12.8.10

La dictadura de lo políticamente correcho

Acabó l’espolín armáu al rodiu’l cartelu anunciante del festival de la cerveza d’Avilés. El dibuxu d’una muyer con un corpiñu entalláu y apurriendo cerveza fora l’aniciu d’esi toletole. Cualisquier persona que sepa daqué del mundín cultural cervezeru identifica ensin duldia l’arquetipu de la fiesta de Munich, la “Oktoberfest”, que nun ye otru que’l d’una muyer col trax tradicional de Baviera. Ye un trax d’estremosa escotera, eso sí, que sobrovivió inclusive a los nazis porque nun tuvieron una “sección femenina” santurrona y mansulina como la del franquismu, que llegó a prohibir n’Asturies el baille agarrao y púnxo-ys pololos a les muyeres pa que nun foran obxetos de petite. A mí, personalmente, el cartelu avilesín nun me gusta porque me paez infantiloide y con una muyer con rasgos cercanos al manga, estilu de comic que nun me peta un res. L’”estilu Heidi” enxamás me gustara y muncho menos si yá falamos de manga erótico, que nun ye’l casu.

Paula Bartolomé, conceyala d’Avilés, considera que ye un cartelu “sexista ya inadecuáu”. Dicir qu’un dibuxu que representa a una muyer con una xarra cerveza seya “inadecuáu” pa una fiesta de cerveza ye un razonamientu un tanto chocante, polo que ye de suponer que’l refugamientu venga motiváu porque ye de conteníu sexista porque, como diz la presidenta de Xurtir, Ángeles Castellano, “nun tien nada que ver el sexu cola cerveza”. Toi d’alcuerdo, nada que ver, por más que nun taría mal repasar delles lleendes xermániques sobro l’aniciu de la cebada, la fermentación de la cerveza y los pleitos de los dioses, dalgunos d’ellos eróticos, con potentes episodios de sadismu.

Pero ye Marián Moreno, presentándose como esperta en “educación pola igualdá”, la que mos da les claves: “tien una cara de meñaca hinchable… cola boca abierta como una ufierta a los varones”, ametiendo que, “l’abertura la boca ye sexualmente suxerente”. Ye verdá, hai ser mui espertu pa ver toes eses coses nesi cartelu un tanto “naif”. El discursu de la esperta terminaba con una entruga de fondu calao: “¿acasu ye que quieren convocar a varones heterosexuales?”. Y pa rematar la custión, ufiertaba la so collaboración pa revisar los cartelos de sucesives ediciones, esto ye, la censura previo.

Tamién hebo –yo sentílo dicir concretamente a un home- quien consideró que la polémica quedaba resuelta si apaecía nel afiche un paisanu xunta la muyer, supongo que de pantalones bávaros y cola boca abierta, como ufriéndola a daquién que nun fore un varón heterosexual. Estes soluciones yá les conocemos de los festivales de la sidra de Xixón, nos que’l trasgu protagonista tuvo que casar con una “trasga”, amás d’atemperiar los sos colloretes presuntamente etílicos. L’apaición de la trasga, inesistente na mitoloxía asturiana, supunxo que, pesie al bon facer de Berto Peña, los cartelos sidreros son más propios del gnomo David y la so muyer Elisa, o de la gnoma (que tampoco esiste na mitoloxía) Elisa ya’l so paisanu David.

Hai dos años l’alcalde de Villaviciosa fixo una patochada asemeyada. Asonsañáu por dellos representantes de les fuerces vives del entá en bona midía caciquil conceyu, obligó a retirar el cartelu de les fiestes del Portal por irreverente. El dibuxu en custión yera una recreación de los capiteles de San Xuan d’Amandi, el bixu románicu de transición al gótico de Villaviciosa. Ye más, onde había claramente una pirula –tamién conocío como cipote- el xoven autor maliayés que ganara’l concursu punxo una virxinal florina. La cacicada l’ayuntamientu namás fora superable pola so ignorancia.

