coincide con DMR dizse comunista: y yá DMR ye un neolliberal y un fascista. Pero DMR nun dixo nada d'eso.
    Y asina hasta l'infinitu y más allá.
    Repito: DMR diz lo que diz y los que lu critiquen o defenden dicen lo que dicen. Nada más. Lo que pasa ye que presta facer dos bandos irreconciliables. Cualisquier crítica al Bloque (pongo por casu) tien que ser forzosamente d'un facha. Cualisquier crítica al PAS (pongo por casu) tien que ser forzosamente d'un socialcomunista.
    Repito lo de siempre: ¿a qué coño xugamos n'Asturies?
    Xanu: quiero entender que nun vas entrar en dalgunes discusiones pero que seguirás col to blogue y participando notros, como esti por exemplu.

    ResponderEliminar
  53. Por ciertu, collaciu blogueru, y por embargu "lliberal": ¿Ye meyor "padremuñu" que "patrimoniu"? Al meyor Rivas, que ye académicu de la llingua, pue echanos la gabita.

    La noble tradición de John Locke, la del lliberalismu políticu, nun entró como Dios manda nos reinos d´España. Lo de les bales y los degoyamientos díxilo por cuenta, 1) de la hestoria d´España, de ver cómo "lliberalmente" mataben a los carlistes (y yo siempre avezo tar del llau de los perdedores, románticu de min), 2) de ver cómo´l lliberalismu gaditanu, de 1812, tan cacarexáu por Esperanza Aguirre, Federico J. Losantos y demás, acabó cola Constitución Histórica Asturiana y les demás instituciones forales y rexonales, emprimando la muerte institucional del País, 3) de ver cómo les gasten y gastaron siempres los caciques en nome del lliberalismu y el constitucionalismu, arrasando al pueblu y privándolu d´instrumentos d´autoxestión (que muncho d´eso hebo nes carlistaes).
    Soi un carlista nel fondu, unu que nun pue ver a los cures, asina que debo ser un carlista mui raru. En cuantes a les evacuaciones frecuentes, en forma llíquida sobre manera (cf: "diarrees"), y p´abundar na metáfora, tengo que dicir que´l lliberalismu en llingua asturiana ye tan llexítimo como´l comunismu en llingua asturiana, por supuestu. Pero hemos reconocer qu´esa corriente ideolóxica n´Asturies nun pue furrular como un tresplante de la británica. Ye una cosa estrambótica equí. Quédome, sí, col respetu a la pequeña propiedá que ye frutu del propiu trabayu, quédome colos drechos inalienables y naturales del individuu, quédome cola separtación de poderes y la llucha contra´l paternalismu estatalista y el parasitismu de los ociosos y zánganos (¡coímes, si cuasi soi de los vuestros!) Y ye que nun soi coleutivista nin bolchevique. Cuasi toi siendo lliberal !!! Creo nesos valores, "PADREMUÑU" d´Occidente. Tamién creo na defensa d´esi patrimoniu (o como diaños se diga) énte la colonización islámica (llaceria d´esquierda que dexa esi tema en manes d´ASturies Lliberal o Intereconomía namái). Bono, que nun hai sangre nel regatu.
    Como dixo Mr. X: "Ensin acritú".
    Un abrazu a toos, inda a los carlistes lliberales y a los lliberales marxistizantes, Espero que polo menos lleguemos a ser "asturianos". CXB

    ResponderEliminar
  54. ¡ai! que dixera "estrambótico" pero padremuñalmente ye "estrompético", asegún la llingua de mios mayores. Van matame. CXB

    ResponderEliminar
  55. Bono, por fin una cosa bona propiciada por esti debate tan gochu en dellos casos: tamos asistiendo a una discusión sobro'l lliberalismu. Creo que CXB tien muncha razón cuando compara'l lliberalismu inglés col español. Y ye curioso que cuando DMR presentó el llibru de Javier Cubero (yo taba ellí) fizo una descripción asemeyada. Porque tamién tien razón CXB en que un intelectual nun se define pola so posición de clase sino pola so cosmovisión y la so capacidá d'incidir nel so presente. Engels yera un burguesón y Marx un adúlteru compulsivu, a parte de machista recalcitrante. ¿Y qué? Rousseau fue un padre terrible. ¿Y?. Kropotkin, el principal ideólogu anarquista nació teniendo casi dos mil siervos, fíu d'un príncipe y d'una gran duquesa y sobrín del zar Nicolás I. Normal. ¿Quién diba a escribir los libros revolucionarios?, ¿los obreros analfabetos de dieciocho hores de trabayu?, ¿los neños que baxaben al pozu mineru?, ¿los campesinos que seguíen como na edá media? Afortunadamente les coses cambiaron pero sigue habiendo munches diferencies educatives. Por eso en vede insultar deberíamos agradecer el relativu "desclasamientu" de dellos intelectuales, que ponen al serviciu de los más débiles el so conocimientu. Por eso nun ye tolerable la descalificación pa con ellos. Ye importante de ónde vien una persona, pero ye más importante aú va.