Pero ye que, volviendo a Avilés, hai un añu qu’esta mesma conceyala prohibió “la quema la vieya”, ceremonia tradicional del miércoles de ceniza, al finar l’antroxu. Eso de “quemar la vieya” sonába-y mui mal a la ilustrada y progresista conceyala porque atentaba, simultáneamente, contra la muyer y contra los vieyos (supongo qu’ella dirá “tercera edá”). “La quema la vieya” nun ye otra cosa qu’un ritu de pasu, el ritu de quemar l’iviernu, ritu cellebráu –y con una vieya como protagonista- en munchos llugares de la Xermania y la Escandinavia. De les llapaes de la vieya ñaz la muyer moza, la primavera, granible y gayaspera, la muyer que vuelve dá-y la lluz al mundiu. En definitiva, pa xeneral conocimientu, taríamos escontra un mitu femenín, el de la diosa madre, la Tierra. Pero eso debe ser enforma complicao pal nivel cultural de los nuesos políticos. Quiciavis tampoco sepan lo que n’Asturies ye “l’arcu la vieya”, al que seguramente llamarán “arco iris”. Y p’acabar, nel conceyu de Salas, cuando van medrando los díes, cerquina yá del solsticiu d’iviernu, dicen que “Per Santa Llucía la vieya estira la pía”.

Por embargo, neses fiestes avilesines, nel xueves de comadres –fiesta esclusivamente de muyeres, como siempres fora, y a mín paezme mui bien- cellébrase la “nueche caliente”. Nun voi entrar en detalles porque’l nome ye abondosamente desplicativu ya’l programa festeru tien muncho aquello. Teo entendío que nun hai “bous” a la catalana pero sí “boys” a la norteamericana. Paez evidente que, pa los munícipes d’Avilés, nun hai equí dengún resclavu “sexista ya inadecuáu”.

Munchos se recordarán de la trafulca entamada hai unos años por causa’l llibru d’un tal Hernán Migoya, un llibru entituláu “Toes putes”. Paez ser –yo nun lleí’l llibru- que nel cuentu tituláu, precisamente “El violador”, un personax diz que, como les muyeres nunca dicen si quieren foyar o non, la violación ye una forma d’encurtiar los enguedeyaos procesos del cortexu. Nun ye una tesis sociolóxica o antropolóxica, trátase d’un cuentu y dizlo un personax de ficción. Pero la carga contra l’autor y, riba tóo, contra la editora, Miriam Tey, duró selmanes. Entóncenes ella, una editora de castra con un de los meyores catálogos n’español, yera directora del Instituto de la Mujer, cosa que fora considerao como agravante. Dalgo menos sonao por ser muncho más doméstico pasó con un poemariu de Chema Vega pol que dalgunos pedíen un autu de fe, pente nacionalcatólicu ya estalinista, nel que los que compartíamos col autor el trabayu nuna asociación echáremos anatemes, pidiéremos perdón por tener amigu tan cafre y censuráremos públicamente la so poesía.

El puritanismu que mos ta invadiendo dende presuntes posiciones progresistes ta llegando a cotes insospechaes, tracamundiando lo que ye l’autor y lo que ye’l so personax, tarazando asina la llibertá de creación. Nun quiero nin pensar lo que pasaría si una comisión de xente políticamente correcho se punxere a revisar tola lliteratura universal y toles tradiciones culturales con esta triba criterios.

Les obres del marqués de Sade, ayalgues de la modernidá, seríen quemaes nes places públiques ya igual, como yá pasara enantes, los sos güesos seríen profanaos pa enseñanza de neños y avisu de mayores. La “Lolita” de Nabokov amburaría tamién nes fogueres inquisitoriales por apoloxía de la pederastia. ¿Y qué dicir del “Llibru de los reis”, onde David ye capaz de mandar al so meyor capitán a una muerte segura pa beneficiase de la so muyer?; ¿y la poco edificante historia de Lot, borrachu como una cuba y copulando coles sos fíes?. Nada, nada, “La biblia” tamién a la foguera. Y nun digamos nada de Boris Vian, cuyos personaxes dedíquense a violar lesbianes “pa que daprendan”, o Lewis Carroll fotografiando adolescentes medio espelotaes. Y que Capiellina Roxa ande con procuru, porque lo del llobu tien una pinta un tanto de rellación estraña, asina como de bestialismu.

Pero ye que esto pué ser namái que l’entamu. Gran parte de la novela negra sería prohibida por apoloxía l’asesinatu –nun son poques les obres nes que'l criminal ye xustificáu-, Sherlock Holmes a la foguera por morfinómanu y cocainómanu, Tom Sawyer tamién porque se fai apoloxía de pirar la escuela y eso ye mui malo pa los chiquillos, el rei Arturo lo mesmo porque nun queda mui claro con quién fornicara la so ma pa trayelu al mundiu. ¿Y lo de la virxe María?, ¿nun ye tamién eso mui raro?. Nada, nada, los “Evanxelios” tamién al fogón.

Con cuatro perrones de la teoría deconstructiva de Derrida y otres tres del estructuralismu antihumanista de Foucault, dellos grupos feministes –polo xeneral los menos significativos- y dalgunos políticos oportunistes anden coles escopetes cargaes. Pretenden caminar haza la igualdá escaeciendo que nun mundiu complexu el fechu de “ser iguales” nun puede separtase del “ser estremaos”. Ye un vieyu aforismu xurídicu, particularmente de la tradición anglosaxona, que la xusticia consiste, pente otres coses, en tratar diferente lo que ye diferente. Si nun fora asina, el que mata en defensa propio sedría condergáu a la mesma pena que’l que mata pa robá-y a un transeúnte.

A esti respective, viénmos bien aparamos nuna polémica que tuvo llugar en Cuenca con motivu de les cellebraciones de la selmana santa, de gran tradición per eses tierres de Castiella. Ye mui famosa una procesión llamada “de las turbas”, procesión na que, dende peronia, namás que puen participar los paisanos. Como yera d’esperar, hai unos años la presión feminista y, en xeneral, de la esquierda llocal, provocó l’alderique, un discutiniu que, como pasa siempres coles tradiciones, dixebró la ciudá. Hasta equí tóo normal: les muyeres queríen tener drechu a participar na procesión. Pero hebo un grupu muyeres que s’opuso a la reivindicación. La procesión de “las turbas” reconstruye, asigún la tradición cristiana, l’intre nel que Xesús, cola cruz a xocostrines y camín del Gólgota, ye atacáu, insultáu y cuspitáu pola “turba”. Pero esa “turba” taba compuesta namás que por homes. Les muyeres, apiadándose del probe desgraciáu, pidíen clemencia a los sos paisanos y a los soldaos romanos. Por eso unes cuantes muyeres de Cuenca revindicaben nun participar nesa procesión y cellebrar a la mesma hora un actu en defensa de los drechos humanos y pola erradicación de la pena muerte en tol mundiu. Como yera d’esperar, ganaron los políticamente correchos y güei les muyeres pueden participar nun actu xabaz que rememora la crueldá y l’espantu. Tamién como yera d’esperar, naide dende los poderes públicos sofitó a aquel garapiellu muyeres que, a lo meyor, yera “sexista ya inadecuáu”.

Nel quintu actu de la gran obra de Goethe, cuando Mefistófeles namórase d’un ánxel guapísimu y Margarita ta esperando por Fausto como Beatriz esperaba a Dante, el coru místicu acaba cantando: “tolo efímero nun ye namái qu'alegoría, lo inasequible tórnase sucesu, lo inefable ta ehí consumao, porque l’eternu femenín llévamos al gumiu”. Igual los nuevos inquisidores de lo políticamente correcho creyen tar xubiendo los gumiales d’esi eternu femenín, cuando la verdá ye que tan fondiaos no efímero y nel sucesu.