    ResponderEliminar
  56. ¿Ye meyor "padremuñu" que "patrimoniu"?
    Nel diccionariu l'Academia recueyen "patrimoniu", pero non "padremuñu".
    Estos "lliberales" tán preparaos no llingüístico.

    ResponderEliminar
  57. ¿Por qué esti puntu "Comunista" ye maderu?

    "Mire, profesor Rivas. Lo suyo nun tien nome. Reconozcoi una talla intelectual. Ye usté un aristócrata que siempre tuvo perres. So padre tinía una empresa del metal y la so madre yera xerente d’una empresa química. Y teníen cien vaques en Villaviciosa."
    Equí fala de la situación familiar de Rivas. Nun creo que tea cantáu a voces ente comunistes ni nacionalistes d'onde vien la familia de Rivas. Y si la brigada d'información sabe hasta detalles personales de xente (anque seyan guah.es) qu'anda pel nacionalismu activu namás que dende ún o dos años atrás, nun ye pa nada d'estrañar que supieran más coses d'una persona que foi candidata d'Andecha Astur (vistos pol establishment asturianu como los homólogos d’Herri Batasuna n’Asturies).

    “Asturies salvase lluchando, cola llucha de la clase obrera. Soi comunista, ye verdá, y pienso que Rafael Palacios o los de la UNA valen mas que usté. Usté nun ye de izquierda, ye un lliberal a lo yanqui”
    Llema tipiquísimu, comparar con un lliberal a lo yanqui tipiquísimu. Y remátalo too comparar con Rafael Palacios (¿Quién llama nel nacionalismu a Rafa Palacios Rafael?) y la UNA. Esto ye un intentu namás de que la xente del nacionalismu crítica (yá sabemos toos lo que s’anda esbabayando pela rede) con estes dos organizaciones acaben rebotándose más tovía…

    “Anduvo usté por universidaes de per ende, onde daprendió bien la estratexa de la derecha”
    ¿Qué ye eso de daprendió?

    “Ye usté un etnicista que bordea el racismu.”
    Repitir argumentos fatos qu’anden tamién pela rede

    “Pero na UNA y nel Bloque, tamién na mayoría d’Andecha, ta una Asturies distinta. Namás cabe la revolución, la de verdá, la de Marx y Lenin”
    ¿Pero quién dientro de la UNA o nel Bloque fala de revolución o de Lenin?

    En resumen. Qu’hai un interés en que’l nacionalismu nun exposigue n’Asturies y la Brigada d’Información nun son los padres, existen de verdá y dalgo de llabor tienen que facer.
    Ún d’esos llabores bastante cómodos ye restolar pela rede onde pasen estos debates y enmierdar; enmierdar pa que los que tachen al Bloque de comunistes antinacionalistes tengan escuses y enmierdar pa que los que tachen al PAS de faches racistes tengan más motivos.

    Hai que tener muncho cuidáu con estes provocaciones porque, anque paeza que non, los enemigos tán fuera del nacionalismu y non dientro.

    Salú!

    ResponderEliminar
  58. Yo creo que ye lo de siempre:
    -Los de dereches ven stalinistes o marxistes per tolos llaos.
    -Los d'esquierda ven facistes o faches per ende.
    -Los de centru intenten dixebrase de los estremos como seya.

    Y entós escaecemos puntos en común que l'asturianismu tien y polos que creo que tien que lluchar.

    ResponderEliminar
  59. Xuan K. II (Founder member of “The Paisans”)10 de diciembre de 2010, 9:17

    Nun me cayó embaxo la reflexón llinguística. La verdá que llama l’atención el que se vaya dende “elleiciones” a “elecciones” cuando nel DALLA tenemos:

    eleición, la: sust. Aición y efeutu d’elixir. 2 Posibilidá d’elixir. Nun nos dexen más qu’una eleición. 3 pl. Votación [pa elixir representantes políticos].
    Nun taría de más que nestos medios recurrieren de xemes en cuando a gramátiques y diccionarios (l’Academia tará –o debería tar- pa dalgo) pa dexar afitaos determinaos términos como podría ser nesti casu, anque soi yo’l primeru en reconocer que doi munches pataes.

    En cuantu a los “espeyismos varios”, completando les pallabres del mio predecesor, y falando en xeneral, tampoco ye d’estrañar qu’haya rocea en que “lo de la identidá” nun seya más qu’una manina pintura que cae de primeres pa da-y llustre a posicionamientos realmente poco comprometíos cola causa.

    Saludos.

    ResponderEliminar

Publicar un comentario