17 comentarios:

  1. Va reñime Churchill por ser combayón, pero hai que ser gallu pa escribir esto. Tienes tola razón del mundu pero esta guerra ta perdía. El PP, el PSOE, IU y los nacionalistes varios, ninguno tien lo aquello pa escribir esto. ¿Va el PP a ser de Sade, por poner un exemplu? Nun vas ganar, David, nengún amigu y vas perder más d'un par d'ellos. Tal me paez que tas xugando a que t'olviden, a que te dexen a un lláu los tos collacios. Pa mí que tienes razón casi siempre pero tas echando muncho carbón. Pienso que tas marcando llendes, igual por vieyu (perdón, vieyu porque esto nuestro ye de xente de trenta como muncho). Fae lo que te pete, pero equivóqueste. Hai muncha xente que piensa que puedes aportar muncho. Retiráte ye de bobos. Necesitamos xente y tu sábeslo. Naide te va pedir qu'encabeces nada (eso tu ya lo sabíes) pero munchos piensen que yes importante. A mi préstame saber que confié el mio votu a una persona íntegra y con capacidá.

    ResponderEliminar
  2. Prestou artículu que mos emburria a una prestosa conclusión, LA ESQUIERDA A ESCUELA que son "to@s ell@s un@s inorant@s"

    ResponderEliminar
  3. ¿Qué pasará cuando se pongan col rock? ¡Probes Ilegales, ensin dir más lloñe! Por nun falar de los Rollings y, especialmente, del heavy y del punk inglés. ¿Y cuála ye mas "suxerente", la maja desnuda o la maja vestida? Hai que ver les coses como son, eso sí, desplicando'l contestu. Si una cosa bona ye "coyonuda" y una mala ye "coñazu" nun consiste en perder los términos. Consiste en que, cuando un neñu lo emplegue, sepa en qué época y en qué contestu salieron. Lo mesmo que cuando Hitler tien "secuaces" y Cristo tien "apóstoles". Tol llinguaxe ye convención, con historia, relixón, prexuicios, dominación étnica o sexual.

    Noli me tangere: nun creo qu'haiga qu'entender nada oculto no que diz David Rivas. Nun caigamos no mesmo que los de la "boca suxerente". David, anque suel ser prudente, siempre opinó mui llibremente. Yo tuve n'Andecha hasta hai un par dáños y puedo asegurátelo. Nunca tuvo problemes pero munches veces yera mui incomprendíu. Yo mesmu túveles con él dalguna vegada. Siempre respetuosu y disciplinau colo acordao, o nun opinaba o dicía lo que pensaba. Asina ye él.

    ResponderEliminar
  4. Nun sabía lo de la quema la vieya. Pero ye que la nuestra cultura ta morriendo. La Pantoja, Chenoa, los Morancos, da lo mesmo PP que PSOE. Les tres persones del artículu, Bartolomé, Moreno, Castellano, apellíos que definen. Desconocen la cultura asturiana. Y que nun me vengan con lo del racismu que'l mio compañeru ye dominicanu y tengo dos fíos que se paecen mas a el. Soi d'un pueblín d'Amieva (ya nun tien habitantes) y conocí de neña la quema la vieya. Pero yera por noviembre, non pol antroxu.

    ResponderEliminar
  5. Pero Rivas, hostia, ¿nun conoces a los nuesos políticos? ¿Quiés que sepan que ye la quema la vieya y tamién que llean a Goethe? Con que sepan de Colón y llean a Pérez Reverte ya me daba yo por contentu.

    ResponderEliminar
  6. Lo primero de too mui acertáu el nome d'esti post, ya que llegamos a términos de dictadura con esti progresismu totalitariu.
    Lo segundo, nun creo que David té trespasando nenguna llende por decir lo que piensa. Amás, nesti casu paezme dalgo obvio. Tamos en manes d'un grupu d'analfabetos funcionales que s'atreven a decir lo que tá bien y lo que non, dueños de la verdá y que si-yos contradices ye poco menos qu'un ataque a la moralidá y a la racionalidá.

    ResponderEliminar
  7. Tienes razón Solsticiu. Tamos en manos d'analfabetos. ¿Y nun te paez qu'eso ye'l gran problema que siempre tuvo David Rivas? Ye persona culta y llibre de dogmática. Opina llibremente de tóo, da lo mesmo Israel que l'ecoloxismu, la xuntanza que l'ampliación d'El Musel. Dicen notros foros que nun ye d'izquierdes porque critica al réximen de Cuba y nun sofita a Palestina. Yo nunca lleí nada de Rivas sobre Cuba y paezme que siempre defendió los drechos palestinos. Pero lo gordo ye esto: ¿una persona ye d'izquierdes por defender a Castro? ¿Y el que defiende a los ganaderos nuestros, cosa que fae Rivas nos sos artículos, que ye, un facha?

    ResponderEliminar
  8. Acabarán prohibiendo echar sidra porque, si nos fixamos bien, esi lliquidín que cae del fálicu cuellu la botella, con forma evidente de pirula col so prepuciu y tóo, y que se recueye nun vasu demasiao abiertu pa ser un vasu...

    ResponderEliminar
  9. Hola Camarada Rivas
    Es curioso que no cites, lo que para mi es el mayor ejemplo de la idiocia en el lenguaje de lo políticamente correcto, el uso del termino "estado español" en como eufemismo de españa.
    Ese uso del termino,por ejemplo Coordinadora de grupos ecologistas del estado español,
    es un autentico Galimatazo(Jabberwocky),que diría L. Carroll. ¿Que se quiere decir con eso -que existe un conjunto de colectivos ecologistas que estan coordinados- ¿y que se entiende? Que los funcionarios del estado español que son ecologistas tienen una coordinadora, ¿ ¿acaso un organismo interministerial que los regula y organiza?
    Un saludo

    ResponderEliminar
  10. Camarada (bajo los luceros): tienes razón. Esa estupidez del "estado español" es insostenible. Por cierto, que David Rivas fue el primer nacionalista en emplear el término "reino de España". Es un tipo riguroso. Yo también me encorajino con lo de "Asamblea Estatal de Parados". Imaginemos que los anarquistas se agrupraran en la Confederación Estatal de Trabajadores. Lo que pasa es que no tienen los cojones de llamar a España "nación" ni tampoco de llamar a Asturies "nación", o a Cataluña, o a Canarias. Pero, camarada "kamaraten", lo de "Estado Español" es una acuñación del franquismo. La monarquía borbónica hablaba de "España". La república (las dos repúblicas) hablaban de "España". El término "Estado Español" es de Franco y de la Falange. Ahora lo empleará una izquierda tontorola pero el concepto es netamente franquista. Franco fue "Jefe del Estado Español". Incluso en su último discurso (aquello momificado del criminal en el balcón) habló "como jefe del estado español". Era 1975. Camarada, un poco de lectura no nos viene mal a ninguno.

    ResponderEliminar
  11. Señor No me toques.
    Le agradecería que no me tutease y mucho mas que se abstuviera de llamarme camarada suyo, no tengo el gusto de conocerle y por lo tanto es muy difícil que pueda darse algún tipo de camaradería entre nos. Mucho menos bajo ningún lucero, son otro tipo de luces las que me iluminan, ni llevo prendidas cinco rosas ni me apetece andar por ahí cantando, al paso alegre de la paz, el "Ich hatt' einen Kameraden" tampoco categorizo, en términos políticos, las acciones o decisiones que se toman en función del tamaño de ciertas glándulas corporales, cosa que también es y era muy del gusto de los "valerosos falangistas" y al parecer también de cierta izquierda.
    En cuanto al ejemplo que pone de los anarquistas , a estos se les podrán criticar muchas cosas pero por lo general fueron y son bastante exquisitos* con el uso de la terminología y el lenguaje con que se expresaban y se expresan.
    Fijese que a las organizaciones en las que se agrupan las llaman federaciones, no coordinadoras, pues no confunden el órgano rector (coordinadora o comité) con la forma de organización( federación o confederación). Existe el caso concreto de la F.A.I. que como sabrá son las siglas de la federación anarquista ibérica,Lo de ibérico no es porque sean de "pata negra" ni un eufemismo (por carencia testicular) para evitar hablar de España si no por que entienden que el ámbito geográfico en el que se mueven es el de la península ibérica, tal es así que el órgano de coordinación de los grupos que componen dicha federación se llama comité peninsular. Item mas los anarquistas entienden la ordenación del territorio por elementos regionales y/o naturales, producto de sus lecturas de Proudhom, Pi i Margall y Elisée Reclus entre otros, pero no por la forma política que impera en esa área. por ello usted no oirá decir a un anarquista de Xixón, si lo hubiere, que el es de la federación del Principado de Asturias, sino que le dirá que es de la federación asturiana. por desgracia el abuelo materno de David Rivas hace mucho que no encuentra entre nosotros pero si estuviere, esto se lo explicaría mucho mejor que yo.
    Un fraternal saludo
    Rafael Erskine Guerricabeitia

    * Hay que reconocer que existe algún que otro grupúsculo que se ha propuesto cometer verdaderos estropicios ortográficos y tipográficos con los asuntos de genero

    ResponderEliminar
  12. Don Rafael (el don no es coña), le pido disculpas. O usted se expresó mal o yo leí mal, o ambas cosas. Su retórica es de un liberalismo decimonónico pero es de agradecer. Espero que, sin ser camaradas ni amigos, al menos en este blog de alguien que nos une, seamos "buenos y leales conocidos".

    ResponderEliminar
  13. ¿Asina que'l conceutu d'Estáu ye un inventu del franquismo? Ye verdá que taba aquello d'una xuntanza no universal pero nunca pensé que fuera tan p'atrás. Estáu ye la espresión material de la opresión d'una clase sobre otra, y esto nun lo dixo Franco sinon Engels que me da que nun militaba na FET. L'Estáu español cuantayá qu'esiste, lo que nun quier dicir que tenga porque esistir nenguna nacionalidá española, l'Estáu español pué tener como tolos Estaos delles formes polítiques la mayor parte foi la de Reinu, como la que sufrimos anguañu, pero tamién la facista que s'apuntaba.
    En cuantes a coordinaciones estatales camiento que respuenden a la necesidá d'iguar l'aición contra l'enemigu en comuna que ye l'Estáu español, llamémoslo España o Reinu nesti casu, cuento que piensen que d'esta miente la fuercia d'actuación ye muncho mayor, nun lo veo tan carente de sentíu, otra cosa ye que se comparta o non la visión, pero respuende a una lóxica.
    Acabando, precisamente llamándolo Estáu español refúgase la idea de la esistencia d'una nación española.

    ResponderEliminar
  14. Señor Noli me tangere
    disculpas aceptadas. He de decirle que me resulta muy gracioso ese "pero" (conjunción adversativa) que coloca entre retórica de un liberalismo decimonónico y es de agradecer.

    No se como interpretarlo,eso es lo que me divierte,
    pero si lo prefiere podría,por ejemplo, utilizar un lenguaje veteromarxista (eufemismo de estalinismo) por mor de avanzar unas décadas en el tiempo, que no en la evolución de las ideas,e incluso impostando el estilo algo que parezca postestructuralista. siguiendo la máxima de Marx (Groucho) "Éstos son mis propios principios; si no le gustan, tengo otros"
    Pero dejémonos de bromas y vayamos al fondo del asunto,lo políticamente correcto y el termino España. El lenguaje políticamente correcto parte de la pretensión de que es posible cambiar la realidad cambiando solo el significado* de las palabras, producto delirante de la interpretación idealista (¿hegeliana?) de que las palabras conforman la realidad o como en el cuento de Borges donde el mapa se había convertido en el territorio que esta debajo. En el fondo es la vieja creencia mágica de que invocando ciertas palabras se cambia el mundo esta vez al servicio de ciertos políticos y de sus acólitos. De ahí mi critica al uso del termino "estado español" como eufemismo de España o español o como bien precisa David " Reino de España". Para los que no somos nacionalistas ni españoles la cosa se nos aparece como un gran disparate lingüístico pues el problema surge como muy bien apunta el comentarista anónimo anterior a este de intentar negar la nación española a través del lenguaje.
    Negación un tanto inútil pues se hace desde el mapa, desde el lenguaje, no desde el territorio.
    Lo mas probable que un nacionalista asturiano, vasco o catalán se rebelen contra una nación-estado (España)que les oprime o les impide la realización de su proyecto nacional y hagan aquello que consideren pertinente de cara a la realización de su proyecto. pero nada conseguirán utilizando palabras mágicas que encubran la realidad y la enmascaren pues España no va a desaparecer por llamarla estado español. Es mejor la estrategia de Rivas donde no se niega la realidad existente si no que se amplifica al hacer constar que España es un reino y por tanto una monarquía con todo lo que ello significa.
    Fijese que el acto a la contra de negar el estatuto del uso del termino nación por parte del tribunal constitucional español en su sentencia del estatut de Cataluña es otro disparate de tomo y lomo desde el punto lingüístico y político en cuanto a la realidad y el sentimiento nacional catalán, por desgracia si pretende limitar jurídicamente el reconocimiento de Cataluña como nación,. Este es otro ejemplo de intento de cambiar la realidad a través del lenguaje y cuyos resultados y consecuencias todavía están por ver.
    O como vanamente decía Humpty-Dumpty en la Alicia de Carroll "--La cuestión --zanjó Humpty Dumpty-- es saber quién es el que manda..., eso es todo."
    Un saludo fraterno desde Valparaiso
    REG

    * la cosa no es tan facil pues ademas,las palabras tienen un significante y lo que de común se olvida un referente.

    ResponderEliminar
  15. Perbón artículu, David. Faltaba comentar l´intentu de prohibición de Bibiana Aido ("La Miembra")de los Cuentos de Fades clásicos, los de los Hermanos Grimm, Blancañeves, Capiellín coloráu, etc. Menos mal que tovía soi dueñu de mercar los cuentos que me peten a les mies fíes. Inorancia progresista igual a Inquisición.
    Hai un problema, tantu nel discutiniu del nacionalismu como nesti: el "nominalismu". Aldericamos al rodiu de pallabres, de nomes, y bien de veces pensamos que correspuenden a daqué real. Esti filandón sobre "Estáu Español" o (la propuesta de Rivas) "Reinu d´España", etc. tapez lo fundamental: ¿Ye España una Nación "cuayada" o más bien "albortada"? Yo pienso más bien lo cabero. Yo trato de nun cayer nes distinciones bizantines o escolástiques. Por exemplu: ¿Son nacionalistes toos los que dicen ser? ¿Ye que nun hai asturianos que refuguen el términu y na praxis sónlo más que naide? Etc. Etc.
    Mui oportunu´l post. David, yes economista pero tienes más de filosófu. CXB.

    ResponderEliminar
  16. CXB: conozco muy bien a David Rivas. Es uno de los pocos profesores de economía que leen el latín clásico. No creo que sea una anécdota.

    ResponderEliminar
  17. Buenas David,

    El artículo me parece genial, además de compartir tu punto de vista: ¿dónde acaba la corrección política y empieza la censura?.
    Parece que la ignorancia de algunos políticos y su desprecio por la cultura en favor de su ideología (si es que la tienen) se superan cada día.

    Un saludo,

    Un saludo,

    ResponderEliminar

Nota: solo los miembros de este blog pueden publicar comentarios.